Ата – баланы уясы.
Термилгенинги табмазса, кюлгенинге тюберсе.
Кёл ашады да, кеси ашады.
Тау башында, тау болмаз, джангыз терек, бау болмаз.
Билимли ёлмез, билимсиз кёрмез.
Эртде тургъан бла эртде юйленнген сокъуранмаз.
Джаз бир кюнню джатсанг, къыш талай кюнню абынырса.
Тамчы таш тешер.
Тойгъан джерден туугъан джер игиди.
Эки итни арасына сюек атма, эки адамны арасында сёз чыгъарма.
Бети – къучакълар, джюреги – бычакълар.
Ат басханны джер билед.
Ашхы болсанг, атынг чыгъар, аман болсанг, джанынг чыгъар.
Гырджын – тепсини тамадасы.
Ач къалгъандан, кеч къалгъан къолай.
Ашлыкъны арба юйге келтирир, чана базаргъа элтир.
Башсыз урчукъ тюзюне айланмаз.
Адам боллукъ, атламындан белгили болур.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Тура эдим джата, къайдан чыкъды хата?
Келинни – келгинчи, бёркню кийгинчи кёр.
Джыйырма къойну юч джыйырма эбзе кюте эди.
Киштикге къанат битсе, чыпчыкъ къалмаз эди.
Джыланны къуйругъундан басарынг келсе, аны башы болгъанын унутма.
Арыгъан къош чамчы болур.
Игини сыйлагъан адетди.
Ачыкъ джюрекге джол – ачыкъ.
Ишлегенде эринме, ишде чолакъ кёрюнме.
Башланнган иш битер, къымылдагъан тиш тюшер.
Абынмазлыкъ аякъ джокъ, джангылмазлыкъ джаякъ джокъ.
Адамны адамлыгъы къыйынлыкъда айгъакъланады.
Мухарны эси – ашарыкъда.
Чомарт бергенин айтмаз.
Ариуну – ауруу кёб.
Бастасын ашагъан, хантусун да ичер.
Магъанасыз сёз – тауушсуз сыбызгъы.
Ата Джуртун танымагъан, атасын да танымаз.
Ёлюр джаннга, ёкюл джокъ.
Бетинги сатма, малынгы сат.
Билмезни кёзю кёрмез, этмезни къулагъы эшитмез.
Джогъун бар этген, барын бал этген.
Биреуге аманлыкъны тилеме да, кесинге ашхылыкъны тиле.
Ариу – кёзге, акъыл – джюрекге.
Джеринден айырылгъан – джети джылар, джуртундан айырылгъан – ёлгюнчю джылар.
Телиге от эт десенг, юйюнге от салыр.
Сыфатында болмагъаны, суратында болмаз.
Тюз сёз баргъан сууну тыяр.
Кирсизни – саны таза, халалны – къаны таза.
Юй кюйдю да, кюйюз чыкъды, ортасындан тюйюш чыкъды.
Джаханимни кёрмей, джандетге кёл салмазса.
