Байлыкъ келсе, акъыл кетер.
Эл тойса, тоймагъан, эл къойса, къоймагъан.
Аш иеси бла татлыды.
Къайтырыкъ эшигинги, къаты уруб чыкъма.
Аджашхан тёгерек айланыр.
Юре билмеген ит, къонакъ келтирир.
Сангырау къулакъ эл бузар.
Кёл – къызбай, къол – батыр.
Ойнаб айтсанг да, эслеб айт.
Адамны бетине къарама, адетине къара.
Алгъанда – джууукъ, бергенде – джау.
Ишлемеген – тишлемез.
Ариуну – ауруу кёб.
Адам къаллай бир ишленмесе, аллай бир кесин уллу кёреди.
Къонакъ кёб келюучю юйню, къазаны отдан тюшмез.
Арпа, будай – ащды, алтын, кюмюш а – ташды.
Кийимни бичсенг, кенг бич, тар этген къыйын тюлдю.
Гырджын – тепсини тамадасы.
Аууздан келген, къолдан келсе, ким да патчах болур эди.
Эки итни арасына сюек атма, эки адамны арасында сёз чыгъарма.
Билим ат болуб да чабар, къуш болуб да учар.
Ётюрюк хапар аякъ тюбю бла джюрюйдю.
Джуртун къоругъан озар.
Абынмазлыкъ аякъ джокъ, джангылмазлыкъ джаякъ джокъ.
Ашхы атаны – джашы ашхы, ашхы ананы – къызы ашхы.
Тынгылагъан тынгы бузар.
Джылкъыдан – ат чыгъар, тукъумдан – джаш чыгъар.
Къарт болгъан джерде, берекет болур, сабий болгъан джерде, оюн болур.
Джауумдан сора, кюн кюйдюрюр, ётюрюкден сора, айыб кюйдюрюр.
Азыгъы аз, алгъа къабар, аты аман, алгъа чабар.
Ёнгкюч къууана барыр, джылай келир.
Сабий кёргенин унутмаз.
Ашлыкъны арба юйге келтирир, чана базаргъа элтир.
Къызын тута билмеген, тул этер, джашын тута билмеген, къул этер.
Рысхы – сют юсюнде кёмюк кибикди.
Ауурну тюбю бла, дженгилни башы бла джюрюген.
Тёрдеги кюлсе, эшикдеги ышарыр.
Кёлю джокъну – джолу джокъ.
Адам туугъан джеринде, ит тойгъан джеринде.
Асхат ашлыкъ сата, юйдегиси ачдан къата.
Бир онгсуз адам адет чыгъарды, деб эштирик тюлсе.
Сёз садакъдан кючлюдю.
Аз сёлеш, кёб ишле.
Акъыл бла адеб эгизледиле.
Аман киши кеси юйюнде – къонакъ.
Адамны артындан къара сабан сюрме.
Кёпюр салгъан кеси ётер, уру къазгъан кеси кетер.
Артына баргъанны, къатына барма.
Тёзгеннге, джабылгъан эшик ачылыр.
Шапа кёб болса, аш татымсыз болур.
