Эртде тургъан джылкъычыны эркек аты тай табар.
Эрни эр этерик да, къара джер этерик да, тиширыуду.
Иги сёз – джаннга азыкъ, аман сёз башха – къазыкъ.
Айраннга суу къош, телиге джол бош.
Дуния малгъа сатылма, кесингден телиге къатылма.
Алим болгъандан эсе, адам болгъан къыйынды.
Ач къарынны, токъ билмез
Эте билген, этген этеди, эте билмеген, юретген этеди!
Ата – баланы уясы.
Адам къаллай бир ишленмесе, аллай бир кесин уллу кёреди.
Элиб деген, элге болушур.
Окъумагъан сокъурду, сокъур ташха абыныр!
Ашыкъгъанны этеги бутуна чырмалыр.
Сёз – кюмюш, джыр – алтын.
Суу да къайтады чыкъгъан джерине.
Ёлмесенг да, къарт дамы болмазса?
Адеб этмеген, адеб кёрмез.
Керек ташны ауурлугъу джокъ.
Тойгъа алгъа да барма, тойда артха да къалма.
Мени джылытмагъан кюн, меннге тиймесин!
Ышармагъан – кюлмез, кюлмеген – къууанчны билмез.
Уллу къазанда бишген эт, чий къалмаз.
Къыз тиширыу кеси юйюнде да къонакъды.
Тойгъан джерге джети къайт.
Тюзлюк тас болмайды.
Къобан да къуру да къобханлай турмайды, адам да къуру да патчахлай турмайды.
Къартны сыйын кёрмеген, къартлыгъында сыйлы болмаз.
Бетинги сатма, малынгы сат.
Экиндини кеч къылсанг, чабыб джетер ашхам.
Эл элде бирер малынг болгъандан эсе, бирер тенгинг болсун.
Билмейме деген – бир сёз
Мал тутхан – май джалар.
Иги адам абынса да, джангылмаз.
Айранын берсенг, челегин да къызгъанма.
Юй ишлеген балта эшикде къалыр.
Тил – миллетни джаны.
Эл тойса, тоймагъан, эл къойса, къоймагъан.
Къолунгдан къуймакъ ашатсанг да, атаны борчундан къутулмазса.
Эки итни арасына сюек атма, эки адамны арасында сёз чыгъарма.
Онгсузну – джакъла, тенгликни – сакъла.
Атынг аманнга чыкъгъандан эсе, джанынг тамагъынгдан чыкъсын.
Булут кёкге джарашыу, уят бетге джарашыу.
Адеб базарда сатылмаз.
Тюзлюк шохлукъну бегитир.
Башсыз урчукъ тюзюне айланмаз.
Насыблы элин сюер, насыбсыз кесин сюер.
Адебсиз адам – джюгенсиз ат.
Нёгер болсанг, тенг бол, тенг болмасанг, кенг бол.
Тилде сюек болмаса да, сюек сындырыр.
Элге къуллукъ этмеген, элге ие болмаз.
