Аманнга игилик этсенг, юйюнге сау бармазса.
Гитче джилтин уллу элни джандырыр.
Джолунга кёре – джюрюшюнг, джагъанга кёре – юлюшюнг.
Акъыллы – эл иеси, тели – эл баласы.
Акъыл аздырмаз, билим тоздурмаз.
Ойнай-ойнай кёз чыгъар.
Тиширыусуз юй – отсуз от джагъа.
Тёрде – темир таякълы, къаяда – чыпчыкъ аякълы.
Мухарны эси – ашарыкъда.
Аман адам этегингден тутса, кес да къач.
Киштикге къанат битсе, чыпчыкъ къалмаз эди.
Рысхы – сют юсюнде кёмюк кибикди.
Кёбден умут этиб, аздан къуру къалма.
Сабий кёргенин унутмаз.
Ач къалгъандан, кеч къалгъан къолай.
Шекер бла туз – бир болмаз, ушамагъан – юй болмаз.
Келлик заман – къартлыкъ келтирир, кетген заман – джашлыкъ ёлтюрюр.
Босагъа таш юйге кирмей эди, тыбыр таш эшикге чыкъмай эди.
Эл бла кёргенинг эрелей.
Къонагъынгы артмагъын алма да, алгъышын ал.
Джюрекге ариу – кёзге да ариу.
Эллинг бла джау болсанг да, юйюнг бла джау болма.
Уллу сёзде уят джокъ.
Адеби болмагъан къыз – тузсуз хант.
Борчунг бар эсе, хурджунунга ойлаб узал.
Чакъырылмагъан къонакъ – орунсуз.
Таукелге нюр джауар.
Ойнай билмеген, уруб къачар.
Босагъагъа джууукъ орун болса, ашыгъыб тёрге озма.
Ёнгкюч къууана барыр, джылай келир.
Айтылгъан буйрукъ, сёгюлмез
Накъырданы арты керти болур.
Орну джокъну – сыйы джокъ.
Орундукъ тюбюнде атылсам да, орта джиликме, де да айлан.
Ётюрюкден тюбю джокъ, кёлтюрюрге джиби джокъ.
Ёпкелегенни ашы татлы болады.
Кюн кёрмеген, кюн кёрсе, кюндюз чыракъ джандырыр.
Аман къатын сабий табса, бий болур…
Кютгени беш эчки, сызгъыргъаны уа, джерни джарады.
Ишлегенден, къарагъан уста.
Чыбыкълыкъда бюгюлмеген, къазыкълыкъда бюгюлмей эди.
Иги адамны бир сёзю эки болмаз.
Огъурлуну сёзю – суу, огъурсузну сёзю – уу.
Къазанчы аман болса, къазаны къайнамаз.
Ана кёлю – балада, бала кёлю – талада.
Тил бла келеди джыр да.
Къар – келтирди, суу – элтди.
Хар сёзню орну барды.
Къыз чыгъаргъан – къызыл къымжа.
Къаллай салам берсенг, аллай джууаб алырса.
