- Уллу сёлешме да, уллу къаб.
- Дженгил джетерикме деб, узун джолну къоюб, къысхасын барма.
- Босагъагъа джууукъ орун болса, ашыгъыб тёрге озма.
- Ёзденликни джайгъан – джокълукъ.
- Айырылгъанланы айю ашар, бёлюннгенлени бёрю ашар.
- Адам сёзге тынгыла, акъыл сёзню ангыла.
- Ашлыкъны арба юйге келтирир, чана базаргъа элтир.
- Къобан да къуру да къобханлай турмайды, адам да къуру да патчахлай турмайды.
- Эки ойлашыб, бир сёлешген.
- Къызгъанчдан ычхыныр, мухардан ычхынмаз.
- Билим – акъылны чырагъы.
- Чакъырылмагъан джерге барма, чакъырылгъан джерден къалма.
- Нарт сёз къарт болмаз.
- Аманнга да, игиге да оноусуз къатышма.
- Борчунг бар эсе, хурджунунга ойлаб узал.
- Мени джылытмагъан кюн, меннге тиймесин!
- Рысхысына кёре, джаш ёсер, къышлыгъына кёре, мал ёсер.
- Юреннген ауруу къалмаз.
- Джырына кёре эжиую.
- Чомарт бергенин айтмаз.
- Кёл – къызбай, къол – батыр.
- Зарда марда джокъ.
- Ханы къызы буюгъа-буюгъа киштик болду.
- Сибиртки да сыйлы болду, кюрек да кюнлю болду.
- Ауурну тюбю бла, дженгилни башы бла джюрюген.
- Чёбню кёлтюрсенг, тюбюнден сёз чыгъар.
- Кеси юйюмде мен да ханма.
- Къыз келсе, джумуш эте келеди, къатын келсе, ушакъ эте келеди.
- Ашхы болсанг, атынг чыгъар, аман болсанг, джанынг чыгъар.
- Ач къалгъандан, кеч къалгъан къолай.
- Адамны бетине къарама, адетине къара.
- Къарны аманнга къазан такъдырма, къолу аманнга от джакъдырма.
- Атлыны ашхысы, ат тизгининден билинир
- Орну джокъну – сыйы джокъ.
- Окъугъанны бети джарыкъ.
- Чомарт джарлы болмаз.
- Кийиминг бла танылма, адамлыкъ бла таныл.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Сабий кёргенин унутмаз.
- Къазанда болса, чолпугъа чыгъар.
- Ишлерге уял да, ашаргъа табма.
- Акъыл сабырлыкъ берир.
- Термилгенинги табмазса, кюлгенинге тюберсе.
- Башы ишлегенни, ауузу да ишлер.
- Ёлмесенг да, къарт дамы болмазса?
- Кёб къычыргъандан – къоркъма, тынч олтургъандан – къоркъ.
- Айныгъанлы алты кюн, тогъайгъанлы тогъуз кюн.
- Къолунгдан къуймакъ ашатсанг да, атаны борчундан къутулмазса.
- Айтылгъан сёз ызына къайтмаз.
- Биреу ашаб къутулур, биреу джалаб тутулур.
КЕЛИГИЗ ДЖЫРЛАЙЫКЪ
|
Омар Отаровну эски жырларын къалай табсын адам болушугъуз!!!!!
 |
|
|
|
|
|
ХАНГОГУШ
Тамбла Аллах буюрса салыргъа кюреширме  |
|
|
|
|
|
Бек аламат жырла faida сау бол энтда андан арыда излеик!
|
|
|
|
|
|
ХАНГОГУШ
|
|
|
|
|
|
Келигиз бир жырны 2 кере къайтармаиыкъ ."Жерме".
|
|
|
|
|
 ...Узденов Альберт  |
|
|
|
|
 ...Алим Газаев... |
|
|
|
|
 ...Омар Отаров и Алим Газаев... |
|
|
|
|
 ... гр.Учкекен )) |
|
|
|
|
|
|
|
|
|
|
|
"Къарачай"
Ёзденланы Альберт Игинге джюрекден къууана, Булутдан чыкъгъан кюнча джаншай, Мен джырлайма санга ийнана, Тиними Меккясы-Къарачай! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Башха болмай,джюрек джюрюшюм Къагъытха тюшгеннге ушагъан Тауларым-Аллахдан юлюшюм!- Дей,насыбны меннге джашагъан. Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Тынгылайма джарыкъ мыдахлыкъ Джырына къошулгъан Къобаннга. Кёрюмю къырдышын сыларыкъ Аязынг да къууанчды манга! Болмай тот хар чалкъынг,орагъынг Чалсынла бойсуна заманнга! Санларым къошуллукъ топурагъынг Алтындан багъалыды манга! "Хасаука"бла "Умар" джырларынг, Джазылгъанча къараб Къураннга, Кёрню кёрмесин джыр бурагъынг, Чырт бойсунмасын ол заманнга! Джюрегинг къууанчдан джырласын, Джылагъан да керек болгъанда, Чайыры асламдан джыласын Тамызыкъ чырагъынг тыбырда! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Болалсам да уста джюрютген Илкерге учаргъа кемени, Хунангы тешигин бегитген Мен бармакъ ташчыгъынгма сени! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Байкулов Солтан http://www.youtube.com/watch?v=LchYcGFpW-4&feature =related "Кертиме Антыма " Байкулов Солтан |
|
|
|
|
Читают тему (гостей: 1)