- Адам къыйынлыгъын кёлтюрюр, зауукълугъун кёлтюрмез.
- Гугук кесини атын айтыб къычыргъанча, мен, мен деб нек тураса?
- Минг тенг да азды, бир джау да кёбдю.
- Ауругъан – джашаудан умутчу.
- Адамны адамлыгъы къыйынлыкъда айгъакъланады.
- Этни бети бла шорпасы.
- Азыгъы аз, алгъа къабар, аты аман, алгъа чабар.
- Абынмазлыкъ аякъ джокъ, джангылмазлыкъ джаякъ джокъ.
- Кесинге джетмегенни, кёб сёлешме.
- Къолунгдан къуймакъ ашатсанг да, атаны борчундан къутулмазса.
- Джукъу тёшек сайламайды.
- Окъугъан – асыу, окъумагъан – джарсыу.
- Арпа, будай – ащды, алтын, кюмюш а – ташды.
- Джумушакъ сёз къаты таякъны сындырыр.
- Джолунга кёре – джюрюшюнг, джагъанга кёре – юлюшюнг.
- Бир онгсуз адам адет чыгъарды, деб эштирик тюлсе.
- Джюз элде джюз ёгюзюм болгъандан эсе, джюз джууугъум болсун.
- Чакъырылгъанны аты, чакъырылмагъанны багъасы болур.
- Ач, тоймам, дейди, тойгъан, ач болмам, дейди.
- Тай асырагъан, атха минер.
- Ашаса, ашамаса да, бёрюню ауузу – къан.
- Сангырау къулакъ эл бузар.
- Айыбны суу бла джууалмазса.
- Джигер – джаннга къыйынлыкъ.
- Чомарт бергенин айтмаз.
- Ачлыкъда тары гырджын халыуадан татлы.
- Нарт сёз – тилни бети.
- Сютден ауузу кюйген, суугъа юфгюре эди.
- Туз, гырджын аша, тюзлюк бла джаша.
- Тёрени джагъы джокъ.
- Кесине гебен этелмеген, биреуге черен эте эди.
- Джумушакъ терекни къурт ашар.
- Кютгени беш эчки, сызгъыргъаны уа, джерни джарады.
- Шайтан алдады, тюзлюк къаргъады.
- Аманнга алтын чыдамаз.
- Джангызны оту джарыкъ джанмаз!
- Адеб этмеген, адеб кёрмез.
- Эллинг бла джау болсанг да, юйюнг бла джау болма.
- Чакъырылмагъан къонакъ тёрге атламаз.
- Ёлюр джаннга, ёкюл джокъ.
- Эшекни не къадар тюйсенг да, ат болмаз.
- Джылкъыдан – ат чыгъар, тукъумдан – джаш чыгъар.
- Суу да къайтады чыкъгъан джерине.
- Игиге айтсанг – билир, аманнга айтсанг – кюлюр.
- Ёнгкюч къууана барыр, джылай келир.
- Ашха уста, юйюнде болсун
- Асхат ашлыкъ сата, юйдегиси ачдан къата.
- Эл ауузу – элия.
- Адам боллукъ, атламындан белгили болур.
- Билимден уллу байлыкъ джокъду.
лайки\дизлайки, как средство борьбы с несправедливостью современного горца\горянки, оружие, в том числе дизлайки, оставляем не входе))
Ответы
Читают тему (гостей: 1)