- Бек анасы джыламаз.
- Сагъыш – къартлыкъгъа сюйюмчю.
- Адеб этмеген, адеб кёрмез.
- Халкъгъа джарагъан, джарлы къалмаз.
- Къанны къан бла джуума, аманны аман бла къуума.
- Акъыл неден да кючлюдю.
- Экиндини кеч къылсанг, чабыб джетер ашхам.
- Ойнай билмеген, оюн бузар.
- Ишленмеклик адамлыкъды.
- Кесинге джетмегенни, кёб сёлешме.
- Ана къойну – балагъа джандет.
- Битмегеннге сакъал – танг.
- Къарны аманнга къазан такъдырма, къолу аманнга от джакъдырма.
- Бермеген къол, алмайды.
- Джаш къарыу бла кючлю, къарт акъыл бла кючлю.
- Тойгъан антын унутур.
- Эркиши – от, тиширыу – суу.
- Ашына кёре табагъы, балына кёре къалагъы.
- Туз, гырджын аша, тюзлюк бла джаша.
- Дуния мал дунияда къалады.
- Ачыкъ джюрекге джол – ачыкъ.
- Накъырданы арты керти болур.
- Хантына кёре тузу, юйюне кёре къызы.
- Сёз садакъдан кючлюдю.
- Къазанчы аман болса, къазаны къайнамаз.
- Сангырау къулакъ эл бузар.
- Кеси юйюмде мен да ханма.
- Чакъырылмагъан къонакъ – орунсуз.
- Сабий болмагъан джерде, мёлек болмаз.
- Игилик игилик бла сингдирилиучю затды.
- Кечеси – аяз, кюню – къыш, джарлы къаргъагъа бир аш тюш!
- Кёлсюзден сёзсюз тууар.
- Сормай – алма, чакъырылмай – барма.
- Окъумагъан сокъурду, сокъур ташха абыныр!
- Чомарт бергенин айтмаз.
- Джан саулукъ бермей, сан саулукъ бермезсе.
- Джиби бир къат джетмей эди да, эки къат тарта эди.
- Ишни ахырын ойламай, аллын башлама.
- Тил джюрекге джол ишлейди.
- Джашны джигитлиги сорулур, къызны джигерлиги сорулур.
- Игини сыйлагъан адетди.
- Айтхан сёзюне табылгъан.
- Юйюнгден чыкъдынг – кюнюнгден чыкъдынг.
- Тойгъанлыкъ къойгъа джарашады.
- Адамны аманы адамны бети бла ойнар.
- Аллахха ийнаннган кишини, Аллах онгдурур ишин.
- Башы ишлегенни, ауузу да ишлер.
- Дженгил джетерикме деб, узун джолну къоюб, къысхасын барма.
- Кёзню ачылгъаны – иги, ауузну джабылгъаны – иги.
- Къатыны харакетли болса, эри къымсыз болур.
9 мая 2020
|
какие планы на этот день?
|
|
|
|
|
Лучше орел в небе, чем попугай под каблуком!
|
|||
|
|
|
Читают тему (гостей: 1)