Тамчы таш тешер.
Юйлю уругъа ит чабмаз.
Уясында не кёрсе, учханында аны этер.
Азыкъ аз болса, эртде орун сал.
Эшекге миннген – биринчи айыб, андан джыгъылгъан – экинчи айыб.
Эри аманны, къатыны – аман.
Мал кёб болса, джууукъ кёб болур.
Тели турса – той бузар.
Ашхы адам – халкъ байлыгъы, ашхы джер – джашау байлыгъы.
Аш кетер да бет къалыр.
Окъуу – билимни ачхычы, окъуу – дунияны бачхычы.
Экиндини кеч къылсанг, чабыб джетер ашхам.
Окъуусуз билим – джокъ, билимсиз кюнюнг – джокъ.
Юйюнг бла джау болгъандан эсе, элинг бла джау бол.
Къарнынг къанлынга кийирир.
Ишни ахырын ойламай, аллын башлама.
Бёрю да ач къалмасын, эчки да ашалмасын.
Окъумагъан сокъурду, сокъур ташха абыныр!
Джетген къыз джерли эшекни танымаз.
Акъыл неден да кючлюдю.
Чыбыкълыкъда бюгюлмеген, къазыкълыкъда бюгюлмей эди.
Ариу сёз – джаннга азыкъ, аман сёз – башха къазыкъ.
Ашыкъгъанны этеги бутуна чырмалыр.
Телиге акъыл салгъандан эсе, ёлгеннге джан салырса.
Ойнай билмеген, оюн бузар.
Окъугъанны бети джарыкъ.
Адам боллукъ, атламындан белгили болур.
Эр сокъур болсун, къатын тилсиз болсун.
Таш бла ургъанны, аш бла ур.
Сабыр джетер муратха, сабырсыз къалыр уятха.
Ишлегенде эринме, ишде чолакъ кёрюнме.
Джумушакъ терекни къурт ашар.
Аджаллыгъа окъсуз шкок атылыр.
Оюмсуз атлагъан, аджалсыз ёлюр.
«Ёгюз, джаргъа джууукъ барма, меннге джюк боллукъса», - дегенди эшек.
Олтуруб кёрюнмей эди да, ёрге туруб кёрюне эди.
Къарын къуру болса, джюрек уру болур.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ат басханны джер билед.
Ёгюзню мюйюзюнден тутадыла, адамны сёзюнден тутадыла.
Ач да бол, токъ да бол – намысынга бек бол.
Сакъламагъан затынга джолукъсанг, не бек къууанаса, не бек ачыйса.
Кютгени беш эчки, сызгъыргъаны уа, джерни джарады.
Арыгъан къош чамчы болур.
Ишленмеген джаш – джюгенсиз ат, ишленмеген къыз – тузсуз хант.
Эли джокъну – кёлю джокъ.
Адам туугъан джеринде, ит тойгъан джеринде.
Этим кетсе да, сюегим къалыр.
Чакъырылмагъан къонакъ къачан кетерин сормаз.
Кесине оноу эте билмеген, халкъына да эте билмез.
