- Тил – миллетни джаны.
- Аджашхан тёгерек айланыр.
- Мухар, кеси тойса да, кёзю тоймаз.
- Башсыз урчукъ тюзюне айланмаз.
- Тёрени джагъы джокъ.
- Ач къалгъандан, кеч къалгъан къолай.
- Айранны сюйген, ийнек тутар.
- Иши джокъну, сыйы джокъ.
- Къарыусузгъа кюлме, онгсузгъа тийме.
- Байма, деб да, къууанма, джарлыма, деб да, джылама.
- Накъырданы арты керти болур.
- Накъырда – кертини келечиси.
- Аман эсирсе, юйюн ояр.
- Харам къарнашдан, халал тенг ашхы.
- Битмегеннге сакъал – танг.
- Ашхы сёз таш тешер.
- Къартны сыйын кёрмеген, къартлыгъында сыйлы болмаз.
- Хатерли къул болур.
- Джангыз торгъай джырламаз.
- Къызгъанчдан ычхыныр, мухардан ычхынмаз.
- Иги джашны ышаны – аз сёлешиб, кёб тынгылар.
- Биреу ашаб къутулур, биреу джалаб тутулур.
- Намыс болмагъан джерде, насыб болмаз.
- Чалманны аллы къалай башланса, арты да алай барады.
- Зарда марда джокъ.
- Бозаны арты дауур болур.
- Чыкълы кюнде чыкъмагъан, чыкъса къуру кирмеген.
- Эм уллу байлыкъ – джан саулукъ.
- Хар зат кесини орнуна иги.
- Ёгюзню мюйюзюнден тутадыла, адамны сёзюнден тутадыла.
- Минг тенг да азды, бир джау да кёбдю.
- Бет бетге къараса, бет да джерге къарар.
- Аманнга алтын чыдамаз.
- Алгъанда – джууукъ, бергенде – джау.
- Суу кетер, таш къалыр.
- Тешик этген тынчды, аны джамагъан къыйынды.
- Къуллукъчума, деб махтанма, къуллукъ – хаух джамчыды!
- Келгинчи, къонакъ уялыр, келгенден сора, къонакъбай уялыр.
- Ауругъаннга – кийик саулукъ, джетген къызгъа – чилле джаулукъ.
- Тас болгъан бычакъны сабы – алтын.
- Бек анасы джыламаз.
- Ойнай-ойнай кёз чыгъар.
- Олтуруб кёрюнмей эди да, ёрге туруб кёрюне эди.
- Эл бла кёргенинг эрелей.
- Элге къуллукъ этмеген, элге ие болмаз.
- Таугъа чыгъаллыкъ эсенг, тюзде къалма.
- Кёлю джокъну – джолу джокъ.
- Акъыллы башны – тили къысха.
- Кёбге таш атма.
- Тюз сёз баргъан сууну тыяр.
2 ноября - годовщина депортации Карачаевского народа
Ответы
Читают тему (гостей: 1)