- Мени джылытмагъан кюн, меннге тиймесин!
- Адеб базарда сатылмаз.
- Хазыр ашха – терен къашыкъ.
- Къыйынлы джети элге оноу этер.
- Кёзню ачылгъаны – иги, ауузну джабылгъаны – иги.
- Аш берме да, къаш бер.
- Къуллукъчума, деб махтанма, къуллукъ – хаух джамчыды!
- Атлыны кёрсе, джаяуну буту талыр.
- Тойгъан джерден туугъан джер игиди.
- Юйюнг бла джау болгъандан эсе, элинг бла джау бол.
- Сибиртки да сыйлы болду, кюрек да кюнлю болду.
- Къошда джокъгъа – юлюш джокъ.
- Аллахха ийнаннган кишини, Аллах онгдурур ишин.
- Душманны тышы – акъ, ичи – къара.
- Эр абынмай, эл танымаз.
- Ариу сёз джыланны орнундан чыгъарыр.
- Тёзген – тёш ашар!
- Бети бедерден, намыс сакълама.
- Минг тенг да азды, бир джау да кёбдю.
- Окъуусуз билим – джокъ, билимсиз кюнюнг – джокъ.
- Тилсиз миллет джокъ болур.
- Шекер бла туз – бир болмаз, ушамагъан – юй болмаз.
- Джаш болсун, къыз болсун, акъылы, саны тюз болсун.
- Ашатыргъа иш – ашхы, ишлетирге аш – ашхы.
- Ойнай билмеген, оюн бузар.
- Ач къарным, тынч къулагъым.
- Гитче джилтин уллу элни джандырыр.
- Къартны бурнун сюрт да, оноугъа тут.
- Адамны сыфатына къарама, сёзюне къара.
- Джахил болса анасы, не билликди баласы?
- Бети къызарыучу адамны, джюреги харам болмаз.
- Ким бла джюрюсенг, аны кёзю бла кёрюнюрсе.
- Татлы сёз – балдан татлы.
- Эрни эр этерик да, къара джер этерик да, тиширыуду.
- Джаш къарыу бла кючлю, къарт акъыл бла кючлю.
- Чакъырылмагъан къонакъ тёрге атламаз.
- Акъыл аздырмаз, билим тоздурмаз.
- Чакъырылмай келген къонакъ сыйланмай кетер.
- Аджашханны ызындагъы кёреди, джангылгъанны джанындагъы биледи.
- Кёл – къызбай, къол – батыр.
- Арбаз сайлама да, хоншу сайла.
- Сакъламагъан затынга джолукъсанг, не бек къууанаса, не бек ачыйса.
- Сакъалы текени да бар, мыйыгъы киштикни да бар.
- Ариу сёз – джаннга азыкъ, аман сёз – башха къазыкъ.
- Накъырда – кертини келечиси.
- Къонакъ хазыр болгъанлыкъгъа, къонакъбай хазыр тюлдю.
- Ауузу бла къуш тута айланады.
- Чомартны къолу берекет.
- Халкъны джырын джырласанг, халкъ санга эжиу этер.
- Ётюрюкден тюбю джокъ, кёлтюрюрге джиби джокъ.
лайки\дизлайки, как средство борьбы с несправедливостью современного горца\горянки, оружие, в том числе дизлайки, оставляем не входе))
Ответы
Читают тему (гостей: 1)