- Ётюрюкню башын керти кесер.
- Керек ташны ауурлугъу джокъ.
- Ётюрюкню къуйругъу – бир тутум.
- Къоркъакъны кёзю экили кёрюр.
- Къаллай салам берсенг, аллай джууаб алырса.
- Тенгни тенглиги джашай барсанг билинир.
- Соргъан айыб тюлдю, билмеген айыбды.
- Таякъ этден ётер, тил сюекден ётер.
- Чабакъсыз кёлге къармакъ салгъанлыкъгъа, чабакъ тутмазса.
- Билим ат болуб да чабар, къуш болуб да учар.
- Чёбню кёлтюрсенг, тюбюнден сёз чыгъар.
- Рысхы – сют юсюнде кёмюк кибикди.
- Агъач халкъгъа алтынды, иссиликге салкъынды.
- Ауузу бла къуш тута айланады.
- Байлыкъ келсе, акъыл кетер.
- Суугъа – таянма, джаугъа – ийнанма.
- Ётюрюкчюню шагъаты – къатында.
- Башы джабылгъан челекге, кир тюшмез.
- Акъыл неден да кючлюдю.
- Арбаз сайлама да, хоншу сайла.
- Ишлемеген – тишлемез.
- Адамны артындан къара сабан сюрме.
- Ёмюрлюк шохлукъну джел элтмез.
- Байлыкъ болгъан джерде, тынчлыкъ джокъду.
- Эл ауузу – элия.
- Кёзюнде тереги болгъан, чёбю болгъаннга кюле эди.
- Борчунг бар эсе, хурджунунга ойлаб узал.
- Къыз чыгъаргъан – къызыл къымжа.
- Ат басханны джер билед.
- Насыблы элин сюер, насыбсыз кесин сюер.
- Эки къатын алгъанны къулагъы тынгнгаймаз.
- Эртде тургъан джылкъычыны эркек аты тай табар.
- Чомарт къонакъ юй иесин сыйлар.
- Ашына кёре табагъы, балына кёре къалагъы.
- Къартха ушагъан джаш – акъыллы, джашха ушагъан къарт – тели.
- Чакъырылгъанны аты, чакъырылмагъанны багъасы болур.
- Джарлыны эшигин махтагъан джабар.
- Келинни – келгинчи, бёркню кийгинчи кёр.
- Ач къалгъандан, кеч къалгъан къолай.
- Ат да турмайды бир териде.
- Айтхан – тынч, этген – къыйын.
- Къарнынг къанлынга кийирир.
- Байлыкъ адамны сокъур этер.
- Асхат ашлыкъ сата, юйдегиси ачдан къата.
- Ач отунчуну ачыуу – бурнунда.
- Баш болса, бёрк табылыр.
- Тешигини къатында, чычхан да батыр болур.
- Окъдан джара эртде-кеч болса да бителир, сёз джара, ёмюрге къалыр.
- Сабийни джумушха джибер да, ызындан бар.
- Къарнынг тойгъунчу аша да, белинг талгъынчы ишле.
ПОД КРЫШЕЙ ЭЛЬБА-ДОМА МОЕГО
Ответы
))))))))))
Читают тему (гостей: 1)