- Джылкъыдан – ат чыгъар, тукъумдан – джаш чыгъар.
- Тилсиз миллет джокъ болур.
- Байлыкъдан саулукъ ашхыды.
- Ана къолу ачытмаз.
- Эркишиге тары кебек танг кёрюнюр.
- Ышармагъан – кюлмез, кюлмеген – къууанчны билмез.
- Иги болса, тамадама – махтау, аман болса, меннге – айыб.
- Окъумагъан сокъурду, сокъур ташха абыныр!
- Эм ашхы къайын ана мамукъ бла башынгы тешер.
- Аджашханны ызындагъы кёреди, джангылгъанны джанындагъы биледи.
- Босагъагъа джууукъ орун болса, ашыгъыб тёрге озма.
- Биреуге аманлыкъны тилеме да, кесинге ашхылыкъны тиле.
- Джаз бир кюнню джатсанг, къыш талай кюнню абынырса.
- Накъырда – кертини келечиси.
- Тил – миллетни джаны.
- Кёбге таш атма.
- Абынмазлыкъ аякъ джокъ, джангылмазлыкъ джаякъ джокъ.
- Айтхан – тынч, этген – къыйын.
- Окъ къызбайны джокълайды.
- Билимсиз иш бармаз.
- Ичимден чыкъды хата, къайры барайым сата?
- Аман къатын сабий табса, бий болур…
- Къонакъ болсанг, ийнакъ бол.
- Эркиши – от, тиширыу – суу.
- Чыкълы кюнде чыкъмагъан, чыкъса къуру кирмеген.
- Аман эсирсе, юйюн ояр.
- Хунаны тюбюн къазсанг, юсюнге ауар.
- Ургъан суудан башынгы сакъла.
- Бойнуму джети джерден кессенг да, мен ол ишни этеллик тюлме.
- Бал чибинни ургъаны – ачы, балы – татлы.
- Джюрекден джюрекге джол барды.
- Ашыкъгъан cуу, тенгизге джетмез.
- Ариу сёз – къылычдан джити.
- Шекер бла туз – бир болмаз, ушамагъан – юй болмаз.
- Ойнай-ойнай кёз чыгъар.
- Иесиз малны бёрю ашар.
- Адеб этмеген, адеб кёрмез.
- Ата Джуртча джер болмаз, туугъан элча эл болмаз.
- Элиб деген, элге болушур.
- Орундукъ тюбюнде атылсам да, орта джиликме, де да айлан.
- Алгъанда – джууукъ, бергенде – джау.
- Сабийликде юретмесенг, уллу болса – тюзелмез.
- Кёбден умут этиб, аздан къуру къалма.
- Чомарт къолда мал къалмаз.
- Уруну арты – къуру.
- Аууздан келген, къолдан келсе, ким да патчах болур эди.
- Къуру гыбыт бек дыгъырдар.
- Акъыллы – эл иеси, тели – эл баласы.
- Берекет берсин деген джерде, берекет болур.
- Уллу къашыкъ эрин джыртар.
2 ноября - годовщина депортации Карачаевского народа
Ответы
Читают тему (гостей: 1)