Кимни – тили, тиши онглу, кимни – къолу, иши онглу.
Байлыкъ келсе, акъыл кетер.
Джол бла сёзню къыйыры джокъ.
Ариуну – ауруу кёб.
Эшекни не къадар тюйсенг да, ат болмаз.
Эринчекге кюн узун.
Мураты болгъанны джюрек тебюую башхады.
Къыйынлы джети элге оноу этер.
Ач отунчуну ачыуу – бурнунда.
Джаш болсун, къыз болсун, акъылы, саны тюз болсун.
Уллу атлама – абынырса, уллу къабма – къарылырса.
Орундукъ тюбюнде атылсам да, орта джиликме, де да айлан.
Танг атмайма десе да, кюн къоярыкъ тюйюлдю.
Джюрек кёзден алгъа кёрюр.
Эл бла кёргенинг эрелей.
Aдам боллукъ, сыфатындан белгили.
Ойнай билмеген, уруб къачар.
Акъыл неден да кючлюдю.
Адамны аты башхача, акъылы да башхады.
Джетген къыз джерли эшекни танымаз.
Ач да бол, токъ да бол – намысынга бек бол.
Къатын байлыкъны сюер, эр саулукъну сюер.
Сакъламагъан затынга джолукъсанг, не бек къууанаса, не бек ачыйса.
Чомартха хар кюн да байрамды.
Элде адам къалмаса, ит тахтагъа минер.
Джангызны оту джарыкъ джанмаз!
Айыбны суу бла джууалмазса.
Ач къалгъандан, кеч къалгъан къолай.
Душманны тышы – акъ, ичи – къара.
Аш иеси бла татлыды.
Иги болса, тамадама – махтау, аман болса, меннге – айыб.
Кютгени беш эчки, сызгъыргъаны уа, джерни джарады.
Ёлген аслан – сау чычхан.
Ёмюрлюк шохлукъну джел элтмез.
Чакъырылмагъан джерге барма, чакъырылгъан джерден къалма.
Биреуню эскиси биреуге джангы болмайды.
Джырчы ёлсе, джыры къалыр.
Келгинчи, къонакъ уялыр, келгенден сора, къонакъбай уялыр.
Бети бедерден, намыс сакълама.
Сормай – алма, чакъырылмай – барма.
Аллахдан тилесенг, кёб тиле.
Мени джылытмагъан кюн, меннге тиймесин!
Аманнга игилик этсенг, юйюнге сау бармазса.
Тау башында, тау болмаз, джангыз терек, бау болмаз.
Уллу суу бла уллу ауруудан башынгы сакъла.
Юйлю уругъа ит чабмаз.
Джангыз терек къынгыр ёсер.
Ачылгъан эт джабылыр, кёрген кёз унутмаз.
Эркиши – от, тиширыу – суу.
Ана – юйню кюн джарыгъы.
это мои любимые друзья)))