Адамны сыфатына къарама, сёзюне къара.
Чакъырылмагъан къонакъ – орунсуз.
Эл ауузу – элек, анга ийнаннган – халек.
Тюзлюк тас болмайды.
Кесине оноу эте билмеген, халкъына да эте билмез.
Орну джокъну – сыйы джокъ.
«Ма», - дегенни билмесенг, «бер», - дегенни билмезсе.
Атадан ёксюз – бир ёксюз, анадан ёксюз – эки ёксюз.
Къыз чыгъаргъан – къызыл къымжа.
Мухардан ач ычхынмаз.
Билгенни къолу къарны джандырыр.
Билими азны – ауузунда кирит.
Таукелге нюр джауар.
Джыйырма къойну юч джыйырма эбзе кюте эди.
Тойгъа барсанг, тоюб бар, эски тонунгу къоюб бар.
Биреуню эскиси биреуге джангы болмайды.
Ат да турмайды бир териде.
Насыб бютеу халкъны юлюшюдю.
Тилчиден кери бол.
Къонакъ хазыр болгъанлыкъгъа, къонакъбай хазыр тюлдю.
Иги болса, тамадама – махтау, аман болса, меннге – айыб.
Байны оноуу, джарлыгъа джарамаз.
Телини эшигин, махтау джабар.
Эркиши – от, тиширыу – суу.
Алтыннга тот къонмаз.
Тойчу джашха къарама, къойчу джашха къара.
Ишлегенде эринме, ишде чолакъ кёрюнме.
Тенгни тенглиги джашай барсанг билинир.
Башланнган иш битер, къымылдагъан тиш тюшер.
Мени джылытмагъан кюн, меннге тиймесин!
Чомартны къолун джокълукъ байлар.
Джуртун къоругъан озар.
Байлыкъ тауусулур, билим тауусулмаз.
Тилде сюек болмаса да, сюек сындырыр.
Адамны джюреги нени кёрюрге сюйсе, кёзю да аны кёрюрге ёч болады.
Сагъышы джокъ – джукъучу, акъылы джокъ – къаугъачы.
Айныгъанлы алты кюн, тогъайгъанлы тогъуз кюн.
Биреуге аманлыкъны тилеме да, кесинге ашхылыкъны тиле.
Джерни букъусу кёкге къонмаз.
Къайтырыкъ эшигинги, къаты уруб чыкъма.
Къыз тиширыу кеси юйюнде да къонакъды.
Чакъырылмагъан къонакъ къачан кетерин сормаз.
Бал – татлы, балдан да бала – татлы.
Гугурук къычырмаса да, тангны атары къалмаз.
Келлик заман – къартлыкъ келтирир, кетген заман – джашлыкъ ёлтюрюр.
Элге къуллукъ этмеген, элге ие болмаз.
Минг тенг да азды, бир джау да кёбдю.
Сакъламагъан затынга джолукъсанг, не бек къууанаса, не бек ачыйса.
Садакъачыны джаны – къапчыгъында.
Иги бла джюрюсенг, джетерсе муратынга, аман бла джюрюсенг, къалырса уятха.
это мои любимые друзья)))