- Бети къызарыучу адамны, джюреги харам болмаз.
- Кёбге таш атма.
- Уллу суу бла уллу ауруудан башынгы сакъла.
- Тойгъанлыкъ къойгъа джарашады.
- Эрни эр этерик да, къара джер этерик да, тиширыуду.
- Джюрек кёзден алгъа кёрюр.
- Аман киши кеси юйюнде – къонакъ.
- Адамны адамлыгъы къыйынлыкъда айгъакъланады.
- Ашлыкъ – бюртюкден, джюн – тюкден.
- Джарлыны эшигин махтагъан джабар.
- Ёгюзню мюйюзюнден тутадыла, адамны сёзюнден тутадыла.
- Тёрде – темир таякълы, къаяда – чыпчыкъ аякълы.
- Босагъагъа джууукъ орун болса, ашыгъыб тёрге озма.
- Билим ат болуб да чабар, къуш болуб да учар.
- Этни бети бла шорпасы.
- Эте билген, этген этеди, эте билмеген, юретген этеди!
- Ашхы тенг джолгъа салыр, аман тенг джолдан тайдырыр.
- Ачны эсинде – аш.
- Джыйырма къойну юч джыйырма эбзе кюте эди.
- Мал тутхан – май джалар.
- Сагъышы джокъ – джукъучу, акъылы джокъ – къаугъачы.
- Чалманны аллы къалай башланса, арты да алай барады.
- Ишни аллы бла къууанма да, арты бла къууан.
- Ашарыкъда сайлагъаннга – чий гырджын.
- Эри аманны, къатыны – аман.
- От кюйдюрген, сау болса да, тот кюйдюрген, сау болмаз.
- Харам къарнашдан, халал тенг ашхы.
- Джолда аягъынга сакъ бол, ушакъда тилинге сакъ бол.
- Кёбден умут этиб, аздан къуру къалма.
- Ашхы болсанг, атынг чыгъар, аман болсанг, джанынг чыгъар.
- Къонакъ хазыр болгъанлыкъгъа, къонакъбай хазыр тюлдю.
- Уллу атлама – абынырса, уллу къабма – къарылырса.
- Тыш элде солтан болгъандан эсе, кесинги элде олтан болгъан игиди!
- Адам туугъан джеринде, ит тойгъан джеринде.
- Кёзю сокъурдан – къоркъма, кёлю сокъурдан – къоркъ.
- Чарсда алчыны эл кёреди.
- Намысы болмагъанны, сыйы болмаз.
- Къонагъы джокъну – шоху джокъ.
- Билим – акъылны чырагъы.
- Джумушакъ терекни къурт ашар.
- Къулакъдан эсе, кёзге ышан.
- Ариу – кёзге, акъыл – джюрекге.
- Ёпкелегенни ашы татлы болады.
- Рысхы – насыбха къор.
- Байлыкъ келсе, акъыл кетер.
- Аман адам этегингден тутса, кес да къач.
- Къолу уллу – асыу, аягъы уллу – джарсыу.
- Ойнай-ойнай кёз чыгъар.
- Ашыкъгъан cуу, тенгизге джетмез.
- Садакъачыны джаны – къапчыгъында.
9 мая 2020
|
какие планы на этот день?
|
|
|
|
|
Лучше орел в небе, чем попугай под каблуком!
|
|||
|
|
|
Читают тему (гостей: 1)