Эльбрусоид :: Форум :: Келигиз, тил байлыгъыбызны сакълайыкъ!

Арыгъан къош чамчы болур.
Ауузу аманнга «иги», деме.
Къызны минг тилер, бир алыр.
Джашлыкъ этмеген, башлыкъ этмез.
Арпа, будай – ащды, алтын, кюмюш а – ташды.
Тау башында, тау болмаз, джангыз терек, бау болмаз.
Тамбла алтындан бюгюн багъыр ашхы.
Кёзден кетген, кёлден да кетеди.
Ёксюзню къалачы уллу кёрюнюр.
Адам бла мюлк юлешмеген эсенг, ол адамны билиб бошагъанма, деб кесинги алдама.
Джарлы тюеге минсе да, ит къабар.
Ач келгенни – тойдур, кеч келгенни – къондур.
Къонакъ хазыр болгъанлыкъгъа, къонакъбай хазыр тюлдю.
Алтыннга тот къонмаз.
Биреуню къыйынлыгъы бла кесинге джол ишлеме.
Окъуу – билимни ачхычы, окъуу – дунияны бачхычы.
Къартха ушагъан джаш – акъыллы, джашха ушагъан къарт – тели.
Адебни адебсизден юрен.
Къарт бла баш аша, джаш бла аякъ аша.
Кийимни бир кюнню аясанг, минг кюннге джарар.
Тил – миллетни джаны.
Сакъламагъан затынга джолукъсанг, не бек къууанаса, не бек ачыйса.
Эл элде бирер малынг болгъандан эсе, бирер тенгинг болсун.
Билим насыб берир, билим джолну керир.
Адамны аманы адамны бети бла ойнар.
Тура эдим джата, къайдан чыкъды хата?
Хоншуну тауугъу къаз кёрюнюр, келини къыз кёрюнюр.
Джумушакъ терекни къурт ашар.
Бёрю да ач къалмасын, эчки да ашалмасын.
Биреуню эскиси биреуге джангы болмайды.
Бети бедерден, намыс сакълама.
Эртде тургъан бла эртде юйленнген сокъуранмаз.
Узун джолну барсанг, бюгюн келирсе, къысха джолну барсанг, тамбла келирсе.
Аман адамны тепсинге олтуртсанг, къызынгы тилер.
Ётюрюкню къуйругъу – бир тутум.
Чёбню кёлтюрсенг, тюбюнден сёз чыгъар.
Чоюнну башы ачыкъ болса, итге уят керекди.
Тамырсыз терекге таянма – джыгъылырса.
Нарт сёз къарт болмаз.
Урама да – ёледи, сатама да – келеди.
Къая джолда джортма, ачыкъ сёзден къоркъма.
Башынга джетмегенни сорма.
Адамны сабийин сюйген джюреги, бычакъча, джитиди.
Баргъанынга кёре болур келгенинг.
Джетген къыз джерли эшекни танымаз.
Тели турса – той бузар.
Ач къалгъандан, кеч къалгъан къолай.
Ачны эсинде – аш.
Таукел адам тау тешер.
Аш хазыр болса, иш харам болур.

RSS

Келигиз, тил байлыгъыбызны сакълайыкъ!

Asya Гость	#951 Джаратама0 28.06.2008 02:01:27 Девушка Гор кызчык аперим санга. Былай аруу сагыш етген кызчыкларыбызга бек кууанама. Аллах муратынгча етсин.

всезнайка

Гость

#952

Джаратама0

28.06.2008 12:20:12

Кергелен
саулугъу болгъан адамлагъа ол
бек къыйын тиеди джумушу, оноуу къолундан кетсе.
Джумушну билмейме, оноу а ата-ана саулукъдан сабийне нек джетеди

Кеслери башха джерде джашасала-хайда этсинле башларына оноу, алай а былай этсек къалай болур-деб алагъа да оноу соруб, ол заманда келлери хош боллукъду.Ала не аитсала, анга сыйыныб-бойсунуб джашаргъа керекдиле.Ансы ала ичлеринден къыйналыб турлукъдула-бери тышына билдирмеселе да, сора башланады джюрек ауруб, давлениелери кёлтюрюлюб, нербинчаит этселе.

Кергелен

Гость

#953

Джаратама0

28.06.2008 15:29:23

всезнайка

Салам Къызла!

ДЖаныгъзгъа болаим, хайда этигиз бири-биригизге оноу, керюгюз бири-бири сыйыгъызны, сабийле да керсюнле сыйларын къартланы.
Саугъа беригиз, этген шхууругъздан элтиб къабдырыгъз, АЛЛАХ-АЛЛАх. Ала керекли оноугъа тыннъылагъыз.
Джашайну кересиз , 10-дж. ичине мобильный--интернет болуб къалгъанын. Бизни оноубуз хар неге да алай келишиб къалмаз.

Джангъы къуралгъан юйдеги, бир мадар бар эсе башха джашаргъа
керекди.

Девушка Гор Гость	#954 Джаратама0 28.06.2008 16:30:04 Asya

Акъыллычыкъ

Гость

#955

Джаратама0

28.06.2008 20:17:56

Салам барыгъызгъада!

Мен да окъусам ол хапарны сизни ушагъыгъызгъа къошуллукъ болур эдим!

Киши бермейди китаб ансын

Кергелен
Джангъы къуралгъан юйдеги, бир мадар бар эсе башха джашаргъа
керекди.
Аны уа тюз айтасыз!

Акъыллычыкъ Гость	#956 Джаратама0 28.06.2008 20:25:34 Бир болушсагъыз а - снежный барсха къарачайча къалай айьадыла? бир кёб излегенме. Барсха бир-бир джерледе къаплан дейдиле. Ол тигр тюлмюдю да Сакълайма.....

всезнайка Гость	#957 Джаратама0 28.06.2008 20:32:20 Акъыллычыкъ Билмеиме, ансы аитырыкъ эдим, чесна чесна чесна славарларым да джокъду мында

Акъыллычыкъ Гость	#958 Джаратама0 28.06.2008 20:33:35 всезнайка Киши да билмейди, нек болгъанды экен алай? Кимден сорургъа боллукъду

всезнайка Гость	#959 Джаратама0 28.06.2008 20:35:31 Акъыллычыкъ Иминна бу сезмю керекди. Эльбрусоидни сезлюгюнде да къаблан деб чыгъады, ол тигр ушоиду да, сен аитханлай, бекми керекди?

Акъыллычыкъ Гость	#960 Джаратама0 28.06.2008 20:38:14 всезнайка бекми керекди? Тюзюн айтсам, меннге да соргъан этгендиле. Билмегениме ачыуланнганмада, аны ючюн джазгъан эдим. Билирге сюе эдим. Эндиги джол сорсала уялмай айтырча!

всезнайка Гость	#961 Джаратама0 28.06.2008 20:46:31 Карачаевскидемисе, Черкеcскдемисе огъесе башха шахардамыса

Акъыллычыкъ Гость	#962 Джаратама0 28.06.2008 20:52:32 всезнайка Карачаевскийденме!

Кергелен Гость	#963 Джаратама0 29.06.2008 12:29:37 Эртденигиз къуанчлы болсун ДЖердешлерим.!!! Акъыллычыкъ, мен сеннъе бусагъат дунияны джаныууарын джазаим, Къызчыкъ.

всезнайка Гость	#964 Джаратама0 29.06.2008 12:33:40 Кергелен Эртденигиз къуанчлы болсун ДЖердешлерим.!!! Ашхылыкъ керюгюз! Ашхылыкълагъа джолугъугъуз! Не чыкъсада, сизден чыгъарыкъды Болушугъуз Акъыллычыкъгъа

Кергелен

Гость

#965

Джаратама0

29.06.2008 12:42:27

КИШТИК МАТАЛЛЫЛА.

АСЛАН---лев

АКЪ БАРС--- ирбис---снежный барс.

АЛА БАРС---гепард.

Барс--леопард.

БАБЫР---уссурийский тигр.

БУРГЪУТ КИШТИК---степной кот.

ГЫРНАУ КИШТИК--сиамский кот.

ДЖАЗ КИШТИК--лесной кот.

ДЖЫЙЫ БАРС---виверка, циветта.

ДЖОЛБАРС--ягуар.

КЪАПЛАН---тигр.

КЪАРАБАРС---пантера.

КЪУМУКЪ КИШТИК--манул.

САРЫ БАРС---пума.

СЮЛЕУСЮН---рысь.

СУУ КИШТИК---выдра.

ТАУ АСЛАН---горный лев.

ТЕНГИЗ КИШТИК--морской котик.

ЭРМЕН КИШТИК---хорек.

Кергелен

Гость

#966

Джаратама0

29.06.2008 13:21:58

Адамла, Байрамукъланы Халиматны "ДЖокъдан бар болуб къалсам
бир кенде..."---деген китабын алгъанла , шо бир окъугъуз эринмей.
Эртденли окъугъанма , "Гылджа" деген хапарны. Тамаша.

Эм алгъа прозасын окъугъуз. Ммммм---БАЛ-ТУЗ---ДАРМАН---

Кергелен

Гость

#967

Джаратама0

30.06.2008 21:09:13

АНА ТИЛИМ.

Джау джагъылгъанча,джумушакъ тилим,
Туугъан кюнюмде туугъанса менге,
Сени юсюнг бла
дюн-дунияны
Сюйгенме,санайма халкъыма тенге.

Сенден уллу да болурла тилле,
Сау адам улу орналгъан ДЖерде,
"Анам" деб мен а,ауузуму джарыб,
Биринчи кере айтханма сенде.

Аны ючюндю ачыу болгъаны
Къарачайлы сени къыйдырса,
Бир киши тилде селешген кибик,
Тили белдюргю эте чайнаса.

Мынга джюрегим инджий, къыйнала,
Кеб зат келеди мени келюме:
Къаллай сыфатда джетер экен деб,
Ана тилибиз келлик телюге.

Тюгю, джамы да тюшюбмю джетер,
Татыуу кетиб ма бюгюнлюкден,
Келюн чыгъарыб къоярмы экен
Келлик телюню Ана тилинден?

Биз джууаблыбыз аны аллында,
Борч салынады хар бирибизге:
Тилни таркъайтмай тузу ,дамы бла
Джетдирир ючюн келлик телюге.

Канатлары да кючлюден кючлю
Бола шахарда, элде да бирден,
Къарнашы бла--орус тил бла
Джашаб турурлай этерге, тенгден

Байрамукъланы Халимат.

Переводчик Гость	#968 Джаратама0 30.06.2008 21:10:15 Кергелен

Кергелен Гость	#969 Джаратама0 30.06.2008 21:19:27 Переводчик Салам! Къызчыкъ, бир иги окъу. НЕ къошаргъа боллукъду ма бу керти сезлеге.

Девушка Гор

Гость

#970

Джаратама0

30.06.2008 21:31:41

Бир аламат зат окъудум:
Джол къоюу
Бири ёргеден, бири энгишгеден келген эки адам джолда тюбеселе, гитче уллугъа джол къоюб озады. Алай демеклик, уллуну юсю бла уруб ётюб кетмей, бир джаякълайды. Уруб, сансыз этиб кетген, ишленмегеннге саналады.

Бюгюнлюкде ол адет къалгъанды!

Кергелен

Гость

#971

Джаратама0

30.06.2008 22:03:38

Девушка Гор

Нек къалады, Къызчыкъ, ол бизни емюрледен келген ишленмеклигибизди!!!
Аллай адетлерибиз да къала тебреселе , бизни киши истерик тюлдю.
Бек къаты бол джюрюген джерде,билмегенлеге юрет, ДЖаным.!

Девушка Гор

Гость

#972

Джаратама0

01.07.2008 18:14:31

Кергелен
Къалгъанды дегеним, джаш адамланы кёбюсю ол адетни билген да этмейдиле!

АДАМНЫ ЭСЛЕУ
Бир-бирин эслеу къарачайлыны баш шартларыны бириди. Бу затны джашауда кёб джерде кёрюрге боллукъду: джангыз адамгъа, ауругъаннга къайгъырыуда, джунчуугъа тюшген адамгъа болушууда, сабийге кёз-къулакъ болууда.
Къысхача айтыргъа, къууанч-бушуу кюнюнде да адамла, адамны атыб къоймай, биргесинде боладыла.
Бир-бирлерин уллу, гитче затда да эслейдиле. Сёз ючюн, сенден уллу къолунда джюгю бла бара эсе, сен аны алыб, не юйюне дери (юйю сени джолунгда эсе), неда биразны элтирге керексе. Машинанг бла бара эсенг а, аны сёзю джокъду.
Джазда, къачда бачхалада иш этилген заманда этерге къолундан келме-ген адамныкъына, урлукъну алгъын атыб, неда къазыб, артдан кеслерини-кин тындырадыла.
Хоншу хоншугъа алай бош кирди эсе, юйде хазыр зат бла аны ауузлан-дырмай иймейдиле: сени босагъангдан атлагъан туздамынгдан тилине тийириб чыгъаргъа керекди. Иш этиб, анга ушхууур биширмеселе да, чёмюч айранны узатмай къоярыкъ тюлдюле.
Джаш тиширыу Къобандан суу алыб келе, суугъа баргьан кесинден тамада тиширыу аллына тюбесе, челеклеринде сууну аныкъылагъа къотарыб, кеси ызына къайытады.

Кергелен

Гость

#973

Джаратама0

01.07.2008 21:30:26

САЛАМ БАГЪАЛЫ ДЖЕРДЕШЛЕРИМ.!!!

Девушка Гор
Къызчыкъ, Джанынъа болаим, сен тамам керекли затланы черкитесе.
Сиз джаш адамла бу затланы билмейдиле дейсе.Ол деген не хапарды?!

Юйдегиледе къарт атала- анала къайдадыла? Не уа къарачай школлада устазла къарачайлыла тюйюлмюдюле? Сен мени къоркъутхан этесе аллай затланы айтыб.
Да неге юретедиле?

Ма бу хапарланы окъугъанымда , гитчелигим бла джаш заманым кезюме тюненеча керюнедиле.
Мен аллай орамда есгенме, хоншуланы артыкъсызда къартланы ,джаннъызланы, ексюзлени ишлери тынмай кеслерини бачхаларына, чалкъыларына къарамай эдиле.
Къартларыбызны уа алай сюе эдик бюгюн --бюгечеда бир джерде
джыйылсакъ аузубуздан тюшюрмейбиз.
Джетген джашла сабийлени орамда джыйыб картха тюшюрюб,
бизге ойнаргъа нипельный волейбол тобла алыб,школгъа бизни сакълаб автобусларына миндириб джетдириб.
Мен гитче сагъатда хар юйню аллында сууколонка джокъ эди.
Машинада ишлеген хоншу джаш кеб кюнню келтириб суу чачыб,бойнубузну суу агъачдан солутханды.
Чалкъыны заманында эркишиле чалкъыгъа чыкъсала, биз сабиле
аланы тышырыулрына негерге сау джайны кезюу-кезюу джюрюй эдик.
Мен кесими таныб емюрде джюгю болгъан адамны джолда къойуб
кетмегенме--суу челекле болсунла,сют челек болсун.
Чаганы уа, чаганы къаллай бир этгеними учу къыйыры да джокъду.
ДЖандетли болсунла ,АЛЛАХ бла адам бла да разыма. Кеб ариу сезлерин эшитгенме, кеб алгъышларын.!
ЭЙ, билмейсиз! Ол джюрекге къаллай байлыкъды.
Бек кеб ариу юлгю кергенме, мен да аланы къарыума, болумума кере
джашаумда этерге, кергюзтюрге кюрешеме.

всезнайка

Гость

#974

Джаратама0

01.07.2008 21:50:03

Биз гитче заманда, къара сууну къатында къырдышда оинаучан эдик. Ол тегерекде джашагъан къарт аммаланы суугъа келе тургъанларын керсек- чабыб бара эдик да, аланы челеклерине суу алыб, юилерине дери элтиб келе эдик.
Не уа орамны башырагъында джашагъанла бизге дери келе эдиле да-тюкеннге етмек алыргъа бизни ийе эдиле.Эсимдеди, бир кере негерчигим бла мен 12 етмекни кючден алыб келгенибиз.

Кергелен Гость	#975 Джаратама0 01.07.2008 21:53:21 всезнайка ДА Къызчыкъ, аны ючюн болгъанса настоящий Къарачай Къыз.

Читают тему (гостей: 2)

Логин:
Пароль:
	Запомнить меня на этом компьютере

Забыли свой пароль?
Регистрация