Атлыны кёрсе, джаяуну буту талыр.
Ишлемеген – тишлемез.
Чалманны аллы къалай башланса, арты да алай барады.
Аурууну келиую тынч, кетиую – къыйын.
Суу кетер, таш къалыр.
Ачыкъ джюрекге джол – ачыкъ.
Тюзлюк шохлукъну бегитир.
Экиндини кеч къылсанг, чабыб джетер ашхам.
Сакъ юйюне сау барыр.
Билим къая тешер.
Эри аманны, къатыны – аман.
Ата Джуртча джер болмаз, туугъан элча эл болмаз.
Акъдан къара болмаз.
Ёлюк кебинсиз къалмаз.
Ачыу алгъа келсе, акъыл артха къалады.
Байдан умут эте, джарлыдан ёгюз багъасы къорады.
Къызын тута билмеген, тул этер, джашын тута билмеген, къул этер.
Эшекни не къадар тюйсенг да, ат болмаз.
Къарт айтханны этмеген, къартаймаз.
Тюзлюк тас болмайды.
Джюрекге ариу – кёзге да ариу.
Арпа, будай – ащды, алтын, кюмюш а – ташды.
Душманны тышы – акъ, ичи – къара.
Ач отунчуну ачыуу – бурнунда.
Сёлеш деб шай берген, тохта деб, сом берген.
Джырчы джырчыгъа – къарнаш.
Къралынгы – душмандан, башынгы от бла суудан сакъла.
Сютден ауузу кюйген, суугъа юфгюре эди.
Ёгюзню мюйюзлери ауурлукъ этмейдиле.
Окъугъан озар, окъумагъан тозар.
Кёз – сюйген джерде, къол – ауругъан джерде.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Алтыда кюлмеген, алтмышда кюлмез.
Аман хансны – урлугъу кёб.
Ишленмеген джаш – джюгенсиз ат, ишленмеген къыз – тузсуз хант.
Кёзю сокъурдан – къоркъма, кёлю сокъурдан – къоркъ.
Башланнган иш битер, къымылдагъан тиш тюшер.
Рысхы – сют юсюнде кёмюк кибикди.
Таукел адам тау тешер.
Ёлген аслан – сау чычхан.
Башда акъыл болмаса, эки аякъгъа кюч джетер.
Арба аугъандан сора, джол кёргюзтюучю кёб болур.
Башсыз урчукъ тюзюне айланмаз.
Нарт сёз – тилни бети.
Адеб этмеген, адеб кёрмез.
Сабийликде юретмесенг, уллу болса – тюзелмез.
Чомартха хар кюн да байрамды.
Эл ауузу – элек, анга ийнаннган – халек.
Аджаллыгъа окъсуз шкок атылыр.
Кимни – тили, тиши онглу, кимни – къолу, иши онглу.
