Къралынгы – душмандан, башынгы от бла суудан сакъла.
Айыбны суу бла джууалмазса.
Босагъагъа джууукъ орун болса, ашыгъыб тёрге озма.
Ашхы атаны – джашы ашхы, ашхы ананы – къызы ашхы.
Тешигини къатында, чычхан да батыр болур.
Чоюнну башы ачыкъ болса, итге уят керекди.
Джылар джаш, атасыны сакъалы бла ойнар.
Ашхылыкъ джерде джатмайды, аманлыкъ суугъа батмайды.
Кёкдеги болмаса, джердегин кёрмейди.
Чомарт бергенин айтмаз.
Чабакъ башындан чирийди.
Элни кючю – эмеген.
Иги джашны ышаны – аз сёлешиб, кёб тынгылар.
Къыз тиширыу кеси юйюнде да къонакъды.
Татлы тилде – сёз ариу, чемер къолда – иш ариу.
Эрине къаргъыш этген къатын, эрнин къабар.
Джашны джигитлиги сорулур, къызны джигерлиги сорулур.
Кийимни бир кюнню аясанг, минг кюннге джарар.
Азыкълы ат арымаз, къатыны аман джарымаз.
Акъыллы башны – тили къысха.
Сыфатында болмагъаны, суратында болмаз.
Байлыкъ адамны сокъур этер.
Билимли ёлмез, билимсиз кёрмез.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Эшекни не къадар тюйсенг да, ат болмаз.
Адамны бетине къарама, адетине къара.
Экиндини кеч къылсанг, чабыб джетер ашхам.
Тамбла алтындан бюгюн багъыр ашхы.
Къарыусузгъа кюлме, онгсузгъа тийме.
Эм уллу байлыкъ – джан саулукъ.
Айырылмаз джууугъунга, унутмаз сёзню айтма.
Кёз – сюйген джерде, къол – ауругъан джерде.
Биреуге аманлыкъны тилеме да, кесинге ашхылыкъны тиле.
Татлы сёз – балдан татлы.
Суугъа – таянма, джаугъа – ийнанма.
Ётюрюкню къуйругъу – бир тутум.
Байны оноуу, джарлыгъа джарамаз.
Ана къолу ачытмаз.
Акъыл къартда, джашда тюйюлдю – башдады.
Соргъан айыб тюлдю, билмеген айыбды.
Аманны эки битли тону болур, бирин сеннге кийдирир, бирин кеси киер.
Айныгъанлы алты кюн, тогъайгъанлы тогъуз кюн.
Джангыз торгъай джырламаз.
Урама да – ёледи, сатама да – келеди.
Байлыкъдан саулукъ ашхыды.
Къозулугъунда тоймагъан, къойлугъунда тоймаз.
Джаш болсун, къыз болсун, акъылы, саны тюз болсун.
Тас болгъан бычакъны сабы – алтын.
Накъырда – кертини келечиси.
Ёксюзню тилеги къабыл болур.
