- Минг тенг да азды, бир джау да кёбдю.
- Танг атмайма десе да, кюн къоярыкъ тюйюлдю.
- Ишленмеген джаш – джюгенсиз ат, ишленмеген къыз – тузсуз хант.
- Рысхысына кёре, джаш ёсер, къышлыгъына кёре, мал ёсер.
- Аманнга да, игиге да оноусуз къатышма.
- Тёрени джагъы джокъ.
- Ургъан суудан башынгы сакъла.
- Ач къарным, тынч къулагъым.
- Илму – джашауну джолу.
- Сёз сёзню айтдырыр.
- Бетинги сатма, малынгы сат.
- Керилген да, ургъан кибикди.
- Джашны джигитлиги сорулур, къызны джигерлиги сорулур.
- Джетген къыз джерли эшекни танымаз.
- Аджаллыгъа окъсуз шкок атылыр.
- Бек анасы джыламаз.
- Къолунгдан къуймакъ ашатсанг да, атаны борчундан къутулмазса.
- Ашыкъгъанны этеги бутуна чырмалыр.
- Ашаса, ашамаса да, бёрюню ауузу – къан.
- Ата – билек, ана – джюрек!
- Айтхан – тынч, этген – къыйын.
- Арбаз къынгырды да, ийнек сауалмайма.
- Ётюрюкчюню шагъаты – къатында.
- Чыбыкълыкъда бюгюлмеген, къазыкълыкъда бюгюлмей эди.
- Сёлеш деб шай берген, тохта деб, сом берген.
- Халкъны юйю – туугъан джери.
- Билими азны – ауузунда кирит.
- Урама да – ёледи, сатама да – келеди.
- Чакъырылмагъан къонакъ къачан кетерин сормаз.
- Ётюрюкню башын керти кесер.
- Чоюнну башы ачыкъ болса, итге уят керекди.
- Къайгъы тюбю – тенгиз.
- Эки ойлашыб, бир сёлешген.
- Чыкълы кюнде чыкъмагъан, чыкъса къуру кирмеген.
- Иги адам абынса да, джангылмаз.
- Экеу тутушса, биреу джыгъылыр.
- Келинни – келгинчи, бёркню кийгинчи кёр.
- Нарт сёз – тилни бети.
- Мал кёб болса, джууукъ кёб болур.
- Джогъун бар этген, барын бал этген.
- Сабий болмагъан джерде, мёлек болмаз.
- Оюмсуз атлагъан, аджалсыз ёлюр.
- Окъумагъан сокъурду, сокъур ташха абыныр!
- Тойгъа алгъа да барма, тойда артха да къалма.
- Хаухну атма, ёнгкючню сатма.
- Арпа, будай – ащды, алтын, кюмюш а – ташды.
- Асхат ашлыкъ сата, юйдегиси ачдан къата.
- Уллу суу бла уллу ауруудан башынгы сакъла.
- Адебсиз адам – джюгенсиз ат.
- Ашхы тенг джолгъа салыр, аман тенг джолдан тайдырыр.
КЕЛИГИЗ ДЖЫРЛАЙЫКЪ
|
Омар Отаровну эски жырларын къалай табсын адам болушугъуз!!!!!
 |
|
|
|
|
|
ХАНГОГУШ
Тамбла Аллах буюрса салыргъа кюреширме  |
|
|
|
|
|
Бек аламат жырла faida сау бол энтда андан арыда излеик!
|
|
|
|
|
|
ХАНГОГУШ
|
|
|
|
|
|
Келигиз бир жырны 2 кере къайтармаиыкъ ."Жерме".
|
|
|
|
|
 ...Узденов Альберт  |
|
|
|
|
 ...Алим Газаев... |
|
|
|
|
 ...Омар Отаров и Алим Газаев... |
|
|
|
|
 ... гр.Учкекен )) |
|
|
|
|
|
|
|
|
|
|
|
"Къарачай"
Ёзденланы Альберт Игинге джюрекден къууана, Булутдан чыкъгъан кюнча джаншай, Мен джырлайма санга ийнана, Тиними Меккясы-Къарачай! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Башха болмай,джюрек джюрюшюм Къагъытха тюшгеннге ушагъан Тауларым-Аллахдан юлюшюм!- Дей,насыбны меннге джашагъан. Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Тынгылайма джарыкъ мыдахлыкъ Джырына къошулгъан Къобаннга. Кёрюмю къырдышын сыларыкъ Аязынг да къууанчды манга! Болмай тот хар чалкъынг,орагъынг Чалсынла бойсуна заманнга! Санларым къошуллукъ топурагъынг Алтындан багъалыды манга! "Хасаука"бла "Умар" джырларынг, Джазылгъанча къараб Къураннга, Кёрню кёрмесин джыр бурагъынг, Чырт бойсунмасын ол заманнга! Джюрегинг къууанчдан джырласын, Джылагъан да керек болгъанда, Чайыры асламдан джыласын Тамызыкъ чырагъынг тыбырда! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Болалсам да уста джюрютген Илкерге учаргъа кемени, Хунангы тешигин бегитген Мен бармакъ ташчыгъынгма сени! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Байкулов Солтан http://www.youtube.com/watch?v=LchYcGFpW-4&feature =related "Кертиме Антыма " Байкулов Солтан |
|
|
|
|
Читают тему (гостей: 1)