Джюз элде джюз ёгюзюм болгъандан эсе, джюз джууугъум болсун.
Джашлыкъ этмеген, башлыкъ этмез.
Атлыны кёрсе, джаяуну буту талыр.
Суу кетер, таш къалыр.
Ашаса, ашамаса да, бёрюню ауузу – къан.
Хоншуну тауугъу къаз кёрюнюр, келини къыз кёрюнюр.
Ашына кёре табагъы, балына кёре къалагъы.
Кёпюр салгъан кеси ётер, уру къазгъан кеси кетер.
Сормай – алма, чакъырылмай – барма.
Иги сеники эсе да, сюйген кесимикин этеме.
Къайтырыкъ эшигинги, къаты уруб чыкъма.
Джаханимни кёрмей, джандетге кёл салмазса.
Абынмазлыкъ аякъ джокъ, джангылмазлыкъ джаякъ джокъ.
Ишни ахырын ойламай, аллын башлама.
Ауузу бла къуш тута айланады.
Айтхан – тынч, этген – къыйын.
Адамны джюреги нени кёрюрге сюйсе, кёзю да аны кёрюрге ёч болады.
Чабакъ башындан чирийди.
Джылыгъа джылан илешир.
Бермеген къол, алмайды.
Сютден ауузу кюйген, суугъа юфгюре эди.
Ашхы тенг джолгъа салыр, аман тенг джолдан тайдырыр.
Ата Джуртуму башы болмасам да, босагъасында ташы болайым.
Окъугъанны бети джарыкъ.
Кеси юйюмде мен да ханма.
Ачлыкъда тары гырджын халыуадан татлы.
Мал ёлсе, сюек къалыр, адам ёлсе, иши къалыр.
Аман къатын сабий табса, бий болур…
Кёб джашагъан – кёб билир.
Къартны сыйын кёрмеген, къартлыгъында сыйлы болмаз.
Арбаз къынгырды да, ийнек сауалмайма.
Аджаллыгъа окъсуз шкок атылыр.
Мал тутхан – май джалар.
Чомарт къонакъ юй иесин сыйлар.
Гугук кесини атын айтыб къычыргъанча, мен, мен деб нек тураса?
Къанны къан бла джуума, аманны аман бла къуума.
Алгъанда – джууукъ, бергенде – джау.
Суу ичген шауданынга тюкюрме.
Адам сёзге тынгыла, акъыл сёзню ангыла.
Байны къызы баймакъ болса да, юйде къалмаз!
Душманны тышы – акъ, ичи – къара.
Кютгени беш эчки, сызгъыргъаны уа, джерни джарады.
Азыгъы аз, алгъа къабар, аты аман, алгъа чабар.
Къая джолда джортма, ачыкъ сёзден къоркъма.
Биреуню тёрюнден, кесинги эшик артынг игиди.
Айыбны суу бла джууалмазса.
Эркишини аманы тиширыуну джылатыр.
Адеб джокъда, намыс джокъ.
Арпа, будай – ащды, алтын, кюмюш а – ташды.
Къыйынлы джети элни къайгъысын этер.
)))))))... сразу прочитала "лоМщик", потом дочиталась, что "В"))))
