- Къуру гыбыт бек дыгъырдар.
- Адеб джокъда, намыс джокъ.
- Ашарыкъда сайлагъаннга – чий гырджын.
- Эрни эр этерик да, къара джер этерик да, тиширыуду.
- Къыйынлы джети элни къайгъысын этер.
- Ариуну – ауруу кёб.
- Джаным-тиним – окъуу, билим.
- Джашынгы кесинг юретмесенг, джашау юретир.
- Артына баргъанны, къатына барма.
- Ариу сёз джыланны орнундан чыгъарыр.
- Дуния малгъа сатылма, кесингден телиге къатылма.
- Эри аманны, къатыны – аман.
- Къарын къуру болса, джюрек уру болур.
- Чомартны къолун джокълукъ байлар.
- Къулакъдан эсе, кёзге ышан.
- Аурууну келиую тынч, кетиую – къыйын.
- Баргъанынга кёре болур келгенинг.
- Намыс болмагъан джерде, насыб болмаз.
- Дуния мал дунияда къалады.
- Тиширыусуз юй – отсуз от джагъа.
- Кёб ант этген, кёб ётюрюк айтыр.
- Керек ташны ауурлугъу джокъ.
- Къонакъ кёб келюучю юйню, къазаны отдан тюшмез.
- Ёлген аслан – сау чычхан.
- Эллинг бла джау болсанг да, юйюнг бла джау болма.
- Джарлыны тону джаз битер.
- Къызны минг тилер, бир алыр.
- Адам туугъан джеринде, ит тойгъан джеринде.
- Билимден уллу байлыкъ джокъду.
- Татлы тилде – сёз ариу, чемер къолда – иш ариу.
- Ёмюрлюк шохлукъну джел элтмез.
- Кийимни бичсенг, кенг бич, тар этген къыйын тюлдю.
- Башы джабылгъан челекге, кир тюшмез.
- Чакъырылмагъан къонакъ – орунсуз.
- Нарт сёз – тилни бети.
- Кёл – къызбай, къол – батыр.
- Чоюнну башы ачыкъ болса, итге уят керекди.
- Адам къаллай бир ишленмесе, аллай бир кесин уллу кёреди.
- Биреуге аманлыкъ этиб, кесинге игилик табмазса.
- Къан бла кирген, джан бла чыгъар.
- Атлыны кёрсе, джаяуну буту талыр.
- Иги адам абынса да, джангылмаз.
- Акъыллы – эл иеси, тели – эл баласы.
- Билим ат болуб да чабар, къуш болуб да учар.
- Экеулен сёлеше тура эселе, орталарына барыб кирме.
- Ауурну тюбю бла, дженгилни башы бла джюрюген.
- Ишни аллы бла къууанма да, арты бла къууан.
- Бет бетге къараса, бет да джерге къарар.
- Баш болса, бёрк табылыр.
- Юй кюйдю да, кюйюз чыкъды, ортасындан тюйюш чыкъды.
КЕЛИГИЗ ДЖЫРЛАЙЫКЪ
|
Кюн тийгенди тау эллеге нюрюн чача,
Уллу юйле сюелелле къалалача Къонакъ келсе эшиклерин кеннге ача Сен джашнайса туугъан элим Ючкекеним!!! |
|
|
|
|
|
Как приятно читать песни на родном языке)))))))
 |
|
|
|
|
|
Кто знает слова песни "Чекде"? И кто автор?
***Ким сакълайды,ариу, сени къатынгы, унутдуруб манга берген антынг? З.Ы.! Сегодня концерт по телевизору ко Дню пограничника. |
|
|
|
|
|
kollega
A ким джырлайды ол джырны? )) |
|
|
|
|
|
Faida
Аперим сеннге: джырлны билген, тау адетлени билген-тюзюн аитчы, джашырмай айт, къаисы элденсеее сееен (джер) |
|
|
|
|
|
всезнайка
сау болугъуз... кесигизни игилигигизди... просто...  къаисы элденсеее сееен (джер) уяламаааа....))))))  Айтыгъыз джаратхан джырыгъызны -табаргъа кюреширме... джазарма)  |
|
|
|
|
Читают тему (гостей: 1)