Суу кетер, таш къалыр.
Эрни эр этерик да, къара джер этерик да, тиширыуду.
Айныгъанлы алты кюн, тогъайгъанлы тогъуз кюн.
От этилмеген джерден тютюн чыкъмайды.
Ата Джуртун танымагъан, атасын да танымаз.
Къыз келсе, джумуш эте келеди, къатын келсе, ушакъ эте келеди.
Ётюрюкден тюбю джокъ, кёлтюрюрге джиби джокъ.
Малны кют, джерни тюрт.
Ёпкелегенни ашы татлы болады.
Айтханы чапыракъдан ётмеген.
Нёгер болсанг, тенг бол, тенг болмасанг, кенг бол.
Билимли ёлмез, билимсиз кёрмез.
Ашхы сёз таш тешер.
Ашхылыкъ джерде джатмайды, аманлыкъ суугъа батмайды.
Эшекге миннген – биринчи айыб, андан джыгъылгъан – экинчи айыб.
Акъылсызны джууукъгъа алма, акъыллыны кенгнге салма.
Сакъламагъан затынга джолукъсанг, не бек къууанаса, не бек ачыйса.
Ёлюр джаннга, ёкюл джокъ.
Керек ташны ауурлугъу джокъ.
Чомарт бергенин айтмаз.
Сабыр джетер муратха, сабырсыз къалыр уятха.
Бюгюн дуния кибик, тамбла ахыратды.
Сууда джау джокъ, кёб сёзде магъана джокъ.
Этни да ашады, бетни да ашады.
Дуния мал дунияда къалады.
Аман адам элни бир-бирине джау этер.
Ишлемеген – тишлемез.
Дуния малгъа сатылма, кесингден телиге къатылма.
Тойну къарнашы – харс, джырны къарнашы – эжиу.
Башы ишлегенни, ауузу да ишлер.
Чомартха Тейри да борчлуду.
Олтуруб кёрюнмей эди да, ёрге туруб кёрюне эди.
Аман киши кеси юйюнде – къонакъ.
Тойгъанлыкъ къойгъа джарашады.
Джашлыкъ этмеген, башлыкъ этмез.
Этни бети бла шорпасы.
Ётюрюк хапар аякъ тюбю бла джюрюйдю.
Ойнаб айтсанг да, эслеб айт.
Башы джабылгъан челекге, кир тюшмез.
Айтылгъан буйрукъ, сёгюлмез
Ышармагъан – кюлмез, кюлмеген – къууанчны билмез.
Намысы джокъну – дуниясы джокъ.
Къарт айтханны этмеген, къартаймаз.
Къулакъдан эсе, кёзге ышан.
Хата – гитчеден.
Ашын ашагъанынгы, башын да сыйла.
Айыбны суу бла джууалмазса.
Башынга джетмегенни сорма.
Миллетни бойну – базыкъ, аны бла кюрешген – джазыкъ.
Къатын байлыкъны сюер, эр саулукъну сюер.
