Ойнай билмеген, уруб къачар.
Ойнаб айтсанг да, эслеб айт.
Ач къарынны, токъ билмез
Оюмсуз атлагъан, аджалсыз ёлюр.
Джылкъыдан – ат чыгъар, тукъумдан – джаш чыгъар.
Къыйынлы джети элге оноу этер.
Къумурсхала джыйылсала, пилни да джыгъадыла.
Къайтырыкъ эшигинги, къаты уруб чыкъма.
Уллу сёлешме да, уллу къаб.
Кютгени беш эчки, сызгъыргъаны уа, джерни джарады.
Арбаз сайлама да, хоншу сайла.
Ашатыргъа иш – ашхы, ишлетирге аш – ашхы.
Джылар джаш, атасыны сакъалы бла ойнар.
Суу да къайтады чыкъгъан джерине.
Адам сёзге тынгыла, акъыл сёзню ангыла.
Сютню башын джалагъан къутулур, тюбюн ичген тутулур.
Тюзлюк тас болмайды.
Ёгюзню мюйюзюнден тутадыла, адамны сёзюнден тутадыла.
Адеб базарда сатылмаз.
Ач келгенни – тойдур, кеч келгенни – къондур.
Ашарыкъда сайлагъаннга – чий гырджын.
«Ма», - дегенни билмесенг, «бер», - дегенни билмезсе.
Ёксюзню тилеги къабыл болур.
Кёб къычыргъандан – къоркъма, тынч олтургъандан – къоркъ.
Орну джокъну – сыйы джокъ.
Чакъырылмай келген къонакъ сыйланмай кетер.
Къанны къан бла джуума, аманны аман бла къуума.
Кёлсюзден сёзсюз тууар.
Аууздан келген, къолдан келсе, ким да патчах болур эди.
Ашда уялгъан – мухар, ишде уялгъан – хомух.
Джангыз терек къынгыр ёсер.
Акъдан къара болмаз.
Рысхы джалгъанды: келген да этер, кетген да этер.
Ариу сёз – джаннга азыкъ, аман сёз – башха къазыкъ.
Адам туугъан джеринде, ит тойгъан джеринде.
Ёксюзню къалачы уллу кёрюнюр.
Ачны эсинде – аш.
Чыбыкълыкъда бюгюлмеген, къазыкълыкъда бюгюлмей эди.
Ачлыкъда тары гырджын халыуадан татлы.
Насыблы элин сюер, насыбсыз кесин сюер.
Орундукъ тюбюнде атылсам да, орта джиликме, де да айлан.
Ат да турмайды бир териде.
Кёкдеги болмаса, джердегин кёрмейди.
Намысы болмагъанны, сыйы болмаз.
Керилген да, ургъан кибикди.
Магъанасыз сёз – тауушсуз сыбызгъы.
Юйюнг бла джау болгъандан эсе, элинг бла джау бол.
Ана кёлю – балада, бала кёлю – талада.
Къыйынлы джети элни къайгъысын этер.
Тамчы таш тешер.
это мои любимые друзья)))