Суу ичген шауданынга тюкюрме.
Мураты болгъанны джюрек тебюую башхады.
Тойгъан джерден туугъан джер игиди.
Юй кюйдю да, кюйюз чыкъды, ортасындан тюйюш чыкъды.
Иши джокъну, сыйы джокъ.
Аш кетер да бет къалыр.
Ашхы атаны – джашы ашхы, ашхы ананы – къызы ашхы.
Тай асырагъан, атха минер.
Таула не мийик болсала да, аууш табылыр.
Джюз элде джюз ёгюзюм болгъандан эсе, джюз джууугъум болсун.
Адебсиз адам – джюгенсиз ат.
Адам сёзге тынгыла, акъыл сёзню ангыла.
Биреу къой излей, биреу той излей.
Аууздан келген, къолдан келсе, ким да патчах болур эди.
Къызбайны юйюне дери сюрсенг, батыр болур.
Иги бла джюрюсенг, джетерсе муратынга, аман бла джюрюсенг, къалырса уятха.
Чомарт къолда мал къалмаз.
Ата Джуртуму башы болмасам да, босагъасында ташы болайым.
Эли джокъну – кёлю джокъ.
Алтыда кюлмеген, алтмышда кюлмез.
Насыблы элин сюер, насыбсыз кесин сюер.
Ишленмеклик адамлыкъды.
Сабийни джумушха джибер да, ызындан бар.
Ёлген аслан – сау чычхан.
Акъдан къара болмаз.
Элиб деген, элге болушур.
Ачылгъан эт джабылыр, кёрген кёз унутмаз.
Мухар, кеси тойса да, кёзю тоймаз.
Чоюнну башы ачыкъ болса, итге уят керекди.
Къобан да къуру да къобханлай турмайды, адам да къуру да патчахлай турмайды.
Биреуню тёрюнден, кесинги эшик артынг игиди.
Нарт сёз – тилни бети.
Тюкюрюк баш джармаз, налат кёз чыгъармаз!
Тёгюлген тюгел джыйылмайды.
Башланнган иш битер, къымылдагъан тиш тюшер.
Атлыны кёрсе, джаяуну буту талыр.
Джаз бир кюнню джатсанг, къыш талай кюнню абынырса.
Ойнай-ойнай кёз чыгъар.
Малны кют, джерни тюрт.
Тёрени джагъы джокъ.
Ёзденликни кёбю ётюрюк.
Къуру гыбыт бек дыгъырдар.
Этим кетсе да, сюегим къалыр.
Къаллай салам берсенг, аллай джууаб алырса.
Ашхы болсанг, атынг чыгъар, аман болсанг, джанынг чыгъар.
Ач – эснер, ат – кишнер.
Ашыкъгъанны этеги бутуна чырмалыр.
Азыгъы аз, алгъа къабар, аты аман, алгъа чабар.
Илму – джашауну джолу.
Нёгер болсанг, тенг бол, тенг болмасанг, кенг бол.
