Сыфатында болмагъаны, суратында болмаз.
Чабар ат – джетген къыз.
Къатыны харакетли болса, эри къымсыз болур.
Игилик игилик бла сингдирилиучю затды.
Адам къаллай бир ишленмесе, аллай бир кесин уллу кёреди.
Джыйырма къойну юч джыйырма эбзе кюте эди.
Джюрек кёзден алгъа кёрюр.
Мал ёлсе, сюек къалыр, адам ёлсе, иши къалыр.
Джаш къарыу бла кючлю, къарт акъыл бла кючлю.
Чакъырылмагъан джерге барма, чакъырылгъан джерден къалма.
Халкъны джырын джырласанг, халкъ санга эжиу этер.
Акъыллы айтыр эди, акъылсыз къоймайды.
Эл ауузу – элия.
Кёпюр салгъан кеси ётер, уру къазгъан кеси кетер.
Тойгъан антын унутур.
Байлыкъ болгъан джерде, тынчлыкъ джокъду.
Кесинге джетмегенни, кёб сёлешме.
Тилсиз миллет джокъ болур.
Джарлы тюеге минсе да, ит къабар.
Тойгъандан сора, ашны сёкме.
Тенгни тенглиги джашай барсанг билинир.
Дуния малгъа сатылма, кесингден телиге къатылма.
Айтылгъан сёз ызына къайтмаз.
Окъугъанны бети джарыкъ.
Арпа, будай – ащды, алтын, кюмюш а – ташды.
Ариу сёз джыланны орнундан чыгъарыр.
Аман киши кеси юйюнде – къонакъ.
Атадан ёксюз – бир ёксюз, анадан ёксюз – эки ёксюз.
Байлыкъ адамны сокъур этер.
Кёб джашагъан – кёб билир.
Тин – байлыгъынг, терен саулугъунг.
Ашха уста, юйюнде болсун
Ашыкъгъанны этеги бутуна чырмалыр.
Элге къуллукъ этмеген, элге ие болмаз.
Ётюрюкню къуйругъу – бир тутум.
Кюн – узун, ёмюр – къысха.
Келгинчи, къонакъ уялыр, келгенден сора, къонакъбай уялыр.
Ат да турмайды бир териде.
Арыгъан къош чамчы болур.
Ишге юренсин къоллары, халкъ бла болсун джоллары.
Ач уят къоймаз.
Аман къатын алгъан, арыр, иги къатын алгъан джарыр.
Бети бедерден, намыс сакълама.
Окъуу – билимни ачхычы, окъуу – дунияны бачхычы.
Къазанчы аман болса, къазаны къайнамаз.
Байдан умут эте, джарлыдан ёгюз багъасы къорады.
Акъыллы – эл иеси, тели – эл баласы.
Чомарт къолда мал къалмаз.
Атлыны кёрсе, джаяуну буту талыр.
Тели турса – той бузар.
