Билим ат болуб да чабар, къуш болуб да учар.
Эки итни арасына сюек атма, эки адамны арасында сёз чыгъарма.
Билим – акъылны чырагъы.
Акъыл бла адеб эгизледиле.
Эл тойса, тоймагъан, эл къойса, къоймагъан.
Келинни – келгинчи, бёркню кийгинчи кёр.
Биреуню тёрюнден, кесинги эшик артынг игиди.
Тенгинг джокъ эсе – изле, бар эсе – сакъла!
Узун джолну барсанг, бюгюн келирсе, къысха джолну барсанг, тамбла келирсе.
Ата Джуртун танымагъан, атасын да танымаз.
Агъач – джерни чырайы, кийим – эрни чырайы.
Айтханы чапыракъдан ётмеген.
Босагъа таш юйге кирмей эди, тыбыр таш эшикге чыкъмай эди.
Джолда аягъынга сакъ бол, ушакъда тилинге сакъ бол.
Тёзгеннге, джабылгъан эшик ачылыр.
Эм уллу байлыкъ – джан саулукъ.
Сёз – кюмюш, джыр – алтын.
Къралынгы – душмандан, башынгы от бла суудан сакъла.
Къазанны башы ачыкъ болса, итге уят керекди.
Ашлыкъ – бюртюкден, джюн – тюкден.
Кюн кёрмеген, кюн кёрсе, кюндюз чыракъ джандырыр.
Иги сеники эсе да, сюйген кесимикин этеме.
Айранны сюйген, ийнек тутар.
Джаш болсун, къыз болсун, акъылы, саны тюз болсун.
Аман къатын сабий табса, бий болур…
Юйлю уругъа ит чабмаз.
Адам боллукъ, атламындан белгили болур.
Ишлегенде эринме, ишде чолакъ кёрюнме.
Булут кёкге джарашыу, уят бетге джарашыу.
Бир онгсуз адам адет чыгъарды, деб эштирик тюлсе.
Ауругъан – джашаудан умутчу.
Тамырсыз терекге таянма – джыгъылырса.
Эркишини аманы тиширыуну джылатыр.
Джуртун къоругъан озар.
Эм ашхы къайын ана мамукъ бла башынгы тешер.
Адамны сыфатына къарама, сёзюне къара.
Бал – татлы, балдан да бала – татлы.
Ачлыкъда тары гырджын халыуадан татлы.
Сабыр джетер муратха, сабырсыз къалыр уятха.
Айран тёгюлсе, джугъусу къалыр.
Ач келгенни – тойдур, кеч келгенни – къондур.
Эки къатын алгъан – эки ташны ортасына башын салгъан.
Байлыкъ тауусулур, билим тауусулмаз.
Джыланны къуйругъундан басарынг келсе, аны башы болгъанын унутма.
Орну джокъну – сыйы джокъ.
Намысы болмагъанны, сыйы болмаз.
Адамны адамлыгъы къыйынлыкъда айгъакъланады.
Къарт бла баш аша, джаш бла аякъ аша.
Акъыллы эркиши атын махтар, акъылсыз эркиши къатынын махтар.
Эл элде бирер малынг болгъандан эсе, бирер тенгинг болсун.
