- Иги бла джюрюсенг, джетерсе муратынга, аман бла джюрюсенг, къалырса уятха.
- Тойгъа алгъа да барма, тойда артха да къалма.
- Рысхы – насыбха къор.
- Гугук кесини атын айтыб къычыргъанча, мен, мен деб нек тураса?
- Нафысынгы айтханын этме, намысынгы айтханын эт.
- Джыйырма къойну юч джыйырма эбзе кюте эди.
- Мал ёлсе, сюек къалыр, адам ёлсе, иши къалыр.
- Дженгил джетерикме деб, узун джолну къоюб, къысхасын барма.
- Адамны аманы адамны бети бла ойнар.
- Сагъыш – къартлыкъгъа сюйюмчю.
- Къарны аманнга къазан такъдырма, къолу аманнга от джакъдырма.
- Мен да «сен», дейме, сен да «кесим», дейсе.
- Кёб къычыргъандан – къоркъма, тынч олтургъандан – къоркъ.
- Къууут – джелге, берне – бошха.
- Аш иеси бла татлыды.
- Чакъырылмагъан къонакъ тёрге атламаз.
- Аманнга алтын чыдамаз.
- Кюлме джашха – келир башха.
- Ашхы тенг джолгъа салыр, аман тенг джолдан тайдырыр.
- Адамны адамлыгъы къыйынлыкъда айгъакъланады.
- Шапа кёб болса, аш татымсыз болур.
- Къулакъдан эсе, кёзге ышан.
- Кёбден умут этиб, аздан къуру къалма.
- Тура эдим джата, къайдан чыкъды хата?
- Аллахдан тилесенг, кёб тиле.
- Чабакъгъа акъыл, табагъа тюшсе келеди.
- Таукел къуру къалмаз.
- Кёб джат да, бек чаб.
- Акъыл бла адеб эгизледиле.
- Намысы болмагъанны, сыйы болмаз.
- Сёлеш деб шай берген, тохта деб, сом берген.
- Къызгъанчдан ычхыныр, мухардан ычхынмаз.
- Ач бёрюге мекям джокъ.
- Эл ауузу – элия.
- Бал – татлы, балдан да бала – татлы.
- Биреуге аманлыкъны тилеме да, кесинге ашхылыкъны тиле.
- Иги болса, тамадама – махтау, аман болса, меннге – айыб.
- Сангырау къулакъ эл бузар.
- Эки итни арасына сюек атма, эки адамны арасында сёз чыгъарма.
- Бетинги сатма, малынгы сат.
- Адебсиз адам – джюгенсиз ат.
- Башы ишлегенни, ауузу да ишлер.
- Иги адам абынса да, джангылмаз.
- Адеб джокъда, намыс джокъ.
- Уллу сёзде уят джокъ.
- Байлыкъ болгъан джерде, тынчлыкъ джокъду.
- Ачны эсинде – аш.
- Суу ичген шауданынга тюкюрме.
- Эшекни не къадар тюйсенг да, ат болмаз.
- Кёл – къызбай, къол – батыр.
КЕЛИГИЗ ДЖЫРЛАЙЫКЪ
|
Омар Отаровну эски жырларын къалай табсын адам болушугъуз!!!!!
 |
|
|
|
|
|
ХАНГОГУШ
Тамбла Аллах буюрса салыргъа кюреширме  |
|
|
|
|
|
Бек аламат жырла faida сау бол энтда андан арыда излеик!
|
|
|
|
|
|
ХАНГОГУШ
|
|
|
|
|
|
Келигиз бир жырны 2 кере къайтармаиыкъ ."Жерме".
|
|
|
|
|
 ...Узденов Альберт  |
|
|
|
|
 ...Алим Газаев... |
|
|
|
|
 ...Омар Отаров и Алим Газаев... |
|
|
|
|
 ... гр.Учкекен )) |
|
|
|
|
|
|
|
|
|
|
|
"Къарачай"
Ёзденланы Альберт Игинге джюрекден къууана, Булутдан чыкъгъан кюнча джаншай, Мен джырлайма санга ийнана, Тиними Меккясы-Къарачай! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Башха болмай,джюрек джюрюшюм Къагъытха тюшгеннге ушагъан Тауларым-Аллахдан юлюшюм!- Дей,насыбны меннге джашагъан. Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Тынгылайма джарыкъ мыдахлыкъ Джырына къошулгъан Къобаннга. Кёрюмю къырдышын сыларыкъ Аязынг да къууанчды манга! Болмай тот хар чалкъынг,орагъынг Чалсынла бойсуна заманнга! Санларым къошуллукъ топурагъынг Алтындан багъалыды манга! "Хасаука"бла "Умар" джырларынг, Джазылгъанча къараб Къураннга, Кёрню кёрмесин джыр бурагъынг, Чырт бойсунмасын ол заманнга! Джюрегинг къууанчдан джырласын, Джылагъан да керек болгъанда, Чайыры асламдан джыласын Тамызыкъ чырагъынг тыбырда! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Болалсам да уста джюрютген Илкерге учаргъа кемени, Хунангы тешигин бегитген Мен бармакъ ташчыгъынгма сени! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Байкулов Солтан http://www.youtube.com/watch?v=LchYcGFpW-4&feature =related "Кертиме Антыма " Байкулов Солтан |
|
|
|
|
Читают тему (гостей: 1)