Алим болгъандан эсе, адам болгъан къыйынды.
Къатын байлыкъны сюер, эр саулукъну сюер.
Болджал ишни бёрю ашар.
Адамгъа аман кюн соруб келмейди.
Билеги кючлю, бирни джыгъар, билими кючлю, мингни джыгъар.
Билим ат болуб да чабар, къуш болуб да учар.
Джыланны къуйругъундан басарынг келсе, аны башы болгъанын унутма.
Ана – юйню кюн джарыгъы.
Этек чакъмакълары баш джаргъан, сёлешген сёзлери таш джаргъан.
Дженгил джетерикме деб, узун джолну къоюб, къысхасын барма.
Къыз чыгъаргъан – къызыл къымжа.
Ач келгенни – тойдур, кеч келгенни – къондур.
Акъыл сабырлыкъ берир.
Ашхы – джыяр, аман – джояр.
Кечеси – аяз, кюню – къыш, джарлы къаргъагъа бир аш тюш!
Уллу къашыкъ эрин джыртар.
Тилсиз миллет джокъ болур.
Чомарт джарлы болмаз.
Чомарт къолда мал къалмаз.
Эринчекни эр алмаз, эр алса да, кёл салмаз, кёл салса да, кёб бармаз!
Къарт болгъан джерде, берекет болур, сабий болгъан джерде, оюн болур.
Айранын берсенг, челегин да къызгъанма.
Сибиртки да сыйлы болду, кюрек да кюнлю болду.
Чомарт бергенин айтмаз.
Байлыкъ адамны сокъур этер.
Тюзню ётмеги тюзде къалса да, тас болмаз.
Аууздан келген, къолдан келсе, ким да патчах болур эди.
Билмезни кёзю кёрмез, этмезни къулагъы эшитмез.
Ашхы атаны – джашы ашхы, ашхы ананы – къызы ашхы.
Сангырау къулакъ эл бузар.
Тулпарлыкъ, билекден тюл – джюрекден.
Чёбню кёлтюрсенг, тюбюнден сёз чыгъар.
Джаш къарыу бла кючлю, къарт акъыл бла кючлю.
Кёзню ачылгъаны – иги, ауузну джабылгъаны – иги.
Чомарт къонакъ юй иесин сыйлар.
Ургъан суудан башынгы сакъла.
Тёрде – темир таякълы, къаяда – чыпчыкъ аякълы.
Уллу сёлешме да, уллу къаб.
Ишни аллы бла къууанма да, арты бла къууан.
Тешигини къатында, чычхан да батыр болур.
Тилчиден кери бол.
Тилде сюек болмаса да, сюек сындырыр.
Бетинги сатма, малынгы сат.
Аманнга да, игиге да оноусуз къатышма.
Ана къолу ачытмаз.
Мал кёб болса, джууукъ кёб болур.
Берекет берсин деген джерде, берекет болур.
Окъугъан – асыу, окъумагъан – джарсыу.
Чарсда алчыны эл кёреди.
Игини сыйлагъан адетди.
)))))))... сразу прочитала "лоМщик", потом дочиталась, что "В"))))
