- Къазанчы аман болса, къазаны къайнамаз.
- Тыш элде солтан болгъандан эсе, кесинги элде олтан болгъан игиди!
- Къызбайны юйюне дери сюрсенг, батыр болур.
- Джаным-тиним – окъуу, билим.
- Джашлыкъ этмеген, башлыкъ этмез.
- Ач отунчуну ачыуу – бурнунда.
- Адамны бетине къарама, адетине къара.
- Борчунг бар эсе, хурджунунга ойлаб узал.
- Хата – гитчеден.
- Къазанда болса, чолпугъа чыгъар.
- Телиге акъыл салгъандан эсе, ёлгеннге джан салырса.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тил – кесген бычакъ, сёз – атылгъан окъ.
- Эм уллу байлыкъ – джан саулукъ.
- Аджалсыз ёлюм болмаз.
- Чомарт къолда мал къалмаз.
- Оюмсуз атлагъан, аджалсыз ёлюр.
- Сормай – алма, чакъырылмай – барма.
- Элни кючю – эмеген.
- Къатыны харакетли болса, эри къымсыз болур.
- Билимли ёлмез, билимсиз кёрмез.
- Къызны минг тилер, бир алыр.
- Эри аманны, къатыны – аман.
- Ишленмеклик адамлыкъды.
- Джукъу тёшек сайламайды.
- Намыс болмагъан джерде, насыб болмаз.
- Иги сеники эсе да, сюйген кесимикин этеме.
- Сакъламагъан затынга джолукъсанг, не бек къууанаса, не бек ачыйса.
- Иги болса, тамадама – махтау, аман болса, меннге – айыб.
- Джылкъыдан – ат чыгъар, тукъумдан – джаш чыгъар.
- Ханнга да келеди хариблик.
- Къар – келтирди, суу – элтди.
- Шапа кёб болса, аш татымсыз болур.
- Чакъырылмагъан джерге барма, чакъырылгъан джерден къалма.
- Кийимни бичсенг, кенг бич, тар этген къыйын тюлдю.
- Айтхан – тынч, этген – къыйын.
- Тура эдим джата, къайдан чыкъды хата?
- Адамны аманы адамны бети бла ойнар.
- Кийиминг бла танылма, адамлыкъ бла таныл.
- Ариу сёзде ауруу джокъ.
- Чомартны къолун джокълукъ байлар.
- Акъыллы айтыр эди, акъылсыз къоймайды.
- Ётюрюкден тюбю джокъ, кёлтюрюрге джиби джокъ.
- Кёпюр салгъан кеси ётер, уру къазгъан кеси кетер.
- Тели турса – той бузар.
- Элиб деген, элге болушур.
- Ариу сёз – джаннга азыкъ, аман сёз – башха къазыкъ.
- Ёгюзню мюйюзюнден тутадыла, адамны сёзюнден тутадыла.
- Накъырданы арты керти болур.
- Юйюнг бла джау болгъандан эсе, элинг бла джау бол.
КЕЛИГИЗ ДЖЫРЛАЙЫКЪ
|
Омар Отаровну эски жырларын къалай табсын адам болушугъуз!!!!!
 |
|
|
|
|
|
ХАНГОГУШ
Тамбла Аллах буюрса салыргъа кюреширме  |
|
|
|
|
|
Бек аламат жырла faida сау бол энтда андан арыда излеик!
|
|
|
|
|
|
ХАНГОГУШ
|
|
|
|
|
|
Келигиз бир жырны 2 кере къайтармаиыкъ ."Жерме".
|
|
|
|
|
 ...Узденов Альберт  |
|
|
|
|
 ...Алим Газаев... |
|
|
|
|
 ...Омар Отаров и Алим Газаев... |
|
|
|
|
 ... гр.Учкекен )) |
|
|
|
|
|
|
|
|
|
|
|
"Къарачай"
Ёзденланы Альберт Игинге джюрекден къууана, Булутдан чыкъгъан кюнча джаншай, Мен джырлайма санга ийнана, Тиними Меккясы-Къарачай! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Башха болмай,джюрек джюрюшюм Къагъытха тюшгеннге ушагъан Тауларым-Аллахдан юлюшюм!- Дей,насыбны меннге джашагъан. Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Тынгылайма джарыкъ мыдахлыкъ Джырына къошулгъан Къобаннга. Кёрюмю къырдышын сыларыкъ Аязынг да къууанчды манга! Болмай тот хар чалкъынг,орагъынг Чалсынла бойсуна заманнга! Санларым къошуллукъ топурагъынг Алтындан багъалыды манга! "Хасаука"бла "Умар" джырларынг, Джазылгъанча къараб Къураннга, Кёрню кёрмесин джыр бурагъынг, Чырт бойсунмасын ол заманнга! Джюрегинг къууанчдан джырласын, Джылагъан да керек болгъанда, Чайыры асламдан джыласын Тамызыкъ чырагъынг тыбырда! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Болалсам да уста джюрютген Илкерге учаргъа кемени, Хунангы тешигин бегитген Мен бармакъ ташчыгъынгма сени! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Байкулов Солтан http://www.youtube.com/watch?v=LchYcGFpW-4&feature =related "Кертиме Антыма " Байкулов Солтан |
|
|
|
|
Читают тему (гостей: 1)