- Кимни – тили, тиши онглу, кимни – къолу, иши онглу.
- Кёб джашагъан – кёб билир.
- Джаш болсун, къыз болсун, акъылы, саны тюз болсун.
- Чомартны къолун джокълукъ байлар.
- Кёрмегеннге кебек – танг, битмегеннге сакъал – танг.
- Аууздан келген, къолдан келсе, ким да патчах болур эди.
- Бёрю да ач къалмасын, эчки да ашалмасын.
- Олтуруб кёрюнмей эди да, ёрге туруб кёрюне эди.
- Махтаннган къыз, тойда джукълар.
- Окъ къызбайны джокълайды.
- Ач да бол, токъ да бол – намысынга бек бол.
- Джарашыу сюйген – джалынчакъ.
- Ачыу алгъа келсе, акъыл артха къалады.
- Босагъагъа джууукъ орун болса, ашыгъыб тёрге озма.
- Ишленмеклик адамлыкъды.
- Адам сёзге тынгыла, акъыл сёзню ангыла.
- Джан саулукъ бермей, сан саулукъ бермезсе.
- Билеги кючлю, бирни джыгъар, билими кючлю, мингни джыгъар.
- Таукел тауну аудурур.
- Иги – алгъыш этер, аман – къаргъыш этер.
- Уллу айтханны этмеген – уллаймаз.
- Дженгил джетерикме деб, узун джолну къоюб, къысхасын барма.
- Эринчекге кюн узун.
- Ашатыргъа иш – ашхы, ишлетирге аш – ашхы.
- Рысхысына кёре, джаш ёсер, къышлыгъына кёре, мал ёсер.
- Урунуу – насыбны анасы.
- Мухар, кеси тойса да, кёзю тоймаз.
- Этек чакъмакълары баш джаргъан, сёлешген сёзлери таш джаргъан.
- Къулакъдан эсе, кёзге ышан.
- Акъыл къартда, джашда тюйюлдю – башдады.
- Къарнынг тойгъунчу аша да, белинг талгъынчы ишле.
- Эринчекни эр алмаз, эр алса да, кёл салмаз, кёл салса да, кёб бармаз!
- Эл тойса, тоймагъан, эл къойса, къоймагъан.
- Хар зат кесини орнуна иги.
- Эки къатын алгъан – эки ташны ортасына башын салгъан.
- Кёзюнде тереги болгъан, чёбю болгъаннга кюле эди.
- Къартны сыйын кёрмеген, къартлыгъында сыйлы болмаз.
- Ауругъаннга – кийик саулукъ, джетген къызгъа – чилле джаулукъ.
- Байны къызы баймакъ болса да, юйде къалмаз!
- Бети къызарыучу адамны, джюреги харам болмаз.
- Кийимни бир кюнню аясанг, минг кюннге джарар.
- Байдан умут эте, джарлыдан ёгюз багъасы къорады.
- Джахил болса анасы, не билликди баласы?
- Аман адамны тепсинге олтуртсанг, къызынгы тилер.
- Акъыллы башны – тили къысха.
- Билим насыб берир, билим джолну керир.
- Кийиминг бла танылма, адамлыкъ бла таныл.
- Къазанда болса, чолпугъа чыгъар.
- Джыланны къуйругъундан басарынг келсе, аны башы болгъанын унутма.
- Акъдан къара болмаз.
Келигиз, тил байлыгъыбызны сакълайыкъ!
|
Кергелен
Бардыла, кесек уллуракъ адамлада...мени анам бла атам 10 кл бошагъандыла, немцаланы тиллерин окъугъандыла... |
|
|
|
|
|
Али-Мурат келалмаймы къалды бу солуу кюнледе?
|
|
|
|
|
|
всезнайка
Бош болалмайды деб эштгенме, иши кёб болур... Девушка Гор хапар айтырыкъ болур))))) |
|
|
|
|
|
всезнайка
Али-Мурат Хасанович бла ушагъыбызны келир бараз кюн этерикбиз, Аллах айтса!  |
|
|
|
|
|
Девушка Гор
Кюн ашхы болсун! Хазырланыб башлаиыкъ сора.сау бол |
|
|
|
|
|
всезнайка
Ашхылыкъ кёр! Ушагъыбызны бараз кюн кечирек башларыкъ болурбуз, 4-5 сагъатда дегенча! Сизни сорууларыгъызны бек сакълаб турлукъбуз! |
|
|
|
|
|
всезнайка
Мен джаншаргъа бек сюеме Сенича миллетини культурасына, тилине, тарихине къайгъырыб джаншагъанла кёб болгъа эдиле халкъыбызда!  |
|
|
|
|
|
Мышона
Алагъа керекди деб турамыса ол. Бек сейирсиндирдинг! Бир къауумлары къарачай сабийледенесе да бек сюйюб джюрюйдюле ары. |
|
|
|
|
|
Эгоистка
Къарачай тилни сюйгенлеге да болушургъа керекди, аны этер ючюн а кесибиз, къарачайлыла тилибизни терен билирге керекбиз  |
|
|
|
|
|
Акъыллычыкъ
Тюз айтаса. |
|
|
|
|
Читают тему (гостей: 2)