Къумурсхала джыйылсала, пилни да джыгъадыла.
Джол бла сёзню къыйыры джокъ.
Ашхы адам – халкъ байлыгъы, ашхы джер – джашау байлыгъы.
Ётюрюкчюню шагъаты – къатында.
Адамны артындан къара сабан сюрме.
Ышармагъан – кюлмез, кюлмеген – къууанчны билмез.
Ишге юренсин къоллары, халкъ бла болсун джоллары.
Джуртун къоругъан озар.
Ат да турмайды бир териде.
Уллу къазанда бишген эт, чий къалмаз.
Агъач – джерни чырайы, кийим – эрни чырайы.
Тюз сёз баргъан сууну тыяр.
Аманны эки битли тону болур, бирин сеннге кийдирир, бирин кеси киер.
Эртде тургъан бла эртде юйленнген сокъуранмаз.
Уруну арты – къуру.
Чакъырылмагъан джерге барма, чакъырылгъан джерден къалма.
Окъугъан озар, окъумагъан тозар.
Ашха уста, юйюнде болсун
Сыфатында болмагъаны, суратында болмаз.
Ёлген эшек бёрюден къоркъмайды.
Уллу атлама – абынырса, уллу къабма – къарылырса.
Ёнгкюч къууана барыр, джылай келир.
Ашхы тенг джолгъа салыр, аман тенг джолдан тайдырыр.
Юре билмеген ит, къонакъ келтирир.
Мадар болса, къадар болур.
Элге къуллукъ этмеген, элге ие болмаз.
Кимни – тили, тиши онглу, кимни – къолу, иши онглу.
Акъыл аздырмаз, билим тоздурмаз.
Бир абыннган – минг сюрюнюр.
Къыз тиширыу кеси юйюнде да къонакъды.
Юй ишлеген балта эшикде къалыр.
Кюл тюбюндеги от кёрюнмейди.
Тёзгеннге, джабылгъан эшик ачылыр.
Адам боллукъ, атламындан белгили болур.
Эрине къаргъыш этген къатын, эрнин къабар.
Къарнынг бла ёч алма.
Ойнай билмеген, оюн бузар.
Гитче джилтин уллу элни джандырыр.
Ариу джол аджал келтирмез.
Чомартны къолу берекет.
Иесиз малны бёрю ашар.
Тыш элде солтан болгъандан эсе, кесинги элде олтан болгъан игиди!
Биреу ашаб къутулур, биреу джалаб тутулур.
Иги – алгъыш этер, аман – къаргъыш этер.
Ач отунчуну ачыуу – бурнунда.
Эшекге миннген – биринчи айыб, андан джыгъылгъан – экинчи айыб.
Къуру гыбыт бек дыгъырдар.
Ашлыкъ – бюртюкден, джюн – тюкден.
Биреуню къыйынлыгъы бла кесинге джол ишлеме.
Башланнган иш битер, къымылдагъан тиш тюшер.
это мои любимые друзья)))