- Гыдай эчки суугъа къараб, мюйюзле кёрмесе, джашма алкъын, дегенди.
- Нафысынгы айтханын этме, намысынгы айтханын эт.
- Къарнынг къанлынга кийирир.
- Ашаса, ашамаса да, бёрюню ауузу – къан.
- Къатыны харакетли болса, эри къымсыз болур.
- Ышармагъан – кюлмез, кюлмеген – къууанчны билмез.
- Джаханимни кёрмей, джандетге кёл салмазса.
- Джюрек кёзден алгъа кёрюр.
- Тилчиден кери бол.
- Ёксюзню тилеги къабыл болур.
- Ачыу алгъа келсе, акъыл артха къалады.
- Алим болгъандан эсе, адам болгъан къыйынды.
- Кимни – тили, тиши онглу, кимни – къолу, иши онглу.
- Эшекни не къадар тюйсенг да, ат болмаз.
- Болджал ишни бёрю ашар.
- Мухарны эси – ашарыкъда.
- Алтыда кюлмеген, алтмышда кюлмез.
- Минг тенг да азды, бир джау да кёбдю.
- Джюз элде джюз ёгюзюм болгъандан эсе, джюз джууугъум болсун.
- Иги – алгъыш этер, аман – къаргъыш этер.
- Таукел къуру къалмаз.
- Эрни эр этерик да, къара джер этерик да, тиширыуду.
- Сагъыш – къартлыкъгъа сюйюмчю.
- Чабакъгъа акъыл, табагъа тюшсе келеди.
- «Ёгюз, джаргъа джууукъ барма, меннге джюк боллукъса», - дегенди эшек.
- Уллу атлама – абынырса, уллу къабма – къарылырса.
- Кийим тукъум сордурур.
- Айранын берсенг, челегин да къызгъанма.
- Аджал соруб келмез, келсе, къайтыб кетмез.
- Адамгъа аман кюн соруб келмейди.
- Акъыллы – эл иеси, тели – эл баласы.
- Кечеси – аяз, кюню – къыш, джарлы къаргъагъа бир аш тюш!
- Сютню башын джалагъан къутулур, тюбюн ичген тутулур.
- Билеги кючлю, бирни джыгъар, билими кючлю, мингни джыгъар.
- Тюзлюк тас болмайды.
- Эллинг бла джау болсанг да, юйюнг бла джау болма.
- Тилсиз миллет джокъ болур.
- Насыблы элин сюер, насыбсыз кесин сюер.
- Къобан да къуру да къобханлай турмайды, адам да къуру да патчахлай турмайды.
- Къартны сыйын кёрмеген, къартлыгъында сыйлы болмаз.
- Тамчы таш тешер.
- Къыйынлы джети элни къайгъысын этер.
- Сормай – алма, чакъырылмай – барма.
- Джарлы тюеге минсе да, ит къабар.
- Кийиминг бла танылма, адамлыкъ бла таныл.
- Таш бла ургъанны, аш бла ур.
- Къазанчы аман болса, къазаны къайнамаз.
- Уллу къазанда бишген эт, чий къалмаз.
- Ачлыкъда тары гырджын халыуадан татлы.
- Термилгенинги табмазса, кюлгенинге тюберсе.
КЕЛИГИЗ ДЖЫРЛАЙЫКЪ
|
Омар Отаровну эски жырларын къалай табсын адам болушугъуз!!!!!
 |
|
|
|
|
|
ХАНГОГУШ
Тамбла Аллах буюрса салыргъа кюреширме  |
|
|
|
|
|
Бек аламат жырла faida сау бол энтда андан арыда излеик!
|
|
|
|
|
|
ХАНГОГУШ
|
|
|
|
|
|
Келигиз бир жырны 2 кере къайтармаиыкъ ."Жерме".
|
|
|
|
|
 ...Узденов Альберт  |
|
|
|
|
 ...Алим Газаев... |
|
|
|
|
 ...Омар Отаров и Алим Газаев... |
|
|
|
|
 ... гр.Учкекен )) |
|
|
|
|
|
|
|
|
|
|
|
"Къарачай"
Ёзденланы Альберт Игинге джюрекден къууана, Булутдан чыкъгъан кюнча джаншай, Мен джырлайма санга ийнана, Тиними Меккясы-Къарачай! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Башха болмай,джюрек джюрюшюм Къагъытха тюшгеннге ушагъан Тауларым-Аллахдан юлюшюм!- Дей,насыбны меннге джашагъан. Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Тынгылайма джарыкъ мыдахлыкъ Джырына къошулгъан Къобаннга. Кёрюмю къырдышын сыларыкъ Аязынг да къууанчды манга! Болмай тот хар чалкъынг,орагъынг Чалсынла бойсуна заманнга! Санларым къошуллукъ топурагъынг Алтындан багъалыды манга! "Хасаука"бла "Умар" джырларынг, Джазылгъанча къараб Къураннга, Кёрню кёрмесин джыр бурагъынг, Чырт бойсунмасын ол заманнга! Джюрегинг къууанчдан джырласын, Джылагъан да керек болгъанда, Чайыры асламдан джыласын Тамызыкъ чырагъынг тыбырда! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Болалсам да уста джюрютген Илкерге учаргъа кемени, Хунангы тешигин бегитген Мен бармакъ ташчыгъынгма сени! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Байкулов Солтан http://www.youtube.com/watch?v=LchYcGFpW-4&feature =related "Кертиме Антыма " Байкулов Солтан |
|
|
|
|
Читают тему (гостей: 3)