Билим къая тешер.
Ёнгкюч къууана барыр, джылай келир.
Чыкълы кюнде чыкъмагъан, чыкъса къуру кирмеген.
Эр сокъур болсун, къатын тилсиз болсун.
Аджашхан тёгерек айланыр.
Онгсузну – джакъла, тенгликни – сакъла.
Ашына кёре табагъы, балына кёре къалагъы.
Башы джабылгъан челекге, кир тюшмез.
Элиб деген, элге болушур.
Къонагъынгы артмагъын алма да, алгъышын ал.
Уллу сёзде уят джокъ.
Киштикге къанат битсе, чыпчыкъ къалмаз эди.
Агъач – джерни чырайы, кийим – эрни чырайы.
Ёгюзню мюйюзюнден тутадыла, адамны сёзюнден тутадыла.
Дженгил джетерикме деб, узун джолну къоюб, къысхасын барма.
Кимни – тили, тиши онглу, кимни – къолу, иши онглу.
Эте билген, этген этеди, эте билмеген, юретген этеди!
Адам боллукъ, атламындан белгили болур.
Тенги кёбню джау алмаз, акъылы кёбню дау алмаз.
Булут кёкге джарашыу, уят бетге джарашыу.
Ашхы болсанг, атынг чыгъар, аман болсанг, джанынг чыгъар.
Биреуге аманлыкъ этиб, кесинге игилик табмазса.
Садакъачыны джаны – къапчыгъында.
Бичгенде ашыкъма, тикгенде ашыкъ.
Орундукъ тюбюнде атылсам да, орта джиликме, де да айлан.
Насыб бютеу халкъны юлюшюдю.
Чомартха Тейри да борчлуду.
Артына баргъанны, къатына барма.
Ётюрюкден тюбю джокъ, кёлтюрюрге джиби джокъ.
Хатерли къул болур.
Адамгъа аман кюн соруб келмейди.
Ауругъаннга – кийик саулукъ, джетген къызгъа – чилле джаулукъ.
Джылкъыдан – ат чыгъар, тукъумдан – джаш чыгъар.
Къралынгы – душмандан, башынгы от бла суудан сакъла.
Ач бёрюге мекям джокъ.
Ачлыкъда тары гырджын халыуадан татлы.
Ашхылыкъ джерде джатмайды, аманлыкъ суугъа батмайды.
Къонакъны къачан кетерин сорма, къачан келлигин сор.
Баш – акъыл ючюн, акъылман – халкъ ючюн.
Ашда уялгъан – мухар, ишде уялгъан – хомух.
Къатын байлыкъны сюер, эр саулукъну сюер.
Ургъан суудан башынгы сакъла.
Бермеген къол, алмайды.
Биреу къой излей, биреу той излей.
Къызбайны юйюне дери сюрсенг, батыр болур.
Джангыз торгъай джырламаз.
Иги адам абынса да, джангылмаз.
Джашынгы кесинг юретмесенг, джашау юретир.
Кесине гебен этелмеген, биреуге черен эте эди.
Сютден ауузу кюйген, суугъа юфгюре эди.
