Ач, тоймам, дейди, тойгъан, ач болмам, дейди.
Гырджын – тепсини тамадасы.
Айран тёгюлсе, джугъусу къалыр.
Хоншуну тауугъу къаз кёрюнюр, келини къыз кёрюнюр.
Шекер бла туз – бир болмаз, ушамагъан – юй болмаз.
Аууз сакълагъан – джан сакълар.
Ётюрюкню къуйругъу – бир тутум.
Билмезни кёзю кёрмез, этмезни къулагъы эшитмез.
Ойнай-ойнай кёз чыгъар.
Гугук кесини атын айтыб къычыргъанча, мен, мен деб нек тураса?
Къозулугъунда тоймагъан, къойлугъунда тоймаз.
Терек ауса, отунчу – кёб.
Билимли ёлмез, билимсиз кёрмез.
Эки итни арасына сюек атма, эки адамны арасында сёз чыгъарма.
Джауумдан сора, кюн кюйдюрюр, ётюрюкден сора, айыб кюйдюрюр.
Джашда акъыл джокъ, къартда къарыу джокъ.
Таш ата билмеген, башына урур.
Ач – эснер, ат – кишнер.
Намыс болмагъан джерде, насыб болмаз.
Уллу къашыкъ эрин джыртар.
Эрни эр этерик да, къара джер этерик да, тиширыуду.
Сибиртки да сыйлы болду, кюрек да кюнлю болду.
Адамгъа аман кюн соруб келмейди.
Игилик игилик бла сингдирилиучю затды.
Аджашхан тёгерек айланыр.
Аурууну келиую тынч, кетиую – къыйын.
Кёл – къызбай, къол – батыр.
Сёз садакъдан кючлюдю.
Кюн кёрмеген, кюн кёрсе, кюндюз чыракъ джандырыр.
Босагъагъа джууукъ орун болса, ашыгъыб тёрге озма.
Онгсузну – джакъла, тенгликни – сакъла.
Байлыкъ келсе, акъыл кетер.
Тили узунну, намысы – къысха.
Ёлген ийнек сютлю болур.
Тёрени джагъы джокъ.
Чомарт джарлы болмаз.
Ауругъанны сау билмез, ач къарынны токъ билмез.
Тёзгеннге, джабылгъан эшик ачылыр.
Берекет берсин деген джерде, берекет болур.
Кюлме джашха – келир башха.
Кесине оноу эте билмеген, халкъына да эте билмез.
Ёлген эшек бёрюден къоркъмайды.
Мадар болса, къадар болур.
Чомарт къолда мал къалмаз.
Аман хансны – урлугъу кёб.
Къайгъыны сюйген, къайгъы табар.
Эркиши – от, тиширыу – суу.
Ата – баланы уясы.
Атлыны ашхысы, ат тизгининден билинир
Бал чибинни ургъаны – ачы, балы – татлы.
