Ауругъан – джашаудан умутчу.
Джаз бир кюнню джатсанг, къыш талай кюнню абынырса.
Билимден уллу байлыкъ джокъду.
Телиге от эт десенг, юйюнге от салыр.
Биреуню къыйынлыгъы бла кесинге джол ишлеме.
Аман адамны тепсинге олтуртсанг, къызынгы тилер.
Юре билмеген ит, къонакъ келтирир.
Байдан умут эте, джарлыдан ёгюз багъасы къорады.
Байны къызы баймакъ болса да, юйде къалмаз!
Биреуню эскиси биреуге джангы болмайды.
Керек ташны ауурлугъу джокъ.
Байны оноуу, джарлыгъа джарамаз.
Тас болгъан бычакъны сабы – алтын.
Атынг аманнга чыкъгъандан эсе, джанынг тамагъынгдан чыкъсын.
Шекер бла туз – бир болмаз, ушамагъан – юй болмаз.
Джарлы эскисин джамаса, къууаныр.
Эшекге миннген – биринчи айыб, андан джыгъылгъан – экинчи айыб.
Арбаз сайлама да, хоншу сайла.
Халкъгъа джарагъан, джарлы къалмаз.
Адамны адамлыгъы къыйынлыкъда айгъакъланады.
Къарны аманнга къазан такъдырма, къолу аманнга от джакъдырма.
Ачылгъан эт джабылыр, кёрген кёз унутмаз.
Этни бети бла шорпасы.
Тенги кёбню джау алмаз, акъылы кёбню дау алмаз.
Тойгъа алгъа да барма, тойда артха да къалма.
Чакъырылмагъан къонакъ – орунсуз.
Къалгъан ишге къар джауар.
Зар адам ашынгы ашар, кесинги сатар.
Ичимден чыкъды хата, къайры барайым сата?
Билмегенинги, билгеннге сор.
Ач, тоймам, дейди, тойгъан, ач болмам, дейди.
Къыйынлы джети элге оноу этер.
Агъач халкъгъа алтынды, иссиликге салкъынды.
Бал – татлы, балдан да бала – татлы.
Юй ишлеген балта эшикде къалыр.
Рысхы джалгъанды: келген да этер, кетген да этер.
Къуллукъчума, деб махтанма, къуллукъ – хаух джамчыды!
Къумурсхала джыйылсала, пилни да джыгъадыла.
Сёз сёзню айтдырыр.
Арпа, будай – ащды, алтын, кюмюш а – ташды.
Ата Джуртча джер болмаз, туугъан элча эл болмаз.
Чомарт бергенин айтмаз.
Къайгъы тюбю – тенгиз.
Намыс болмагъан джерде, насыб болмаз.
Аякъларынгы джууургъанынга кёре узат.
Окъумагъан сокъурду, сокъур ташха абыныр!
Адеби болмагъан къыз – тузсуз хант.
Айранын берсенг, челегин да къызгъанма.
Къыз тиширыу кеси юйюнде да къонакъды.
Мураты болгъанны джюрек тебюую башхады.
