Чакъырылмай келген къонакъ сыйланмай кетер.
Къыз тиширыу кеси юйюнде да къонакъды.
Рысхы джалгъанды: келген да этер, кетген да этер.
Алма терегинден кери кетмез.
Адам бла мюлк юлешмеген эсенг, ол адамны билиб бошагъанма, деб кесинги алдама.
Чоюнну башы ачыкъ болса, итге уят керекди.
Джырына кёре эжиую.
Халкъны юйю – туугъан джери.
Эринчекни аурууу – кёб.
Мухардан ач ычхынмаз.
Ашхы болсанг, атынг чыгъар, аман болсанг, джанынг чыгъар.
Ишлегенде эринме, ишде чолакъ кёрюнме.
Тыш элде солтан болгъандан эсе, кесинги элде олтан болгъан игиди!
Ач бёрюге мекям джокъ.
Кесинг сынамагъан затны, адамгъа буюрма.
Джарлыны тону джаз битер.
Таукелге нюр джауар.
Алгъанда – джууукъ, бергенде – джау.
Ач келгенни – тойдур, кеч келгенни – къондур.
Термилгенинги табмазса, кюлгенинге тюберсе.
Билимсиз иш бармаз.
Окъуу – билимни ачхычы, окъуу – дунияны бачхычы.
Башы джабылгъан челекге, кир тюшмез.
Ёлюк кебинсиз къалмаз.
Къызбайны юйюне дери сюрсенг, батыр болур.
Адам сёзге тынгыла, акъыл сёзню ангыла.
Ишлегенден, къарагъан уста.
Мухарны эси – ашарыкъда.
Ётюрюкню башын керти кесер.
Джырчы ёлсе, джыры къалыр.
Суугъа – чабакъ, къаягъа – ыргъакъ.
Сагъышы джокъ – джукъучу, акъылы джокъ – къаугъачы.
Соргъан айыб тюлдю, билмеген айыбды.
Ёнгкюч къууана барыр, джылай келир.
Башынга джетмегенни сорма.
Аз сёлешген, къайгъысыз турур.
Ашына кёре табагъы, балына кёре къалагъы.
Зарда марда джокъ.
Аджал соруб келмез, келсе, къайтыб кетмез.
Айранны сюйген, ийнек тутар.
Адеб джокъда, намыс джокъ.
Тилчи бир сагъатха айлыкъ хата этер.
Мадар болса, къадар болур.
Телиге акъыл салгъандан эсе, ёлгеннге джан салырса.
Ариу – кёзге, акъыл – джюрекге.
Тулпарлыкъ, билекден тюл – джюрекден.
Къралынгы – душмандан, башынгы от бла суудан сакъла.
Къумурсхала джыйылсала, пилни да джыгъадыла.
Эл ауузу – элек, анга ийнаннган – халек.
Адамны бетине къарама, адетине къара.
это мои любимые друзья)))