- Къолу уллу – асыу, аягъы уллу – джарсыу.
- Накъырданы арты керти болур.
- Ариу сёз – джаннга азыкъ, аман сёз – башха къазыкъ.
- Сютню башын джалагъан къутулур, тюбюн ичген тутулур.
- Чабакъсыз кёлге къармакъ салгъанлыкъгъа, чабакъ тутмазса.
- Ана къолу ачытмаз.
- Мал тутхан – май джалар.
- Кюл тюбюндеги от кёрюнмейди.
- Уллу къазанда бишген эт, чий къалмаз.
- Айтылгъан буйрукъ, сёгюлмез
- Ашлыкъ – бюртюкден, джюн – тюкден.
- Ашхы – джыяр, аман – джояр.
- Сёз сёзню айтдырыр.
- Туз, гырджын аша, тюзлюк бла джаша.
- Эрине къаргъыш этген къатын, эрнин къабар.
- Аурууну келиую тынч, кетиую – къыйын.
- Эллинг бла джау болсанг да, юйюнг бла джау болма.
- Окъумагъан сокъурду, сокъур ташха абыныр!
- Къарын къуру болса, джюрек уру болур.
- Хаухну атма, ёнгкючню сатма.
- Юйюнг бла джау болгъандан эсе, элинг бла джау бол.
- Иги сеники эсе да, сюйген кесимикин этеме.
- Агъач халкъгъа алтынды, иссиликге салкъынды.
- Намысы болмагъанны, сыйы болмаз.
- Бал – татлы, балдан да бала – татлы.
- Ётюрюкню къуйругъу – бир тутум.
- Урунуу – насыбны анасы.
- Ач, тоймам, дейди, тойгъан, ач болмам, дейди.
- Сагъышы джокъ – джукъучу, акъылы джокъ – къаугъачы.
- Тойгъан джерден туугъан джер игиди.
- Аман киши кеси юйюнде – къонакъ.
- Джангыз торгъай джырламаз.
- Баш – акъыл ючюн, акъылман – халкъ ючюн.
- Ургъан суудан башынгы сакъла.
- Тилчиден кери бол.
- Башсыз урчукъ тюзюне айланмаз.
- Аджашхан тёгерек айланыр.
- Ачны эсинде – аш.
- Эшекге миннген – биринчи айыб, андан джыгъылгъан – экинчи айыб.
- Сабийликде юретмесенг, уллу болса – тюзелмез.
- Аманнга да, игиге да оноусуз къатышма.
- Ашыкъгъанны этеги бутуна чырмалыр.
- Джиби бир къат джетмей эди да, эки къат тарта эди.
- Уллу атлама – абынырса, уллу къабма – къарылырса.
- Байма, деб да, къууанма, джарлыма, деб да, джылама.
- Артына баргъанны, къатына барма.
- Тамчы таш тешер.
- Билеги кючлю, бирни джыгъар, билими кючлю, мингни джыгъар.
- Терслик кетер, тюзлюк джетер.
- Къоркъакъны кёзю экили кёрюр.
9 мая 2020
|
какие планы на этот день?
|
|
|
|
|
Лучше орел в небе, чем попугай под каблуком!
|
|||
|
|
|
Читают тему (гостей: 1)