- Эр сокъур болсун, къатын тилсиз болсун.
- Сагъыш – къартлыкъгъа сюйюмчю.
- Ётюрюкчюню шагъаты – къатында.
- Къызгъанчдан ычхыныр, мухардан ычхынмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Телини эшигин, махтау джабар.
- Къызын тута билмеген, тул этер, джашын тута билмеген, къул этер.
- Магъанасыз сёз – тауушсуз сыбызгъы.
- Билмейме деген – бир сёз
- Къыз чыгъаргъан – къызыл къымжа.
- Нафысынгы айтханын этме, намысынгы айтханын эт.
- Ишге юренсин къоллары, халкъ бла болсун джоллары.
- Азыгъы аз, алгъа къабар, аты аман, алгъа чабар.
- Бермеген къол, алмайды.
- Джашлыкъ этмеген, башлыкъ этмез.
- Татлы сёз – балдан татлы.
- Акъыл аздырмаз, билим тоздурмаз.
- Кенгеш болса, уруш болмаз.
- Джаз бир кюнню джатсанг, къыш талай кюнню абынырса.
- Ойнай билмеген, оюн бузар.
- Ёмюрлюк шохлукъну джел элтмез.
- Къонакъ болсанг, ийнакъ бол.
- Мал ёлсе, сюек къалыр, адам ёлсе, иши къалыр.
- Сескекли кесин билдирир.
- Адам туугъан джеринде, ит тойгъан джеринде.
- Ёксюзню тилеги къабыл болур.
- Ишин билген, аны сыйын чыгъарады.
- Тили узунну, намысы – къысха.
- Бир абыннган – минг сюрюнюр.
- Бойнуму джети джерден кессенг да, мен ол ишни этеллик тюлме.
- Тойгъа алгъа да барма, тойда артха да къалма.
- Булут кёкге джарашыу, уят бетге джарашыу.
- Этим кетсе да, сюегим къалыр.
- Эки элинги тыйсанг, джети элде махталырса.
- Ауузу аманнга «иги», деме.
- Кёб къычыргъандан – къоркъма, тынч олтургъандан – къоркъ.
- Аманны къуугъан, аманлыкъ табар.
- Къазанда болса, чолпугъа чыгъар.
- Тойгъандан сора, ашны сёкме.
- Туз, гырджын аша, тюзлюк бла джаша.
- Ишленмеген джаш – джюгенсиз ат, ишленмеген къыз – тузсуз хант.
- Джаханимни кёрмей, джандетге кёл салмазса.
- Джарлы джети элни сёзюн этер.
- Кеси юйюмде мен да ханма.
- Кесинге джетмегенни, кёб сёлешме.
- Тилчи тилден къаныкъмаз.
- Рысхы джалгъанды: келген да этер, кетген да этер.
- Ишни ахырын ойламай, аллын башлама.
- Дуния малгъа сатылма, кесингден телиге къатылма.
- Ханнга да келеди хариблик.
9 мая 2020
|
какие планы на этот день?
|
|
|
|
|
Лучше орел в небе, чем попугай под каблуком!
|
|||
|
|
|
Читают тему (гостей: 1)