- Аджал соруб келмез, келсе, къайтыб кетмез.
- Аман эсирсе, юйюн ояр.
- Къарнынг бла ёч алма.
- Сабий болмагъан джерде, мёлек болмаз.
- Окъ къызбайны джокълайды.
- Джарлы тюеге минсе да, ит къабар.
- Къарын къуру болса, джюрек уру болур.
- Эрине къаргъыш этген къатын, эрнин къабар.
- Тойгъанлыкъ къойгъа джарашады.
- От кюйдюрген, сау болса да, тот кюйдюрген, сау болмаз.
- Ач къарным, тынч къулагъым.
- Джюрекге ариу – кёзге да ариу.
- Иги адамны бир сёзю эки болмаз.
- Эшекни не къадар тюйсенг да, ат болмаз.
- Къаллай салам берсенг, аллай джууаб алырса.
- Бек ашыкъгъан меннге джетсин, дегенди аракъы.
- Эки итни арасына сюек атма, эки адамны арасында сёз чыгъарма.
- Байны оноуу, джарлыгъа джарамаз.
- Бал ашаргъа сюе эсенг, чибин ургъаннга тёз.
- Биреуню къыйынлыгъы бла кесинге джол ишлеме.
- Кёзню ачылгъаны – иги, ауузну джабылгъаны – иги.
- Дженгил джетерикме деб, узун джолну къоюб, къысхасын барма.
- Ач бёрюге мекям джокъ.
- Ашлыкъ – бюртюкден, джюн – тюкден.
- Ёксюзню тилеги къабыл болур.
- Кютгени беш эчки, сызгъыргъаны уа, джерни джарады.
- Хунаны тюбюн къазсанг, юсюнге ауар.
- Огъурлуну сёзю – суу, огъурсузну сёзю – уу.
- Джиби бир къат джетмей эди да, эки къат тарта эди.
- Миллетни бойну – базыкъ, аны бла кюрешген – джазыкъ.
- Тамчы таш тешер.
- Адамны аманы адамны бети бла ойнар.
- Ариу сёз – къылычдан джити.
- Эрни эр этерик да, къара джер этерик да, тиширыуду.
- Aдам боллукъ, сыфатындан белгили.
- Эринчекни аурууу – кёб.
- Айырылмаз джууугъунга, унутмаз сёзню айтма.
- Айыбны суу бла джууалмазса.
- Ашхы болсанг, атынг чыгъар, аман болсанг, джанынг чыгъар.
- Уллу къазанда бишген эт, чий къалмаз.
- Чабакъгъа акъыл, табагъа тюшсе келеди.
- Къыз келсе, джумуш эте келеди, къатын келсе, ушакъ эте келеди.
- Узун джолну барсанг, бюгюн келирсе, къысха джолну барсанг, тамбла келирсе.
- Эл бла кёргенинг эрелей.
- Джарлыны тону джаз битер.
- Бет бетге къараса, бет да джерге къарар.
- Къарны аманнга къазан такъдырма, къолу аманнга от джакъдырма.
- Кёбден умут этиб, аздан къуру къалма.
- Асхат ашлыкъ сата, юйдегиси ачдан къата.
- Эли джокъну – кёлю джокъ.
КЕЛИГИЗ ДЖЫРЛАЙЫКЪ
|
Омар Отаровну эски жырларын къалай табсын адам болушугъуз!!!!!
 |
|
|
|
|
|
ХАНГОГУШ
Тамбла Аллах буюрса салыргъа кюреширме  |
|
|
|
|
|
Бек аламат жырла faida сау бол энтда андан арыда излеик!
|
|
|
|
|
|
ХАНГОГУШ
|
|
|
|
|
|
Келигиз бир жырны 2 кере къайтармаиыкъ ."Жерме".
|
|
|
|
|
 ...Узденов Альберт  |
|
|
|
|
 ...Алим Газаев... |
|
|
|
|
 ...Омар Отаров и Алим Газаев... |
|
|
|
|
 ... гр.Учкекен )) |
|
|
|
|
|
|
|
|
|
|
|
"Къарачай"
Ёзденланы Альберт Игинге джюрекден къууана, Булутдан чыкъгъан кюнча джаншай, Мен джырлайма санга ийнана, Тиними Меккясы-Къарачай! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Башха болмай,джюрек джюрюшюм Къагъытха тюшгеннге ушагъан Тауларым-Аллахдан юлюшюм!- Дей,насыбны меннге джашагъан. Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Тынгылайма джарыкъ мыдахлыкъ Джырына къошулгъан Къобаннга. Кёрюмю къырдышын сыларыкъ Аязынг да къууанчды манга! Болмай тот хар чалкъынг,орагъынг Чалсынла бойсуна заманнга! Санларым къошуллукъ топурагъынг Алтындан багъалыды манга! "Хасаука"бла "Умар" джырларынг, Джазылгъанча къараб Къураннга, Кёрню кёрмесин джыр бурагъынг, Чырт бойсунмасын ол заманнга! Джюрегинг къууанчдан джырласын, Джылагъан да керек болгъанда, Чайыры асламдан джыласын Тамызыкъ чырагъынг тыбырда! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Болалсам да уста джюрютген Илкерге учаргъа кемени, Хунангы тешигин бегитген Мен бармакъ ташчыгъынгма сени! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Байкулов Солтан http://www.youtube.com/watch?v=LchYcGFpW-4&feature =related "Кертиме Антыма " Байкулов Солтан |
|
|
|
|
Читают тему (гостей: 1)