- Арпа, будай – ащды, алтын, кюмюш а – ташды.
- Ойнаб айтсанг да, эслеб айт.
- Адам сёзюнден белгили.
- Кечеси – аяз, кюню – къыш, джарлы къаргъагъа бир аш тюш!
- Ёлген ийнек сютлю болур.
- Уруну арты – къуру.
- Ариуну – ауруу кёб.
- Ашха уста, юйюнде болсун
- Джауумдан сора, кюн кюйдюрюр, ётюрюкден сора, айыб кюйдюрюр.
- Джаш къарыу бла кючлю, къарт акъыл бла кючлю.
- Къызгъанчдан ычхыныр, мухардан ычхынмаз.
- Кенгеш болса, уруш болмаз.
- Аш берме да, къаш бер.
- Баргъанынга кёре болур келгенинг.
- Адамны сабийин сюйген джюреги, бычакъча, джитиди.
- Башынга джетмегенни сорма.
- Сабийни джумушха джибер да, ызындан бар.
- Къартха ушагъан джаш – акъыллы, джашха ушагъан къарт – тели.
- Къонакъ хазыр болгъанлыкъгъа, къонакъбай хазыр тюлдю.
- Адеби болмагъан къыз – тузсуз хант.
- Къайтырыкъ эшигинги, къаты уруб чыкъма.
- Оюмсуз атлагъан, аджалсыз ёлюр.
- Джарашыу сюйген – джалынчакъ.
- Айран тёгюлсе, джугъусу къалыр.
- Акъыллы эркиши атын махтар, акъылсыз эркиши къатынын махтар.
- Билим насыб берир, билим джолну керир.
- Билген билмегенни юретген адетди.
- Джарлыны тону джаз битер.
- Биреуге кёлтюрген таягъынг, кесинги башынга урур.
- Уясында не кёрсе, учханында аны этер.
- Эртде тургъан джылкъычыны эркек аты тай табар.
- Джырчы ёлсе, джыры къалыр.
- Аман адамны тепсинге олтуртсанг, къызынгы тилер.
- Джыйырма къойну юч джыйырма эбзе кюте эди.
- Чыкълы кюнде чыкъмагъан, чыкъса къуру кирмеген.
- Иги сёз – джаннга азыкъ, аман сёз башха – къазыкъ.
- Джумушакъ терекни къурт ашар.
- Джиби бир къат джетмей эди да, эки къат тарта эди.
- Къар – келтирди, суу – элтди.
- Тас болгъан бычакъны сабы – алтын.
- Суугъа – таянма, джаугъа – ийнанма.
- Битмегеннге сакъал – танг.
- Ашхы тенг джолгъа салыр, аман тенг джолдан тайдырыр.
- Минг тенг да азды, бир джау да кёбдю.
- Шекер бла туз – бир болмаз, ушамагъан – юй болмаз.
- Къарны аманнга къазан такъдырма, къолу аманнга от джакъдырма.
- Тешигини къатында, чычхан да батыр болур.
- Ашхы болсанг, атынг чыгъар, аман болсанг, джанынг чыгъар.
- Джарлы тюеге минсе да, ит къабар.
- Болджал ишни бёрю ашар.
КЕЛИГИЗ ДЖЫРЛАЙЫКЪ
|
Омар Отаровну эски жырларын къалай табсын адам болушугъуз!!!!!
 |
|
|
|
|
|
ХАНГОГУШ
Тамбла Аллах буюрса салыргъа кюреширме  |
|
|
|
|
|
Бек аламат жырла faida сау бол энтда андан арыда излеик!
|
|
|
|
|
|
ХАНГОГУШ
|
|
|
|
|
|
Келигиз бир жырны 2 кере къайтармаиыкъ ."Жерме".
|
|
|
|
|
 ...Узденов Альберт  |
|
|
|
|
 ...Алим Газаев... |
|
|
|
|
 ...Омар Отаров и Алим Газаев... |
|
|
|
|
 ... гр.Учкекен )) |
|
|
|
|
|
|
|
|
|
|
|
"Къарачай"
Ёзденланы Альберт Игинге джюрекден къууана, Булутдан чыкъгъан кюнча джаншай, Мен джырлайма санга ийнана, Тиними Меккясы-Къарачай! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Башха болмай,джюрек джюрюшюм Къагъытха тюшгеннге ушагъан Тауларым-Аллахдан юлюшюм!- Дей,насыбны меннге джашагъан. Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Тынгылайма джарыкъ мыдахлыкъ Джырына къошулгъан Къобаннга. Кёрюмю къырдышын сыларыкъ Аязынг да къууанчды манга! Болмай тот хар чалкъынг,орагъынг Чалсынла бойсуна заманнга! Санларым къошуллукъ топурагъынг Алтындан багъалыды манга! "Хасаука"бла "Умар" джырларынг, Джазылгъанча къараб Къураннга, Кёрню кёрмесин джыр бурагъынг, Чырт бойсунмасын ол заманнга! Джюрегинг къууанчдан джырласын, Джылагъан да керек болгъанда, Чайыры асламдан джыласын Тамызыкъ чырагъынг тыбырда! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Болалсам да уста джюрютген Илкерге учаргъа кемени, Хунангы тешигин бегитген Мен бармакъ ташчыгъынгма сени! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Байкулов Солтан http://www.youtube.com/watch?v=LchYcGFpW-4&feature =related "Кертиме Антыма " Байкулов Солтан |
|
|
|
|
Читают тему (гостей: 3)