Войти на сайт
13 Мая 2026 года

 

  • Терслик кетер, тюзлюк джетер.
  • Ашхы – джыяр, аман – джояр.
  • Ашлыкъны арба юйге келтирир, чана базаргъа элтир.
  • Тёгюлген тюгел джыйылмайды.
  • Тулпарлыкъ, билекден тюл – джюрекден.
  • Джашда акъыл джокъ, къартда къарыу джокъ.
  • Ичимден чыкъды хата, къайры барайым сата?
  • Джогъун бар этген, барын бал этген.
  • Сакъламагъан затынга джолукъсанг, не бек къууанаса, не бек ачыйса.
  • Баргъанынга кёре болур келгенинг.
  • Кийим тукъум сордурур.
  • Чёбню кёлтюрсенг, тюбюнден сёз чыгъар.
  • Мен да «сен», дейме, сен да «кесим», дейсе.
  • Билмегенинги, билгеннге сор.
  • Айырылмаз джууугъунга, унутмаз сёзню айтма.
  • Керек ташны ауурлугъу джокъ.
  • Арпа, будай – ащды, алтын, кюмюш а – ташды.
  • Окъугъан – асыу, окъумагъан – джарсыу.
  • Тойгъан джерден туугъан джер игиди.
  • Къатын байлыкъны сюер, эр саулукъну сюер.
  • Ашхы тенг джолгъа салыр, аман тенг джолдан тайдырыр.
  • Аман адамны тепсинге олтуртсанг, къызынгы тилер.
  • Ёпкелегенни ашы татлы болады.
  • Арбаз къынгырды да, ийнек сауалмайма.
  • Кийимни бичсенг, кенг бич, тар этген къыйын тюлдю.
  • Ким бла джюрюсенг, аны кёзю бла кёрюнюрсе.
  • Тынгылагъан тынгы бузар.
  • Джырчы джырчыгъа – къарнаш.
  • Ишлегенде эринме, ишде чолакъ кёрюнме.
  • Ат басханны джер билед.
  • Биреуню къыйынлыгъы бла кесинге джол ишлеме.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Ашын ашагъанынгы, башын да сыйла.
  • Дженгил джетерикме деб, узун джолну къоюб, къысхасын барма.
  • Билгенни къолу къарны джандырыр.
  • Биреуню тёрюнден, кесинги эшик артынг игиди.
  • Эркиши – от, тиширыу – суу.
  • Бал ашаргъа сюе эсенг, чибин ургъаннга тёз.
  • Тюзлюк тас болмайды.
  • Сакъалы текени да бар, мыйыгъы киштикни да бар.
  • Азыкъ аз болса, эртде орун сал.
  • Эл тойса, тоймагъан, эл къойса, къоймагъан.
  • Махтаннган къыз, тойда джукълар.
  • Биреуге кёлтюрген таягъынг, кесинги башынга урур.
  • Акъыллы айтыр эди, акъылсыз къоймайды.
  • Адамны джюреги нени кёрюрге сюйсе, кёзю да аны кёрюрге ёч болады.
  • Ёксюзню тилеги къабыл болур.
  • Джашны джигитлиги сорулур, къызны джигерлиги сорулур.
  • Уясында не кёрсе, учханында аны этер.
  • Аллахдан тилесенг, кёб тиле.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 2 3 4 5 ... 7 След.
RSS
Къарачай джырла!
 
#51
Джаратама0
05.04.2010 23:13:57
бездушный кролик

да слышала я песню)) моё сугубо личное мнение - хамоватая песня.
 
 
 
#52
Джаратама0
05.04.2010 23:17:30
киштик
ну да))))сюйген къызына джыр
 
 
 
#53
Джаратама0
05.04.2010 23:31:06
сюйген къызына джыр

сюйген къызына сора адам аллй селе айтаыды?
 
 
 
#54
Джаратама0
06.04.2010 00:06:38
сюйген къызына сора адам аллй селе айтаыды?
Да безответная любофь болса, къалай этсин джарлы джаш)))))))
 
 
 
#55
Джаратама0
06.04.2010 00:07:44
Кавказ
 
 
 
#56
Джаратама0
06.04.2010 02:02:06
Джайгъы ингирде
Къобан таладан
Салкъын аязчыкъ урады.
Сюймеклик салгъан
Джюрек джарадан
Бир мыдах макъам чыгъады.

Джангызлыкъ салгъан
Сагъыш тузакъха
Кесим кесимми байлайма.
Къарап илкерге
Чексиз узакъха
Санга джулдузчукъ сакълайма.

Битхен къанатынг
Айгъа тииере
Учду дженгерин табаргъа.
Кезюм къарады
Анга термиле
Сени бла алай ойнаргъа.

Джайгъы ингирде
Къобан таладан
Салкъын аязчыкъ урады.
Сюйген адамым
Бир узакъдады
Болурму менден азабы
 
 
 
#57
Джаратама0
06.04.2010 02:04:45
?Фатима?

Мен алгъы бурун, сюйюб башлагъанма,
Ой, ариу Фатима, атынгдан,
Ингирге дери олтуруб турсам да,
Туруб кетелмейме къатынгдан.
Фатима эди, ой Фатима эди,
Акъ марал атадым атынга,
Сюймеклигими сенге айтыб-этиб,
Джуукъ олтурсанга къатыма.
Джашнай а келеди ариу маралым,
Къарамындан киши тоймайды.
Ариулугъун ушатыб,
Кюн анга айланыб тохтайды.
Джырынгы джырласам ариу Фатима,
Джоргъа болады тору атым.
Бек тилегелей а келиб къалырса,
Деб буду мени мурытым
Сюймеклик ауруу а ол сан аурууду,
Кийик санларымы арытты,
Кезлерингден ургъан нюр джарыкъчыгъынг
Саулай элибизни джарытты.
Ой, нюр джаннгады бизни элибизге,
Джанкъылыч ойнайды башында,
Алтын чаччыгъы джылтырай келеди
Майна къарачыгъыз къашына.
Ой тау тюбюнде Теберди элибиз,
Ой джылтырайды, ой джашнайды..
Ол ариу кезлючюк орамгъа чыкъса,
Бизни кезлерибиз къамайды.
Сенден кёзлерими алалмай къалдым,
Ариуум, джанымы бермесем.
Айгъа ушатыб къарай эдим сенге,
Мен, айны кёгде уа кермесем.
Юйюбюзню джанында ол терен келню,
Биз къайыкъгъа миниб ётеик.
Бу джерни хауасы сенге джарашмайды,
Биз тюз джерлеге да кетеик.
Келчи бир кетеик, ой келчи кетеик,
Мен джер салайым тору атха.
Андан саугъа уа алыб къайтырбыз,
Бютеу тийредеги къызлагъа.
Фаэтоннга миниб бырырбыз, Фатима,
Айланырбыз Кавказ таулада,
Ёлгенле сени тилерик болмазла,
Мен а берлик тюйюлме саулагъа.
Къууанч бла къалыгъыз ой, джаш тенглерим,
Мен узакъ джерге кетеме,
Мен кесим къалсам да, сиз кеб джашагъыз,
Джырымы осият этеме.
 
 
 
#58
Джаратама0
06.04.2010 02:06:48
Алгъыш...


Той барады эшик аллында,
Келин киргенд джарыкъ арбазгъа.
Толу юйдегили болсунла.
Этген муратлары толсунла.

Тебсейдиле джашла бла къызла,
Олтуралла тёрледе къартла.
Тауусулалла алгъыш аякъла,
Ууалалла къурманлыкъ базукла.

Ойнагъыз, тебсегиз, кюлюгюз,
Къысхармасын сизни кюнюгюз.
Джарыкълай къалсын бу дуниягъыз.
Алгъышда айтылсын атыгъыз.

Туугъан джерим, джашагъан джерим,
Ата джуртум, ой, Къарачайым,
Къууанчларынг таусулмасынла,
Къыйынлыкъла кери къалсынла.

Бизни миллет кёбден кёб болсун,
Хар юйге да туудукъ къошулсун.
Ётген къыйынлыкъны сынамай,
Рахат джашасын джигит Къарачай
 
 
 
#59
Джаратама0
06.04.2010 02:11:28
Тиширыула


Къыш суукълада джылыу излесек
Биз ушатабыз джазгъа.
Джай иссиледе тенглештиребиз
Сизни салкъын аязгъа.

Гокка ханслача ариулукъ салыб
Сейирилик джерибизге
Иги умутла, иги муратла
Туудура келюбюзде.

Джолубузгъа тийириб джарыкъ кюн
Бизге къанат бересиз тиширыула
Бизден бек сюебилгенигиз ючюн
Сизни артыкъ сюейбиз тиширыула.

Кёгюрчюн кибик сакъалайсыз отдан
Сиз джерни юсюн хаман.
Кёгюбюз чууакъ рахат джашайбыз
Джарыкъды бизни заман.

Джолубуз кенгди кюн билек болуб
Хаман бирге барабыз
Къууанч кюнде да, джарсыу кюнде да..
Биз халал тенг болабыз.

Джолубузгъа тийириб джарыкъ кюн
Бизге къанат бересиз тиширыула
Бизден бек сюебилгенигиз ючюн
Сизни артыкъ сюейбиз тиширыула.

Хар насыбны да тамамы болгъан
Сиз огъурлу анасыз.
Сабийлеригиз джарыкъ ышарыб
Юйге къууанч саласыз.

Нюр сыпатыгъыз булут кюнде да
Бизге джарыкъчыкъ эте.
Сюймеклигигиз кюч бериб хаман
Таукел алгъа элтеди.

Джолубузгъа тийириб джарыкъ кюн
Бизге къанат бересиз тиширыула
Бизден бек сюебилгенигиз ючюн
Сизни артыкъ сюейбиз тиширыула.
 
 
 
#60
Джаратама0
06.04.2010 02:19:02
Ооой Кавказ таула...мийик ариудула...
Бизни деменгили къалабыз...
Сиз да джылагъыз...бизда ооой джылайбыз...
Сизден айырылыб барабыз...

Узакъ айырылыб кетиб а барабыз...
Ёмюрлюк джашагъан тауладан...
Биз ёлгенлеге уа бошуна джылайбыз...
Ала насыблыдыла сауладан...

Ыстауат сакълагъан бизни итлерибиз...
Ызыбыздан къараб улуйла...
Машинагъа миниб кетиб а барабыз...
Ызыбызгъа къараб ёкюне...

Москвадан келген къызыл(чууут) командирле...
Тегерекни алыб санайла...
Бу къыйынлыкъны уа бизге джетгенине...
Ташла-таула бары джылайдыла...

Ала уа джыламай къалай а этсинле...
Кетдиле дууачы къартлары...
Казахстанда... джангыз бир джылгъа болгъанды...
Бу джарлы къартланы артлары...

Бизни къартларыбыз джатадыла..оой, Аллах...
Ала джаназысыз-дууасыз....
Межгитлерибиз а, къалыб а кетдиле...
Уллу Байрым кюнде джумасыз...

Бери келгенледе уа... бир кеб а болгъанды...
Оой Аллах..джюрек джарала...
Аналары ёлген ёксюз сабийлени...
Мында казнагъа да аладыла...

Айтыр сезлерим а...быртда кебдюле...
Айтыб къолумдан а келмейди...
Мында ёлгенлеге ачдан ёлгенди дейдиле...
Аджалсыз киши да ёлмейди...
 
 
 
#61
Джаратама0
06.04.2010 02:25:26
?Къарт атамы осияты?

Чууакъ кёкден кёлек тигиб кийсенг да,
Джулдузладан тюйме этиб тиксенг да,
Сен ыйлыкъма атанг кийген кийимге,
Къапталында аны халы тюймеге!

Сен ыйлыкъма топуракъ башлы юйлеге,
Сен ыйлыкъма атанг ёсген тийреге,
Сени сыйынг, намысынг да - алада,
Джашасанг да накъут-налмаз къалада!

Чий алтындан чурукъланы кийсенг да,
Джанынг саудан эсгертменги кёрсенг да,
Сен ыйлыкъма атанг кийген чабыргъа,
Тау Джуртунгда эрле къазар къабыргъа!

Башха халкъны тебен этиб кюрешсенг,
Тукъум сайлаб халкъны эки юлешсенг,
Ана тилни учуз этиб сёлешсенг,
Адамлыгъынг джокъду, анга ыйлыкъ сен!

Бир онгсузну аякъ тюбге теблесенг,
Ачхалыд деб, шиндиклид деб сый берсенг,
Джолоучугъа сатыб берсенг айранны,
Таулу тюлсе, ким эсенг да, бил аны!

Чагъыр ичиб, таулума! - деб къычырсанг,
Джутлугъунг бла дуния малгъа сатылсанг,
Намыс, адет кете барыр сенден кенг,
Сагъыш эт да, бу затлагъа ыйлыкъ сен!

Туудукъларым, сизден ахыр тилегим:
Эки кесек болгъан мени джюрегим -
Бирге болсакъ Къарачайым, Малкъарым,
Къычырырсыз, эшитирча къабырым!
 
 
 
#62
Джаратама0
06.04.2010 02:43:44
Таула сарнагъанда

Сегизинчи мартда, танг аласында,
Халкъны тар ырбыннга тыйдыла.
Сабий, къарт демей, халкъны барысын да
Мешиналагъа жыйдыла.

Тау къушла кибик, ёхтем таулу жашла
Урушда къазауат этелле.
Иесиз къалып, къабырла, сын ташла,
Халкъымы уа къайры элтелле?

Терслигибиз болмай, алып баралла,
Къайры элтгенлерин билмейбиз.
Къартауларыбыз узакъда къалалла,
Биз а ышармайбыз, кюлмейбиз.

Таулада къалгъан итлени юргенлери
Жюрег'а жауунгу ашайды.
Саулукъ ийнеклени ёкюргенлери
Къыяма айланнганнга ушайды.

Биз хариплени алыб'а баралла,
Вагонла, сынжырча, тизилип.
Жолда атылгъанлай кёпле къалалла,
Жашар ёмюрлери юзюлюп.

Къабырларын ёксюз къоймазла таулула,
Эртте, кеч болса да, къайтырла.
Адамлыкъларын жоймазла таулула,
Терслеге дауларын айтырла.
 
 
 
#63
Джаратама0
06.04.2010 05:05:22
Батчаланы Шамил

"Все песни дореволюционного периода подверглись иделогической обработке как самих сказителей, боявшихся спеть что-то не по нраву Советской власти, так и в большей степени, собирателей фольклора".

Это не касается, конечно, лирических песен, песен о природе, любви.

"Сохранились ли настоящие тексты песен, я не знаю. То, что представлено как полная версия Хасауки, тоже вызывает вопросы. К примеру, сегодня уже установлено что проводником отряда Емануеля в Карачай вместе с Дудовым Магометом был вовсе не кабардинский князь Атажукин, а абазинский дворянин Атажуко Абуков, получивший за это чин и награду. Атажуко Атажукин, назначенный приставом Карачая в 1834 г., был в 1828 г. 17 -летним юношей и вряд ли обладал познаниями о путях в Карачай. Да и в послужном списке его ничего об экспедиции в Карачай не говорится. А в нем такие вещи непременно отмечались. Знаниями такими обладал как раз Атажуко Абуков, непосредственно общавшийся с карачавцами и в то же время в течение многих лет бывший лазутчиком русского командования. Так что упоминание в песне "Атаджоков" в связи с Кабартой по крайней мере, сомнительно..."

В песне говорится об Атажоке. Непонятно это фамилия или имя. Если он даже абазин, но привел войска из Кабарды, певец мог его принять за кабардинца. В любом случае это факт - проводниками царских войск в Карачай были Атаджокъ и Амантиш.

"Так что песни можно рассматривать лишь как образец фольклора, который никак не мог быть беспристрастным и объективным".

Безусловно, но сравнивая варианты песен, которые имеются в наличии, можно увидеть, как в Советском Карачае изменяли текст. Турецким карачаевцам большевиков бояться не надо было и, думаю, они сохранили более первоначальный вариант. Хотя они тоже могли что-то забыть, что-то добавить. Вопрос в другом: если песни издавать, все варианты поставить или более полный вариант?
 
 
 
#64
Джаратама0
07.04.2010 17:25:19
Ата ат бла ата джуртунг айтылыр
Ата ат бла этген ишинг танылыр
Ата ат бла тукъум болур юй болур
Ата ат бла халкъгъа улан къошулур
Ата ат бла тукъум болур юй болур
Ата ат бла халкъгъа улан къошулур

Ата къачны сыйламагъан абыныр
Ата хакъгъа акъылы аманны джаны табыныр
Ата сыйны кёре билген танылыр
Ата хатер этсенг хар ненг табылыр
Ата сыйны кёре билген танылыр
Ата хатер этсенг хар ненг табылыр

Джети атагъа ата тукъум айтылыр
жанынг къурман болсун атанга
Атам ючюн мени кёлюм мийкде
Узалмайын джетеме мен кёкге
Атам ючюн мени кёлюм мийкде
Узалмайын джетеме мен кёкге

Ата къачха келигиз сый береиик
Анны уллуду балалада къыйыны
Сыртда джолда кёб ишледе айланганд
Юйдеги ючюн кёб джерде къыйналгъанд
Сыртда джолда кёб ишледе айланганд
Юйдеги ючюн кёб джерде къыйналгъанд

Ата ат бла ата джуртунг айтылыр
Ата ат бла этген ишинг танылыр
Ата къачны сыйламагъан абыныр
Ата хакъгъа акъылы аманны джаны табыныр
Ата къачны сыйламагъан абыныр
Ата хакъгъа акъылы аманны джаны табыныр
 
 
 
#65
Джаратама0
07.04.2010 22:39:05
КЪАРАЧАЙЫМ-МАЛКЪАРЫМ

Деу Аланла зорчуладан, жауладан-
Кеб емюрлени Аллах бла сакъланнган,
Сеир журтну эркелете инакълай,
Биз жашайбыз Малкъар бла Къарачай.

Бу дунияны жаннети деп аталгъан,
Тау жерибиз махтау бла айтылгъан,
Сууларыбыз тамам кюмюш белбау,
Къуанчыбыз - эки башлы Минги тау.

Къарачаим, Малкъарым
Экигиз да эки учар къанатым,
Бир миллетден жаратылгъан эки халкъ,
Шох турабыз бир бирге болуп жал.

Таматаны сыйлап орун бергенле,
Тышырыуну ана къачын кергенле,
Къартларыбыз - тюз оноулу, келбетли
Джаш телюбюз - тау намыслы, адебли.

Къыйын кюнде шохун, тенгин сатмагъан
Башхалагъа саут алып чапмагъан,
Тюзлюк жолда тенг атлагъан эгизле,
Зорлукъ, ачыу сынамагъыз емюрде.

Къарачаим, Малкъарым
Экигиз да эки учар къанатым,
Бир миллетден жаратылгъан эки халкъ,
Шох турабыз бир бирге болуп джакъ.
 
 
 
#66
Джаратама0
08.04.2010 06:19:28
SOFIKOSHKA
Жду песенку!!!!!

Папин Южак
Спасибо за поддержку товарищ Вождь!))))
 
 
 
#67
Джаратама0
08.04.2010 21:24:31
КЪАРЧА
Батыр К ъарча Къарачайны башы эди,
Аны юйю къара сослан ташдан эди.

Халкъы бла Уллу Басханда джашай эди,
Будай,арпа,тары,сюрюб ашай эди.

Къыйынлыкъда халкъын джаудан сакълай эди,
Юсюн тешиб,бир кечени джатмай эди.

Ханла,бийлечабыуулда от салсала,
Сабанладан халкъы хайыр табмай эди.

Къара къойну тау сыртлагъа джайгъан эди,
Кийик эчкини,кютю этиб,саугъан эди.

продолжение следует...
 
 
 
#68
Джаратама0
09.04.2010 00:43:29
SOFIKOSHKA

Мен да бир джыр къошайым одна из моих любимых









Кеслерин сюйдюрген
Тамаша джуртлада,
Тёгерекни джырларым сагъайта,
Тенгизча чайкъалгъан
Къатапа сыртлада
Мен барама, атымы ойната.

Припеви:
Къарлы таулагьа,
Шоркъа суулагъа
Илешгенди джюрегим.
Джюрек къылымда,
Сокъгъан джырымда
Айтылады сюйгеним!
Минги Тау ышара,
Булутдан къарайды,
Джаш джюрекни чакъыра кесине,
Аны чал тёппесин
Джарыкъ кюн тарайды,
Окъа чепкен кийдириб юсюне.

Припеви.

Насыбым, къууанчым ?
Къаракъаш Айшатым ?
Къарачайда тау элде джашайды.
Эх, тенгле, таулу къыз ?
Джуртуму айбаты ?
Тауда субай наратха ушайды.

Припеви.

Перевод на русском:

Скачу я по тропам,
По тропам зеленым,
Разносится эхом
Топот коня.
Лечу, словно сокол,
Всем сердцем влюбленный,
И звонкая песня
Льется моя.

Припев:

Край мой родимый,
Сердцем любимый,
Краше тебя не найти!
Звонкою песней,
Край мой чудесный,
Славлю тебя я в пути!

Вершины Кавказа
Глядят на просторы,
Манят величавой
Горной красой.
Эльбрус седоглавый,
Скалистые горы,
Я с детства люблю вас
Всею душой.

Припев.

Нет девушек наших
Стройнее и краше,
Горянкой гордится
Смелый джигит.
Лечу я, как ветер,
Нельзя мне иначе:
В ауле подруга
Ждет и грустит.

Припев.

Я верному другу
Подам свою руку,
Родную подругу
Всем сердцем ценя.
Мой конь черногривый
По горным излукам
Несет, словно сокол,
К милой меня.

Припев.
 
 
 
#69
Джаратама0
09.04.2010 01:51:04
zavitok


ООооо классно!! А что за книжка? Есть еще песни там?
 
 
 
#70
Джаратама0
09.04.2010 02:05:57
SOFIKOSHKA
А что за книжка? Есть еще песни там?

"Мелодии гор" 1966г. песни на всех языках КЧР
 
 
 
#71
Джаратама0
09.04.2010 02:08:47
zavitok

а можно ее одолжить? я отсканирую и верну.
 
 
 
#72
Джаратама0
09.04.2010 02:11:27
SOFIKOSHKA
Одолжить можно))) Могу отсканировать и скинуть
 
 
 
#73
Джаратама0
09.04.2010 02:12:42
SOFIKOSHKA

андан сора джирларса бизге))) ал уялма да))
 
 
 
#74
Джаратама0
09.04.2010 02:18:47
zavitok

Могу отсканировать и скинуть

ну это вообще будет супер буду ждать вот на эту почту sofikoshka@yandex.ru. Когда у тебя будет свободное время

Заранее спасибо

поклонники

андан сора джирларса бизге))) ал уялма да))

Конечно)))) джырларгъа деб ала турама)))
 
 
 
#75
Джаратама0
09.04.2010 02:22:59
SOFIKOSHKA

Всю книжку, или только на карачаевском?

Конечно)))) джырларгъа деб ала турама)))

Мени да бир чакъырырсыз
 
 
 
#
Джаратама0
 
 
 
Страницы: Пред. 1 2 3 4 5 ... 7 След.
Читают тему (гостей: 12)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.