- Чалманны аллы къалай башланса, арты да алай барады.
- Къонакъ аз олтурур, кёб сынар.
- Aдам боллукъ, сыфатындан белгили.
- Намыс болмагъан джерде, насыб болмаз.
- Рысхы – сют юсюнде кёмюк кибикди.
- Ашаса, ашамаса да, бёрюню ауузу – къан.
- Къызны минг тилер, бир алыр.
- Чомарт къонакъ юй иесин сыйлар.
- Аджалсыз ёлюм болмаз.
- Иесиз малны бёрю ашар.
- Сёз садакъдан кючлюдю.
- Джылкъыдан – ат чыгъар, тукъумдан – джаш чыгъар.
- Баш – акъыл ючюн, акъылман – халкъ ючюн.
- Къуллукъчума, деб махтанма, къуллукъ – хаух джамчыды!
- Ариу – кёзге, акъыл – джюрекге.
- Намысы болмагъанны, сыйы болмаз.
- Байма, деб да, къууанма, джарлыма, деб да, джылама.
- Къралынгы – душмандан, башынгы от бла суудан сакъла.
- Дуния мал дунияда къалады.
- Гугук кесини атын айтыб къычыргъанча, мен, мен деб нек тураса?
- Адам сёзге тынгыла, акъыл сёзню ангыла.
- Эртде тургъан джылкъычыны эркек аты тай табар.
- Ат басханны джер билед.
- Аманнга да, игиге да оноусуз къатышма.
- Ышармагъан – кюлмез, кюлмеген – къууанчны билмез.
- Джашлыкъ этмеген, башлыкъ этмез.
- Магъанасыз сёз – тауушсуз сыбызгъы.
- Таукел адам тау тешер.
- Иги сеники эсе да, сюйген кесимикин этеме.
- Адамны джюреги нени кёрюрге сюйсе, кёзю да аны кёрюрге ёч болады.
- Аман адамны тепсинге олтуртсанг, къызынгы тилер.
- Ач да бол, токъ да бол – намысынга бек бол.
- Тас болгъан бычакъны сабы – алтын.
- Эл элде бирер малынг болгъандан эсе, бирер тенгинг болсун.
- Аман адам элни бир-бирине джау этер.
- Эм ашхы къайын ана мамукъ бла башынгы тешер.
- Къолу уллу – асыу, аягъы уллу – джарсыу.
- Аманнга алтын чыдамаз.
- Ёзденликни кёбю ётюрюк.
- Къазанны башы ачыкъ болса, итге уят керекди.
- Айран тёгюлсе, джугъусу къалыр.
- Зар адам ашынгы ашар, кесинги сатар.
- Тилчи бир сагъатха айлыкъ хата этер.
- Джарлы джети элни сёзюн этер.
- Чакъырылмагъан къонакъ къачан кетерин сормаз.
- Къыйынлы джети элни къайгъысын этер.
- Кесине оноу эте билмеген, халкъына да эте билмез.
- Аджал соруб келмез, келсе, къайтыб кетмез.
- Биреуге аманлыкъ этиб, кесинге игилик табмазса.
- Кёзню ачылгъаны – иги, ауузну джабылгъаны – иги.
9 мая 2020
|
какие планы на этот день?
|
|
|
|
|
Лучше орел в небе, чем попугай под каблуком!
|
|||
|
|
|
Читают тему (гостей: 1)