- Дуния мал дунияда къалады.
- Кёлсюзден сёзсюз тууар.
- Булут кёкге джарашыу, уят бетге джарашыу.
- Байма, деб да, къууанма, джарлыма, деб да, джылама.
- Чёбню кёлтюрсенг, тюбюнден сёз чыгъар.
- Аш хазыр болса, иш харам болур.
- Джеринден айырылгъан – джети джылар, джуртундан айырылгъан – ёлгюнчю джылар.
- Ётген ёмюр – акъгъан суу.
- Уллу атлама – абынырса, уллу къабма – къарылырса.
- Къарнынг ауруса, ауузунгу тый
- Акъыл сабырлыкъ берир.
- Кёб къычыргъандан – къоркъма, тынч олтургъандан – къоркъ.
- Къозулугъунда тоймагъан, къойлугъунда тоймаз.
- Кесинге джетмегенни, кёб сёлешме.
- Аууздан келген, къолдан келсе, ким да патчах болур эди.
- Биреуню тёрюнден, кесинги эшик артынг игиди.
- Тамчы таш тешер.
- Этни бети бла шорпасы.
- Кёл ашады да, кеси ашады.
- Аманны тукъумуна къарама, игини тукъумун сорма.
- Ишленмеген джаш – джюгенсиз ат, ишленмеген къыз – тузсуз хант.
- Уясында не кёрсе, учханында аны этер.
- Къыйынлы джети элни къайгъысын этер.
- Ишлегенде эринме, ишде чолакъ кёрюнме.
- Эки къатын алгъанны къулагъы тынгнгаймаз.
- Мадар болса, къадар болур.
- Башланнган иш битер, къымылдагъан тиш тюшер.
- Чыбыкълыкъда бюгюлмеген, къазыкълыкъда бюгюлмей эди.
- Аман къатын алгъан, арыр, иги къатын алгъан джарыр.
- Адамны джюреги нени кёрюрге сюйсе, кёзю да аны кёрюрге ёч болады.
- Джылар джаш, атасыны сакъалы бла ойнар.
- Эркишини аманы тиширыуну джылатыр.
- Айтханы чапыракъдан ётмеген.
- Окъдан джара эртде-кеч болса да бителир, сёз джара, ёмюрге къалыр.
- Джылыгъа джылан илешир.
- Кюлме джашха – келир башха.
- Ашхы тенг джолгъа салыр, аман тенг джолдан тайдырыр.
- Джашынгы кесинг юретмесенг, джашау юретир.
- Къыз чыгъаргъан – къызыл къымжа.
- Кёб ант этген, кёб ётюрюк айтыр.
- Ёлюр джаннга, ёкюл джокъ.
- Кирсизни – саны таза, халалны – къаны таза.
- Тёрде – темир таякълы, къаяда – чыпчыкъ аякълы.
- Эркиши – от, тиширыу – суу.
- Айныгъанлы алты кюн, тогъайгъанлы тогъуз кюн.
- Къыз келсе, джумуш эте келеди, къатын келсе, ушакъ эте келеди.
- Билим къая тешер.
- Ачлыкъда тары гырджын халыуадан татлы.
- Окъуусуз билим – джокъ, билимсиз кюнюнг – джокъ.
- Зар адамны насыбы болмаз.
лайки\дизлайки, как средство борьбы с несправедливостью современного горца\горянки, оружие, в том числе дизлайки, оставляем не входе))
Ответы
Читают тему (гостей: 1)