Войти на сайт
30 Июня 2026 года

 

  • Иесиз малны бёрю ашар.
  • Окъуусуз билим – джокъ, билимсиз кюнюнг – джокъ.
  • Уруну арты – къуру.
  • Аман адам этегингден тутса, кес да къач.
  • Байны оноуу, джарлыгъа джарамаз.
  • Къумурсхала джыйылсала, пилни да джыгъадыла.
  • Къарнынг къанлынга кийирир.
  • Алгъанда – джууукъ, бергенде – джау.
  • Игилик игилик бла сингдирилиучю затды.
  • Джаным-тиним – окъуу, билим.
  • Джан саулукъ бермей, сан саулукъ бермезсе.
  • Адеб джокъда, намыс джокъ.
  • Таякъ этден ётер, тил сюекден ётер.
  • Ачыу алгъа келсе, акъыл артха къалады.
  • Бал ашаргъа сюе эсенг, чибин ургъаннга тёз.
  • Термилгенинги табмазса, кюлгенинге тюберсе.
  • Кёл ашады да, кеси ашады.
  • Ётюрюк хапар аякъ тюбю бла джюрюйдю.
  • Суу да къайтады чыкъгъан джерине.
  • Шапа кёб болса, аш татымсыз болур.
  • Къарнынг бла ёч алма.
  • Нафысынгы айтханын этме, намысынгы айтханын эт.
  • Алма терегинден кери кетмез.
  • Джарлы эскисин джамаса, къууаныр.
  • Татлы сёз – балдан татлы.
  • Ишни ахырын ойламай, аллын башлама.
  • Арпа, будай – ащды, алтын, кюмюш а – ташды.
  • Биреуню тёрюнден, кесинги эшик артынг игиди.
  • Къуллукъчума, деб махтанма, къуллукъ – хаух джамчыды!
  • Джолда аягъынга сакъ бол, ушакъда тилинге сакъ бол.
  • Тюкюрюк баш джармаз, налат кёз чыгъармаз!
  • Орундукъ тюбюнде атылсам да, орта джиликме, де да айлан.
  • Эл тойса, тоймагъан, эл къойса, къоймагъан.
  • Ишни аллы бла къууанма да, арты бла къууан.
  • Киштикге къанат битсе, чыпчыкъ къалмаз эди.
  • Кюн кёрмеген, кюн кёрсе, кюндюз чыракъ джандырыр.
  • Эте билген, этген этеди, эте билмеген, юретген этеди!
  • Джылар джаш, атасыны сакъалы бла ойнар.
  • Юйюнгден чыкъдынг – кюнюнгден чыкъдынг.
  • Акъылсызны джууукъгъа алма, акъыллыны кенгнге салма.
  • Тыш элде солтан болгъандан эсе, кесинги элде олтан болгъан игиди!
  • Билмегенинги, билгеннге сор.
  • Хар зат кесини орнуна иги.
  • Аман хансны – урлугъу кёб.
  • Башсыз урчукъ тюзюне айланмаз.
  • Сангырау къулакъ эл бузар.
  • Таугъа чыгъаллыкъ эсенг, тюзде къалма.
  • Ашарыкъда сайлагъаннга – чий гырджын.
  • Джиби бир къат джетмей эди да, эки къат тарта эди.
  • Къыз келсе, джумуш эте келеди, къатын келсе, ушакъ эте келеди.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 37 38 39 40 41 ... 62 След.
RSS
Келигиз, тил байлыгъыбызны сакълайыкъ!
 
#951
Джаратама0
28.06.2008 02:01:27
Девушка Гор
кызчык аперим санга. Былай аруу сагыш етген кызчыкларыбызга бек кууанама. Аллах муратынгча етсин.
 
 
 
#952
Джаратама0
28.06.2008 12:20:12
Кергелен
саулугъу болгъан адамлагъа ол
бек къыйын тиеди джумушу, оноуу къолундан кетсе.
Джумушну билмейме, оноу а ата-ана саулукъдан сабийне нек джетеди Кеслери башха джерде джашасала-хайда этсинле башларына оноу, алай а былай этсек къалай болур-деб алагъа да оноу соруб, ол заманда келлери хош боллукъду.Ала не аитсала, анга сыйыныб-бойсунуб джашаргъа керекдиле.Ансы ала ичлеринден къыйналыб турлукъдула-бери тышына билдирмеселе да, сора башланады джюрек ауруб, давлениелери кёлтюрюлюб, нербинчаит этселе.
 
 
 
#953
Джаратама0
28.06.2008 15:29:23
всезнайка

Салам Къызла!

ДЖаныгъзгъа болаим, хайда этигиз бири-биригизге оноу, керюгюз бири-бири сыйыгъызны, сабийле да керсюнле сыйларын къартланы.
Саугъа беригиз, этген шхууругъздан элтиб къабдырыгъз, АЛЛАХ-АЛЛАх. Ала керекли оноугъа тыннъылагъыз.
Джашайну кересиз , 10-дж. ичине мобильный--интернет болуб къалгъанын. Бизни оноубуз хар неге да алай келишиб къалмаз.

Джангъы къуралгъан юйдеги, бир мадар бар эсе башха джашаргъа
керекди.
 
 
 
#954
Джаратама0
28.06.2008 16:30:04
Asya
 
 
 
#955
Джаратама0
28.06.2008 20:17:56
Салам барыгъызгъада! Мен да окъусам ол хапарны сизни ушагъыгъызгъа къошуллукъ болур эдим! Киши бермейди китаб ансын
Кергелен
Джангъы къуралгъан юйдеги, бир мадар бар эсе башха джашаргъа
керекди.
Аны уа тюз айтасыз!
 
 
 
#956
Джаратама0
28.06.2008 20:25:34
Бир болушсагъыз а - снежный барсха къарачайча къалай айьадыла? бир кёб излегенме. Барсха бир-бир джерледе къаплан дейдиле. Ол тигр тюлмюдю да Сакълайма.....
 
 
 
#957
Джаратама0
28.06.2008 20:32:20
Акъыллычыкъ

Билмеиме, ансы аитырыкъ эдим, чесна чесна чесна славарларым да джокъду мында
 
 
 
#958
Джаратама0
28.06.2008 20:33:35
всезнайка
Киши да билмейди, нек болгъанды экен алай? Кимден сорургъа боллукъду
 
 
 
#959
Джаратама0
28.06.2008 20:35:31
Акъыллычыкъ
Иминна бу сезмю керекди. Эльбрусоидни сезлюгюнде да къаблан деб чыгъады, ол тигр ушоиду да, сен аитханлай, бекми керекди?
 
 
 
#960
Джаратама0
28.06.2008 20:38:14
всезнайка
бекми керекди?
Тюзюн айтсам, меннге да соргъан этгендиле. Билмегениме ачыуланнганмада, аны ючюн джазгъан эдим. Билирге сюе эдим. Эндиги джол сорсала уялмай айтырча!
 
 
 
#961
Джаратама0
28.06.2008 20:46:31
Карачаевскидемисе, Черкеcскдемисе огъесе башха шахардамыса
 
 
 
#962
Джаратама0
28.06.2008 20:52:32
всезнайка
Карачаевскийденме!
 
 
 
#963
Джаратама0
29.06.2008 12:29:37
Эртденигиз къуанчлы болсун ДЖердешлерим.!!!

Акъыллычыкъ, мен сеннъе бусагъат дунияны джаныууарын джазаим,
Къызчыкъ.
 
 
 
#964
Джаратама0
29.06.2008 12:33:40
Кергелен
Эртденигиз къуанчлы болсун ДЖердешлерим.!!!

Ашхылыкъ керюгюз! Ашхылыкълагъа джолугъугъуз!
Не чыкъсада, сизден чыгъарыкъды
Болушугъуз Акъыллычыкъгъа
 
 
 
#965
Джаратама0
29.06.2008 12:42:27
КИШТИК МАТАЛЛЫЛА.

АСЛАН---лев

АКЪ БАРС--- ирбис---снежный барс.

АЛА БАРС---гепард.

Барс--леопард.

БАБЫР---уссурийский тигр.

БУРГЪУТ КИШТИК---степной кот.

ГЫРНАУ КИШТИК--сиамский кот.

ДЖАЗ КИШТИК--лесной кот.

ДЖЫЙЫ БАРС---виверка, циветта.

ДЖОЛБАРС--ягуар.

КЪАПЛАН---тигр.

КЪАРАБАРС---пантера.

КЪУМУКЪ КИШТИК--манул.

САРЫ БАРС---пума.

СЮЛЕУСЮН---рысь.

СУУ КИШТИК---выдра.

ТАУ АСЛАН---горный лев.

ТЕНГИЗ КИШТИК--морской котик.

ЭРМЕН КИШТИК---хорек.
 
 
 
#966
Джаратама0
29.06.2008 13:21:58
Адамла, Байрамукъланы Халиматны "ДЖокъдан бар болуб къалсам
бир кенде..."---деген китабын алгъанла , шо бир окъугъуз эринмей.
Эртденли окъугъанма , "Гылджа" деген хапарны. Тамаша.

Эм алгъа прозасын окъугъуз. Ммммм---БАЛ-ТУЗ---ДАРМАН---
 
 
 
#967
Джаратама0
30.06.2008 21:09:13
АНА ТИЛИМ.

Джау джагъылгъанча,джумушакъ тилим,
Туугъан кюнюмде туугъанса менге,
Сени юсюнг бла
дюн-дунияны
Сюйгенме,санайма халкъыма тенге.

Сенден уллу да болурла тилле,
Сау адам улу орналгъан ДЖерде,
"Анам" деб мен а,ауузуму джарыб,
Биринчи кере айтханма сенде.

Аны ючюндю ачыу болгъаны
Къарачайлы сени къыйдырса,
Бир киши тилде селешген кибик,
Тили белдюргю эте чайнаса.

Мынга джюрегим инджий, къыйнала,
Кеб зат келеди мени келюме:
Къаллай сыфатда джетер экен деб,
Ана тилибиз келлик телюге.

Тюгю, джамы да тюшюбмю джетер,
Татыуу кетиб ма бюгюнлюкден,
Келюн чыгъарыб къоярмы экен
Келлик телюню Ана тилинден?

Биз джууаблыбыз аны аллында,
Борч салынады хар бирибизге:
Тилни таркъайтмай тузу ,дамы бла
Джетдирир ючюн келлик телюге.

Канатлары да кючлюден кючлю
Бола шахарда, элде да бирден,
Къарнашы бла--орус тил бла
Джашаб турурлай этерге, тенгден

Байрамукъланы Халимат.
 
 
 
#968
Джаратама0
30.06.2008 21:10:15
Кергелен
 
 
 
#969
Джаратама0
30.06.2008 21:19:27
Переводчик
Салам!
Къызчыкъ, бир иги окъу. НЕ къошаргъа боллукъду ма бу керти сезлеге.
 
 
 
#970
Джаратама0
30.06.2008 21:31:41
Бир аламат зат окъудум:
Джол къоюу
Бири ёргеден, бири энгишгеден келген эки адам джолда тюбеселе, гитче уллугъа джол къоюб озады. Алай демеклик, уллуну юсю бла уруб ётюб кетмей, бир джаякълайды. Уруб, сансыз этиб кетген, ишленмегеннге саналады.
Бюгюнлюкде ол адет къалгъанды!
 
 
 
#971
Джаратама0
30.06.2008 22:03:38
Девушка Гор

Нек къалады, Къызчыкъ, ол бизни емюрледен келген ишленмеклигибизди!!!
Аллай адетлерибиз да къала тебреселе , бизни киши истерик тюлдю.
Бек къаты бол джюрюген джерде,билмегенлеге юрет, ДЖаным.!
 
 
 
#972
Джаратама0
01.07.2008 18:14:31
Кергелен
Къалгъанды дегеним, джаш адамланы кёбюсю ол адетни билген да этмейдиле!
АДАМНЫ ЭСЛЕУ
Бир-бирин эслеу къарачайлыны баш шартларыны бириди. Бу затны джашауда кёб джерде кёрюрге боллукъду: джангыз адамгъа, ауругъаннга къайгъырыуда, джунчуугъа тюшген адамгъа болушууда, сабийге кёз-къулакъ болууда.
Къысхача айтыргъа, къууанч-бушуу кюнюнде да адамла, адамны атыб къоймай, биргесинде боладыла.
Бир-бирлерин уллу, гитче затда да эслейдиле. Сёз ючюн, сенден уллу къолунда джюгю бла бара эсе, сен аны алыб, не юйюне дери (юйю сени джолунгда эсе), неда биразны элтирге керексе. Машинанг бла бара эсенг а, аны сёзю джокъду.
Джазда, къачда бачхалада иш этилген заманда этерге къолундан келме-ген адамныкъына, урлукъну алгъын атыб, неда къазыб, артдан кеслерини-кин тындырадыла.
Хоншу хоншугъа алай бош кирди эсе, юйде хазыр зат бла аны ауузлан-дырмай иймейдиле: сени босагъангдан атлагъан туздамынгдан тилине тийириб чыгъаргъа керекди. Иш этиб, анга ушхууур биширмеселе да, чёмюч айранны узатмай къоярыкъ тюлдюле.
Джаш тиширыу Къобандан суу алыб келе, суугъа баргьан кесинден тамада тиширыу аллына тюбесе, челеклеринде сууну аныкъылагъа къотарыб, кеси ызына къайытады.
 
 
 
#973
Джаратама0
01.07.2008 21:30:26
САЛАМ БАГЪАЛЫ ДЖЕРДЕШЛЕРИМ.!!!

Девушка Гор
Къызчыкъ, Джанынъа болаим, сен тамам керекли затланы черкитесе.
Сиз джаш адамла бу затланы билмейдиле дейсе.Ол деген не хапарды?!

Юйдегиледе къарт атала- анала къайдадыла? Не уа къарачай школлада устазла къарачайлыла тюйюлмюдюле? Сен мени къоркъутхан этесе аллай затланы айтыб.
Да неге юретедиле?

Ма бу хапарланы окъугъанымда , гитчелигим бла джаш заманым кезюме тюненеча керюнедиле.
Мен аллай орамда есгенме, хоншуланы артыкъсызда къартланы ,джаннъызланы, ексюзлени ишлери тынмай кеслерини бачхаларына, чалкъыларына къарамай эдиле.
Къартларыбызны уа алай сюе эдик бюгюн --бюгечеда бир джерде
джыйылсакъ аузубуздан тюшюрмейбиз.
Джетген джашла сабийлени орамда джыйыб картха тюшюрюб,
бизге ойнаргъа нипельный волейбол тобла алыб,школгъа бизни сакълаб автобусларына миндириб джетдириб.
Мен гитче сагъатда хар юйню аллында сууколонка джокъ эди.
Машинада ишлеген хоншу джаш кеб кюнню келтириб суу чачыб,бойнубузну суу агъачдан солутханды.
Чалкъыны заманында эркишиле чалкъыгъа чыкъсала, биз сабиле
аланы тышырыулрына негерге сау джайны кезюу-кезюу джюрюй эдик.
Мен кесими таныб емюрде джюгю болгъан адамны джолда къойуб
кетмегенме--суу челекле болсунла,сют челек болсун.
Чаганы уа, чаганы къаллай бир этгеними учу къыйыры да джокъду.
ДЖандетли болсунла ,АЛЛАХ бла адам бла да разыма. Кеб ариу сезлерин эшитгенме, кеб алгъышларын.!
ЭЙ, билмейсиз! Ол джюрекге къаллай байлыкъды.
Бек кеб ариу юлгю кергенме, мен да аланы къарыума, болумума кере
джашаумда этерге, кергюзтюрге кюрешеме.
 
 
 
#974
Джаратама0
01.07.2008 21:50:03
Биз гитче заманда, къара сууну къатында къырдышда оинаучан эдик. Ол тегерекде джашагъан къарт аммаланы суугъа келе тургъанларын керсек- чабыб бара эдик да, аланы челеклерине суу алыб, юилерине дери элтиб келе эдик.
Не уа орамны башырагъында джашагъанла бизге дери келе эдиле да-тюкеннге етмек алыргъа бизни ийе эдиле.Эсимдеди, бир кере негерчигим бла мен 12 етмекни кючден алыб келгенибиз.
 
 
 
#975
Джаратама0
01.07.2008 21:53:21
всезнайка
ДА Къызчыкъ, аны ючюн болгъанса настоящий Къарачай Къыз.
 
 
 
Страницы: Пред. 1 ... 37 38 39 40 41 ... 62 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.