Войти на сайт
14 Мая 2026 года

 

  • Билмейме деген – бир сёз
  • Эллинг бла джау болсанг да, юйюнг бла джау болма.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Джылар джаш, атасыны сакъалы бла ойнар.
  • Эри аманны, къатыны – аман.
  • Биреуню къыйынлыгъы бла кесинге джол ишлеме.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Ушамагъан – джукъмаз.
  • Иги адамны бир сёзю эки болмаз.
  • Халкъны юйю – туугъан джери.
  • Бастасын ашагъан, хантусун да ичер.
  • Аманнга алтын чыдамаз.
  • Билимли ёлмез, билимсиз кёрмез.
  • Аш иеси бла татлыды.
  • Къарт айтханны этмеген, къартаймаз.
  • Ач да бол, токъ да бол – намысынга бек бол.
  • Тешигини къатында, чычхан да батыр болур.
  • Джюз элде джюз ёгюзюм болгъандан эсе, джюз джууугъум болсун.
  • Джыгъылгъанны сырты джерден тоймаз.
  • Эринчекни аурууу – кёб.
  • Къан бла кирген, джан бла чыгъар.
  • Ана къолу ачытмаз.
  • Джол бла сёзню къыйыры джокъ.
  • Тенги кёбню джау алмаз, акъылы кёбню дау алмаз.
  • Ишлегенде эринме, ишде чолакъ кёрюнме.
  • Дженгил джетерикме деб, узун джолну къоюб, къысхасын барма.
  • Кирсизни – саны таза, халалны – къаны таза.
  • Окъуу – билимни ачхычы, окъуу – дунияны бачхычы.
  • Къонакъ аман болса, къонакъбай джунчур
  • Алма терегинден кери кетмез.
  • Адам къаллай бир ишленмесе, аллай бир кесин уллу кёреди.
  • Ашына кёре табагъы, балына кёре къалагъы.
  • Урунуу – насыбны анасы.
  • Ётюрюкню башын керти кесер.
  • Азыгъы аз, алгъа къабар, аты аман, алгъа чабар.
  • Чомартха хар кюн да байрамды.
  • Аманны эки битли тону болур, бирин сеннге кийдирир, бирин кеси киер.
  • Байлыкъ тауусулур, билим тауусулмаз.
  • Эртде тургъан джылкъычыны эркек аты тай табар.
  • Тюзлюк тас болмайды.
  • Баланы адам этген анады.
  • Тил бла келеди джыр да.
  • Аман адам элни бир-бирине джау этер.
  • Аджал соруб келмез, келсе, къайтыб кетмез.
  • Тил джюрекге джол ишлейди.
  • Ата Джуртча джер болмаз, туугъан элча эл болмаз.
  • Джаралыны джастыгъында сау ёлюр.
  • Чакъырылмай келген къонакъ сыйланмай кетер.
  • Кеси юйюмде мен да ханма.
  • Уруну арты – къуру.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 33 34 35 36 37 ... 41 След.
RSS
Как будет на карачаево-балкарском ............?
 
#851
Джаратама0
07.01.2011 22:45:20
къарачайлы
ай, аФерим)))
это был вопрос или констатация факта?
джюрек кибигим
керти алай
 
 
 
#852
Джаратама0
07.01.2011 22:53:25
 
 
 
#853
Джаратама0
07.01.2011 23:01:31
изяшниперсон
энди биз танымагъан 7km болса, ийнаныр эдик, алай а, эгечим... ол болгъан джерде, кеси чыгъармай, биреуге къайгъы чыгъартыр деб билмейме...

къарачайлы айтханлай, уялгъан да этмейди))

7km
нек уялмадым дейсе?))
 
 
 
#854
Джаратама0
07.01.2011 23:05:15
къарачайлы
...шыркъ деб...
Это типа щелчок?)) сакъ бол, Изя джюрегинги алыб чыгъыб да кетерикди, чырт джукъ ангыламагъанча этиб
 
 
 
#855
Джаратама0
08.01.2011 01:38:19
fonblond Дыдай дыдай)))) сора къойдум шыкъырдатханны
 
 
 
#856
Джаратама0
09.01.2011 03:48:40
изяшниперсон
"аперим" деген сез нек джокъу сезлюкде?не нахожу, или это не кар.бал слово?

Это слово является заимствованием из фарси! На фарси "афарин" означает "Браво! Молодец"! Идет из среднеперсидского "африн" ("благословение"). В наш язык это слово проникло через турецкий в период распространения Ислама из Крыма.

къарачайлы
Джамагъат къарачай тилни къайда окъугъан эдигиз? Ф харифге къарагъыз)) Аферим

Мени бу орфографияда бир зат джюрегими джарад. Бизде "п" деб айтыла тургъанлай, хаман "тюзюча" "ф" деб джазыб туруулары. Къарачайда не "файда", не "аферим", не Сафар деб айтылмай тургъанлай, тилибизни ол сёзлюкле къураучула нек "тюзетиб" кюрешиулерин, тейри да адамы, ангылаялмайма. Тилибизни джаратмаймы этедиле, огъесе тюзге айландырыргъа излебми кюрешедиле. Андан хапарым джокъду. Мени сартын, биз юреннгенибизча айтыргъа керекбиз. Сёз ючюн, "зыраф" деген сёзню "ф" бла айтабыз да?! "Аперим" дегенни уа "п" бла айтабыз. Ол себебден, сёзлюкде да "аперим" деб джазылса тыйыншлы эди деб келеди кёлюме.
 
 
 
#857
Джаратама0
09.01.2011 03:51:25
самое длинное слово на карачаевском знаете?
 
 
 
#858
Джаратама0
09.01.2011 13:40:21
самое длинное слово на карачаевском знаете?
...чалкъычыларыбызныкъыладыла?
или огъай?
 
 
 
#859
Джаратама0
09.01.2011 14:39:01
Faida
чалкъычыларыбызныкъыладыла?

чалкъы-чы-лар-ы-быз-ны-къы-ла-ды-ла - 9 аффикс къошулады бу сёзге. Чалкъы деген сёз да "чал-" деген глаголгъан бусагъатда "продуктивный" болмагъан "-къы" аффикс къошулгъаны себебли, аны да къошсанг, 10 аффикс болады къуру бу сёзде.

Таким же образом можно придумать и другие варианты, например, темирчилерибизникиледиле, агъашчыларыбызныкъыладыла, чабакъчыларыбызныкъыладыла, къойчуларыбызныкъыладыла, тууарчыларыбызныкъыладыла и т.п.
 
 
 
#860
Джаратама0
09.01.2011 15:45:09
Faida
Чуть не дописала)))
ЧАЛГЪЫЧЫЛАРЫБЫЗНЫКЪЛАРЫНДАНДЫЛА))))
 
 
 
#861
Джаратама0
09.01.2011 15:45:13
qarachayli
энди айныгъан тилледе алайды, кёресе ингилиз тилледе затда)))) Аны ючюн хата джокъду, мен ангылагъаннга кёре арам бёзле болгъанлары себебли арабча джазгъандыла))))
 
 
 
#862
Джаратама0
09.01.2011 15:46:12
qarachayli"Аперим" дегенни уа "п" бла айтабыз.
Аферист дейбиз деб джазыб къойгъан болурламы
 
 
 
#863
Джаратама0
09.01.2011 16:06:28
къарачайлы
арам бёзле дегенинг неди?
 
 
 
#864
Джаратама0
09.01.2011 16:10:10
къарачайлы
Аферист дейбиз деб джазыб къойгъан болурламы

Алай болур!
Бир къауум адамларыбыз ол джазылгъаныча айтыргъа кюрешселе, бир бек джюрегими джарадыла. Бир джол бир тиширыу мен да таныгъан бир адамгъа: "Ханафий!" деб сёлешгенинде, менден гитче болса джылы, джукъ айтырыкъ эсем да, уллу болгъаны себебли, тынгылаб къойдум. Хо, джазгъан сагъатынгда джаза бер "Ханафий" деб, айтхан сагъатда уа "Ханапий" дерге керек шойса?! Аллай бирни ангылаялмаймыды, билмейме...
 
 
 
#865
Джаратама0
09.01.2011 17:56:21
qarachayli да тиеклеге къарамай джазама дегенме да араб сёзле дейме деб джазгъанма))))
Мен да джазылгъаныча айтыучанма, сёз ючюн, келелле деб айтмагъанма ненча кесими таный эсем да келедиле деген болмаса))))
 
 
 
#866
Джаратама0
09.01.2011 17:58:51
Да хоу орусча что деб джазыб, што деб окъугъанчады да ол да
 
 
 
#867
Джаратама0
09.01.2011 18:13:24
къарачайлы
qarachayli да тиеклеге къарамай джазама дегенме да араб сёзле дейме деб джазгъанма))))

Мен да тиеклеге къарамай джазама.

Мен да джазылгъаныча айтыучанма, сёз ючюн, келелле деб айтмагъанма ненча кесими таный эсем да келедиле деген болмаса))))
Сора джазылгъаныча айтыб къалай сёлешаласа? Мен "келелле" дейме къуру да!
 
 
 
#868
Джаратама0
09.01.2011 18:21:29
къарачайлы
Да хоу орусча что деб джазыб, што деб окъугъанчады да ол да

Огъай, аны орусча "что / што" дегенден башхалыгъы барды. Орус тилде, ингилиз, француз тилледе эм биринчи къалай эшитиле эсе, алай джазыб башлагъан эдиле. Артдан тил тюрлене, джазмалары уа алгъынча тюрленмей тургъаны себебли, айтылгъаны бла джазылгъаны иги кесекге башха болду. Бизни тилде уа алгъы бурун "ф" таууш болмагъанын барыбыз да билебиз. Алкъын бизни къартла ол тауушну айталмай, Патима, Пайруз деб сёлешедиле. Тилибизде болмагъан харифни къалай айтыргъа юреннген эсек, алайлай къалса тыйыншлыгъа санайма мен, сёз ючюн. Тилибизге ыйлыкъгъанча кёрюнеди "п"-ны орнуна "ф"-ны салыб барсала.
 
 
 
#869
Джаратама0
09.01.2011 19:17:58
qarachayli
да къачан да алай айтабыз юйде да, былай ашыкъмай сёлешсек, сора келелле, баралла формаланы бир бек сюймейме, джарым къалгъан сёзлеча)))) Энди айталабыз да))) В харифда джокъду, алай вагон деб джазадыла ?агон демей)))) неда багон демей. Аны айтханым, энди джорукъ салыннганды, джорукъдача джазылыргъа керекди, джорукъланы тюрлендирир не кючюбюз, на къарыуубуз джокъду бусагъатда.
 
 
 
#870
Джаратама0
09.01.2011 19:23:06
къарачайлы
да къачан да алай айтабыз юйде да, былай ашыкъмай сёлешсек, сора келелле, баралла формаланы бир бек сюймейме, джарым къалгъан сёзлеча)))) Энди айталабыз да))) В харифда джокъду, алай вагон деб джазадыла ?агон демей)))) неда багон демей. Аны айтханым, энди джорукъ салыннганды, джорукъдача джазылыргъа керекди, джорукъланы тюрлендирир не кючюбюз, на къарыуубуз джокъду бусагъатда.

Энди "вагон" тилибизге кёб болмай кирген орус сёздю. Аллай сёзлеге айтмайма. Къартла алагъа да "багон", "барата" (ворота), "баранья" (варенье) дегенликге, хоу, биз орусча айтабыз аланы. Алай а иги эртде тилибизге кирген арабизмле бла фарсизмле "пайда", "аперим" дегенчала айтылгъаныча джазылсала да боллукъ эди, тейри.
 
 
 
#871
Джаратама0
09.01.2011 21:57:56
qarachayli Энди чам этиб айтама, ансы Алий улу да джазыучан эди, тышындан келген сёзле, тилибизни джорукъларына келишдирилиб айтылыргъа, джазылыргъа керек болгъанын. Алай а, энди боллукъ болду, сёз ючюн мен кесим да аперим, пайда дегенлигиме, автомат бла аферим, файда деб джазарыкъма)))
 
 
 
#872
Джаратама0
10.01.2011 00:45:06
къарачайлыЛА, суаплыккъа къалдым мен)))
 
 
 
#873
Джаратама0
10.01.2011 01:40:37
изяшниперсон
къарачайлыЛАдыла, а то бы предложили голову морочить ребе)))
 
 
 
#874
Джаратама0
26.01.2011 12:52:11
джангы сезле къайда? билген сезлерими, эмда харифлерими унутуб къояма
 
 
 
#875
Джаратама0
27.01.2011 18:48:32
аПерим, Фахму
Къарачай-Малкъар-орус сезлюкде да, Къарачай-Малкъар тилни ангылатма сезлюгюнде да алай джазылады)
Бу китабладан толу сёзлюк китаб болмаз бусагъатда)
терс юретиб джангылтмагъыз бизни))
 
 
 
Страницы: Пред. 1 ... 33 34 35 36 37 ... 41 След.
Читают тему (гостей: 8)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.