Чыбыкълыкъда бюгюлмеген, къазыкълыкъда бюгюлмей эди.
Сабийни джумушха джибер да, ызындан бар.
Джарашыу сюйген – джалынчакъ.
Биреу ашаб къутулур, биреу джалаб тутулур.
Къыйынлы джети элге оноу этер.
Ишни аллы бла къууанма да, арты бла къууан.
Къоркъакъны кёзю экили кёрюр.
Аманны тукъумуна къарама, игини тукъумун сорма.
Таугъа чыгъаллыкъ эсенг, тюзде къалма.
Ханнга да келеди хариблик.
Эринчекни эр алмаз, эр алса да, кёл салмаз, кёл салса да, кёб бармаз!
Эртде тургъан джылкъычыны эркек аты тай табар.
Гырджын – тепсини тамадасы.
Ашарыкъда сайлагъаннга – чий гырджын.
Сёлеш деб шай берген, тохта деб, сом берген.
Ашхы болсанг, атынг чыгъар, аман болсанг, джанынг чыгъар.
Аз сёлеш, кёб ишле.
Зарда марда джокъ.
Ишге юренсин къоллары, халкъ бла болсун джоллары.
Къайгъыны сюйген, къайгъы табар.
Окъумагъан сокъурду, сокъур ташха абыныр!
Башда акъыл болмаса, эки аякъгъа кюч джетер.
Ач бёрюге мекям джокъ.
Бозаны арты дауур болур.
Мал кёб болса, джууукъ кёб болур.
Насыблы элин сюер, насыбсыз кесин сюер.
Суугъа – таянма, джаугъа – ийнанма.
Акъыллы айтыр эди, акъылсыз къоймайды.
Керек ташны ауурлугъу джокъ.
Рысхы – сют юсюнде кёмюк кибикди.
Тас болгъан бычакъны сабы – алтын.
Ойнаб айтсанг да, эслеб айт.
Окъуу – билимни ачхычы, окъуу – дунияны бачхычы.
Аджаллыгъа окъсуз шкок атылыр.
Ачыкъ джюрекге джол – ачыкъ.
Кёзюнде тереги болгъан, чёбю болгъаннга кюле эди.
Джашынгы кесинг юретмесенг, джашау юретир.
Чомарт джарлы болмаз.
Киштикге къанат битсе, чыпчыкъ къалмаз эди.
Ким бла джюрюсенг, аны кёзю бла кёрюнюрсе.
Сабыр джетер муратха, сабырсыз къалыр уятха.
Къозулугъунда тоймагъан, къойлугъунда тоймаз.
Телиге акъыл салгъандан эсе, ёлгеннге джан салырса.
Таула не мийик болсала да, аууш табылыр.
Чыкълы кюнде чыкъмагъан, чыкъса къуру кирмеген.
Эшекни не къадар тюйсенг да, ат болмаз.
Байлыкъ келсе, акъыл кетер.
Кёзден кетген, кёлден да кетеди.
Сабий болмагъан джерде, мёлек болмаз.
Сёз садакъдан кючлюдю.
