- Ата – баланы уясы.
- Къыз чыгъаргъан – къызыл къымжа.
- Байлыкъ келсе, акъыл кетер.
- Тёзген – тёш ашар!
- Кёпюр салгъан кеси ётер, уру къазгъан кеси кетер.
- Джарлыны тону джаз битер.
- Ач да бол, токъ да бол – намысынга бек бол.
- Окъуу – билимни ачхычы, окъуу – дунияны бачхычы.
- Кёзюнде тереги болгъан, чёбю болгъаннга кюле эди.
- Термилгенинги табмазса, кюлгенинге тюберсе.
- Адам сёзюнден белгили.
- Элни кючю – эмеген.
- Ашда уялгъан – мухар, ишде уялгъан – хомух.
- Халкъны юйю – туугъан джери.
- Юйлю уругъа ит чабмаз.
- Кёл ашады да, кеси ашады.
- Ёлген ийнек сютлю болур.
- Ёгюзню мюйюзюнден тутадыла, адамны сёзюнден тутадыла.
- Ач уят къоймаз.
- Мени джылытмагъан кюн, меннге тиймесин!
- Ачылгъан эт джабылыр, кёрген кёз унутмаз.
- Намысы болмагъанны, сыйы болмаз.
- Джюз элде джюз ёгюзюм болгъандан эсе, джюз джууугъум болсун.
- Суу кетер, таш къалыр.
- Къонакъ кёб келюучю юйню, къазаны отдан тюшмез.
- Къазанны башы ачыкъ болса, итге уят керекди.
- Кёб къычыргъандан – къоркъма, тынч олтургъандан – къоркъ.
- Таукелге нюр джауар.
- Джырчы ёлсе, джыры къалыр.
- Ичимден чыкъды хата, къайры барайым сата?
- Тенгинг джокъ эсе – изле, бар эсе – сакъла!
- Кечеси – аяз, кюню – къыш, джарлы къаргъагъа бир аш тюш!
- Бал чибинни ургъаны – ачы, балы – татлы.
- Джукъу тёшек сайламайды.
- Кёз – сюйген джерде, къол – ауругъан джерде.
- Кюн кёрмеген, кюн кёрсе, кюндюз чыракъ джандырыр.
- Къумурсхала джыйылсала, пилни да джыгъадыла.
- Къуллукъчума, деб махтанма, къуллукъ – хаух джамчыды!
- Кёкдеги болмаса, джердегин кёрмейди.
- Чалманны аллы къалай башланса, арты да алай барады.
- Ашыкъгъанны этеги бутуна чырмалыр.
- Ауругъан – джашаудан умутчу.
- Бал – татлы, балдан да бала – татлы.
- Айырылмаз джууугъунга, унутмаз сёзню айтма.
- Къанны къан бла джуума, аманны аман бла къуума.
- Уллу атлама – абынырса, уллу къабма – къарылырса.
- Хар зат кесини орнуна иги.
- Тюзню ётмеги тюзде къалса да, тас болмаз.
- Бозанг болмагъан джерге, къалагъынгы сукъма.
- Дуния малгъа сатылма, кесингден телиге къатылма.
Келигиз, тил байлыгъыбызны сакълайыкъ!
|
кокетка
Эгоистка Олду сизни къурутхан  Билеме мен шахарда школлада къарачай тилни къалай окъутханларын!  |
|
|
|
|
|
Акъыллычыкъ
Мени шкалумда бек иги устазым бар эди  Бек кёб иги затха юретгенди  |
|
|
|
|
|
кокетка
Сен къайсы школну бошагъанса?  |
|
|
|
|
|
Билеме мен шахарда школлада къарачай тилни къалай окъутханларын!
Билелемисе эке?! Мен къарачай тилни школда окъумагъанма? |
|
|
|
|
|
Акъыллычыкъ
Карачай шахарны ючюнчю школун бошагъанма |
|
|
|
|
|
Эгоистка
Къалай окъумагъанса, алай боламыды сора? Тюгел алай аманга кетиб тургъанынгы билмей эдим!  |
|
|
|
|
|
Тюгел алай аманга кетиб тургъанынгы билмей эдим!
Сен сагъыш этгенден эсе аманды чот! |
|
|
|
|
|
Эгоистка
Къуруб турабыз да де сора! Юйюнгде къалай сёлешесе сен, иги къыз? |
|
|
|
|
|
Юйюнгде къалай сёлешесе сен, иги къыз?
Ма алай: 50\50 |
|
|
|
|
|
50\50
Сабийлеринги уа къалай юретириксе? Кесинг джукъ билмейсе сора? |
|
|
|
|
|
Акъыллычыкъ
Да не этерикме. Кюреширикме мадарыма кере. Аллах айтса, менден иги билирле! |
|
|
|
|
|
Эгоистка
Аллах айтса, менден иги билирле! Тоба къайдам.  Къайдан билликдиле: школда юретмеселе, аналары да джукъ билмесе. |
|
|
|
|
|
Сен айтханнга кере мен джукъ билмегенге саналыб къалдым.
 Менича да билмегенле кебдюле. : |
|
|
|
|
|
Акъыллычыкъ
Сен кесинг къайда окъугъанса? |
|
|
|
|
|
Эгоистка
Сёзюм джокъду, кёбдюле. ачыуланма, эгечим, ойнаб айта ушайма.  Мен эл школда окъугъанма да, сеничалагъа тюбесем, бек сейирсинеме. |
|
|
|
|
|
Эгоистка
Къарачай тилде китабланы окъугъанлай турама. Сен ангылагъанга кёре, сабийни ана тилинден хапарлы болурча: юй, окъууму, огъесе тёгерегингде адамламы борчлудула? |
|
|
|
|
|
Акъыллычыкъ
Барыда биргелей. Алай а, ана бла атадан башланыргъа керекди деб турама. |
|
|
|
|
|
Девушка Гор
Аперим санга |
|
|
|
|
|
Эгоистка
Сау бол! Асыры бек махтаб да ийме! |
|
|
|
|
|
Акъыллычыкъ
Эм биринчи сабийни ана тилге юйде юретирге керекдиле |
|
|
|
|
|
Акъыллычыкъ
Мени сагъышым алайды, ата бла анадан игирек, къарт аталарыбыз бла къарт аналарыбыз, юретрикле |
|
|
|
|
|
|
||||
|
|
|
|||
Читают тему (гостей: 1)