Къумурсхала джыйылсала, пилни да джыгъадыла.
Ауурну тюбю бла, дженгилни башы бла джюрюген.
Тай асырагъан, атха минер.
Кютгени беш эчки, сызгъыргъаны уа, джерни джарады.
Мухарны эси – ашарыкъда.
Ашыкъгъанны этеги бутуна чырмалыр.
Кесинге джетмегенни, кёб сёлешме.
Ёгюзню мюйюзюнден тутадыла, адамны сёзюнден тутадыла.
Ашда уялгъан – мухар, ишде уялгъан – хомух.
Джиби бир къат джетмей эди да, эки къат тарта эди.
Адеби болмагъан къыз – тузсуз хант.
Къатыны харакетли болса, эри къымсыз болур.
Азыгъы аз, алгъа къабар, аты аман, алгъа чабар.
Къонакъны къачан кетерин сорма, къачан келлигин сор.
Тёзген – тёш ашар!
Ач къарным, тынч къулагъым.
Айран тёгюлсе, джугъусу къалыр.
Къыйынлы джети элге оноу этер.
Ашха уста, юйюнде болсун
Тилсиз миллет джокъ болур.
Окъуу – билимни ачхычы, окъуу – дунияны бачхычы.
Аман къатын сабий табса, бий болур…
Адамны сыфатына къарама, сёзюне къара.
Тенгинг джокъ эсе – изле, бар эсе – сакъла!
Эшекге миннген – биринчи айыб, андан джыгъылгъан – экинчи айыб.
Ётюрюкден тюбю джокъ, кёлтюрюрге джиби джокъ.
Билмезни кёзю кёрмез, этмезни къулагъы эшитмез.
Баш болса, бёрк табылыр.
Игиге айтсанг – билир, аманнга айтсанг – кюлюр.
Джарлы эскисин джамаса, къууаныр.
Къызын тута билмеген, тул этер, джашын тута билмеген, къул этер.
Бал чибинни ургъаны – ачы, балы – татлы.
Бал – татлы, балдан да бала – татлы.
Хантына кёре тузу, юйюне кёре къызы.
Сагъышы джокъ – джукъучу, акъылы джокъ – къаугъачы.
Кёкдеги болмаса, джердегин кёрмейди.
Насыблы элин сюер, насыбсыз кесин сюер.
Илму – джашауну джолу.
Эл ауузу – элек, анга ийнаннган – халек.
Кесине оноу эте билмеген, халкъына да эте билмез.
Ач, тоймам, дейди, тойгъан, ач болмам, дейди.
Къазанчы аман болса, къазаны къайнамаз.
Эки къатын алгъан – эки ташны ортасына башын салгъан.
Тамырсыз терекге таянма – джыгъылырса.
Ётюрюкню къуйругъу – бир тутум.
Ана къолу ачытмаз.
Башы ишлегенни, ауузу да ишлер.
Ашатыргъа иш – ашхы, ишлетирге аш – ашхы.
Дуния мал дунияда къалады.
Адам къаллай бир ишленмесе, аллай бир кесин уллу кёреди.
)))))))... сразу прочитала "лоМщик", потом дочиталась, что "В"))))
