Тил джюрекге джол ишлейди.
Башсыз урчукъ тюзюне айланмаз.
Чоюнну башы ачыкъ болса, итге уят керекди.
Эшекни не къадар тюйсенг да, ат болмаз.
Сагъыш – къартлыкъгъа сюйюмчю.
Къонагъы джокъну – шоху джокъ.
Адеб джокъда, намыс джокъ.
Нёгерсизни джолу узун.
Сагъышы джокъ – джукъучу, акъылы джокъ – къаугъачы.
Биреуге аманлыкъ этиб, кесинге игилик табмазса.
Окъумагъан сокъурду, сокъур ташха абыныр!
Тилсиз миллет джокъ болур.
Эрни эр этерик да, къара джер этерик да, тиширыуду.
Эрине къаргъыш этген къатын, эрнин къабар.
Телиге акъыл салгъандан эсе, ёлгеннге джан салырса.
Сууда джау джокъ, кёб сёзде магъана джокъ.
Келлик заман – къартлыкъ келтирир, кетген заман – джашлыкъ ёлтюрюр.
Тешигини къатында, чычхан да батыр болур.
Билим насыб берир, билим джолну керир.
Тас болгъан бычакъны сабы – алтын.
Ишни аллы бла къууанма да, арты бла къууан.
Къызбайны юйюне дери сюрсенг, батыр болур.
Сормай – алма, чакъырылмай – барма.
Экиндини кеч къылсанг, чабыб джетер ашхам.
Биреуню эскиси биреуге джангы болмайды.
Къазанда болса, чолпугъа чыгъар.
Ариу сёз джыланны орнундан чыгъарыр.
Аллахха ийнаннган кишини, Аллах онгдурур ишин.
Джарашыу сюйген – джалынчакъ.
Джолда аягъынга сакъ бол, ушакъда тилинге сакъ бол.
Садакъачыны джаны – къапчыгъында.
Сёз – кюмюш, джыр – алтын.
Къайтырыкъ эшигинги, къаты уруб чыкъма.
Къызгъанчдан ычхыныр, мухардан ычхынмаз.
Мени джылытмагъан кюн, меннге тиймесин!
Бети къызарыучу адамны, джюреги харам болмаз.
Кюн кёрмеген, кюн кёрсе, кюндюз чыракъ джандырыр.
Къалгъан ишге къар джауар.
Ишни ахырын ойламай, аллын башлама.
Чомартны къолун джокълукъ байлар.
Чабакъгъа акъыл, табагъа тюшсе келеди.
Иги болса, тамадама – махтау, аман болса, меннге – айыб.
Чабакъ башындан чирийди.
Джаз бир кюнню джатсанг, къыш талай кюнню абынырса.
Мухардан ач ычхынмаз.
Кёрмегеннге кебек – танг, битмегеннге сакъал – танг.
Хатерли къул болур.
Аш иеси бла татлыды.
Харам къарнашдан, халал тенг ашхы.
Адамгъа аман кюн соруб келмейди.
