- Керек ташны ауурлугъу джокъ.
- Мал тутхан – май джалар.
- Баш – акъыл ючюн, акъылман – халкъ ючюн.
- Джашны джигитлиги сорулур, къызны джигерлиги сорулур.
- Сёз сёзню айтдырыр.
- Джолда аягъынга сакъ бол, ушакъда тилинге сакъ бол.
- Ата Джуртуму башы болмасам да, босагъасында ташы болайым.
- Ариу сёзде ауруу джокъ.
- Адебни адебсизден юрен.
- Ана кёлю – балада, бала кёлю – талада.
- Алтыннга тот къонмаз.
- Ёлюк кебинсиз къалмаз.
- Кюн – узун, ёмюр – къысха.
- Таякъ этден ётер, тил сюекден ётер.
- Аурууну келиую тынч, кетиую – къыйын.
- Кёзню ачылгъаны – иги, ауузну джабылгъаны – иги.
- Джюрекден джюрекге джол барды.
- Ишленмеклик адамлыкъды.
- Термилгенинги табмазса, кюлгенинге тюберсе.
- Иги – алгъыш этер, аман – къаргъыш этер.
- Адебсиз адам – джюгенсиз ат.
- Иши джокъну, сыйы джокъ.
- Тил – миллетни джаны.
- Акъыл неден да кючлюдю.
- Джетген къыз джерли эшекни танымаз.
- Кийиминг бла танылма, адамлыкъ бла таныл.
- Артына баргъанны, къатына барма.
- Суугъа – чабакъ, къаягъа – ыргъакъ.
- Алгъанда – джууукъ, бергенде – джау.
- Арбаз къынгырды да, ийнек сауалмайма.
- Акъыл бла адеб эгизледиле.
- Ата джурт – алтын бешик.
- Шайтан алдады, тюзлюк къаргъады.
- Эрине къаргъыш этген къатын, эрнин къабар.
- Къарыусузгъа кюлме, онгсузгъа тийме.
- Тас болгъан бычакъны сабы – алтын.
- Ашхы тенг джолгъа салыр, аман тенг джолдан тайдырыр.
- Къарнынг бла ёч алма.
- От этилмеген джерден тютюн чыкъмайды.
- Билимли ёлмез, билимсиз кёрмез.
- Адам сёзюнден белгили.
- Кесине гебен этелмеген, биреуге черен эте эди.
- Джылкъыдан – ат чыгъар, тукъумдан – джаш чыгъар.
- Чабар ат – джетген къыз.
- Сютден ауузу кюйген, суугъа юфгюре эди.
- Джашынгы кесинг юретмесенг, джашау юретир.
- Ата – билек, ана – джюрек!
- Келинни – келгинчи, бёркню кийгинчи кёр.
- Байдан умут эте, джарлыдан ёгюз багъасы къорады.
- Игилик игилик бла сингдирилиучю затды.
лайки\дизлайки, как средство борьбы с несправедливостью современного горца\горянки, оружие, в том числе дизлайки, оставляем не входе))
Ответы
Читают тему (гостей: 1)