Окъ къызбайны джокълайды.
Чомартны къолу берекет.
Ётюрюкню къуйругъу – бир тутум.
Айран тёгюлсе, джугъусу къалыр.
Адамны артындан къара сабан сюрме.
Мени джылытмагъан кюн, меннге тиймесин!
Акъыл аздырмаз, билим тоздурмаз.
Ишни ахырын ойламай, аллын башлама.
Алма терегинден кери кетмез.
Джюз элде джюз ёгюзюм болгъандан эсе, джюз джууугъум болсун.
Уллу атлама – абынырса, уллу къабма – къарылырса.
Арбаз сайлама да, хоншу сайла.
Биреуге кёлтюрген таягъынг, кесинги башынга урур.
Джуртун къоругъан озар.
Байлыкъдан саулукъ ашхыды.
Къатын байлыкъны сюер, эр саулукъну сюер.
Джарлы эскисин джамаса, къууаныр.
Эл ауузу – элек, анга ийнаннган – халек.
Аманнга игилик этсенг, юйюнге сау бармазса.
Къошда джокъгъа – юлюш джокъ.
Аджал соруб келмез, келсе, къайтыб кетмез.
Кёб къычыргъандан – къоркъма, тынч олтургъандан – къоркъ.
Къартны бурнун сюрт да, оноугъа тут.
Джаш къарыу бла кючлю, къарт акъыл бла кючлю.
Тойгъа барсанг, тоюб бар, эски тонунгу къоюб бар.
Ариу – кёзге, акъыл – джюрекге.
Булут кёкге джарашыу, уят бетге джарашыу.
Мал ёлсе, сюек къалыр, адам ёлсе, иши къалыр.
Бети бедерден, намыс сакълама.
Терек ауса, отунчу – кёб.
Накъырда – кертини келечиси.
Джылар джаш, атасыны сакъалы бла ойнар.
Джангыз торгъай джырламаз.
Байлыкъ тауусулур, билим тауусулмаз.
Эринчекни аурууу – кёб.
Адеб джокъда, намыс джокъ.
Чомарт къонакъ юй иесин сыйлар.
Ётюрюкню башын керти кесер.
Ата – баланы уясы.
Суугъа – таянма, джаугъа – ийнанма.
Бал – татлы, балдан да бала – татлы.
Иги – алгъыш этер, аман – къаргъыш этер.
Тулпарлыкъ, билекден тюл – джюрекден.
Бетинги сатма, малынгы сат.
Ургъан суудан башынгы сакъла.
Джангызны оту джарыкъ джанмаз!
Кюлме джашха – келир башха.
Арпа, будай – ащды, алтын, кюмюш а – ташды.
Экеулен сёлеше тура эселе, орталарына барыб кирме.
Ишни аллы бла къууанма да, арты бла къууан.
)))))))... сразу прочитала "лоМщик", потом дочиталась, что "В"))))
