- Азыкълы ат арымаз, къатыны аман джарымаз.
- Шекер бла туз – бир болмаз, ушамагъан – юй болмаз.
- Къатыны харакетли болса, эри къымсыз болур.
- Сёз сёзню айтдырыр.
- Сабыр джетер муратха, сабырсыз къалыр уятха.
- Намысы болмагъанны, сыйы болмаз.
- Къонагъы джокъну – шоху джокъ.
- Тилчи тилден къаныкъмаз.
- Билими азны – ауузунда кирит.
- Ашхы атаны – джашы ашхы, ашхы ананы – къызы ашхы.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Азыгъы аз, алгъа къабар, аты аман, алгъа чабар.
- Сютден ауузу кюйген, суугъа юфгюре эди.
- Хунаны тюбюн къазсанг, юсюнге ауар.
- Огъурлуну сёзю – суу, огъурсузну сёзю – уу.
- Айран тёгюлсе, джугъусу къалыр.
- Ишленмеген джаш – джюгенсиз ат, ишленмеген къыз – тузсуз хант.
- Билгенни къолу къарны джандырыр.
- Ата Джуртун танымагъан, атасын да танымаз.
- Суу ичген шауданынга тюкюрме.
- Эри аманны, къатыны – аман.
- Ашда уялгъан – мухар, ишде уялгъан – хомух.
- Урама да – ёледи, сатама да – келеди.
- Уллу къашыкъ эрин джыртар.
- Бек ашыкъгъан меннге джетсин, дегенди аракъы.
- Эртде тургъан бла эртде юйленнген сокъуранмаз.
- Душманны тышы – акъ, ичи – къара.
- Сютню башын джалагъан къутулур, тюбюн ичген тутулур.
- Олтуруб кёрюнмей эди да, ёрге туруб кёрюне эди.
- Арыгъан къош чамчы болур.
- Арбаз сайлама да, хоншу сайла.
- Аууз сакълагъан – джан сакълар.
- Кёз – сюйген джерде, къол – ауругъан джерде.
- Адамны аты башхача, акъылы да башхады.
- Бал чибинни ургъаны – ачы, балы – татлы.
- Ёмюрлюк шохлукъну джел элтмез.
- Чыкълы кюнде чыкъмагъан, чыкъса къуру кирмеген.
- Зар адам ашынгы ашар, кесинги сатар.
- Тёрени джагъы джокъ.
- Ышармагъан – кюлмез, кюлмеген – къууанчны билмез.
- Ашыкъгъанны этеги бутуна чырмалыр.
- Зар адамны насыбы болмаз.
- Тилчи бир сагъатха айлыкъ хата этер.
- Къарнынг ауруса, ауузунгу тый
- Тулпарлыкъ, билекден тюл – джюрекден.
- Чалманны аллы къалай башланса, арты да алай барады.
- Къартны бурнун сюрт да, оноугъа тут.
- Джумушакъ терекни къурт ашар.
- Аман эсирсе, юйюн ояр.
- Тёрде – темир таякълы, къаяда – чыпчыкъ аякълы.
лайки\дизлайки, как средство борьбы с несправедливостью современного горца\горянки, оружие, в том числе дизлайки, оставляем не входе))
Ответы
Читают тему (гостей: 1)