Акъыл бла адеб эгизледиле.
Шайтан алдады, тюзлюк къаргъады.
Ата Джуртун танымагъан, атасын да танымаз.
Бети бедерден, намыс сакълама.
Ишге юренсин къоллары, халкъ бла болсун джоллары.
Ата Джуртча джер болмаз, туугъан элча эл болмаз.
Джангыз терек къынгыр ёсер.
Баш болса, бёрк табылыр.
Тёгюлген тюгел джыйылмайды.
Байдан умут эте, джарлыдан ёгюз багъасы къорады.
Ашыкъгъанны этеги бутуна чырмалыр.
Элде адам къалмаса, ит тахтагъа минер.
Окъумагъан сокъурду, сокъур ташха абыныр!
Тюкюрюк баш джармаз, налат кёз чыгъармаз!
Кёбден умут этиб, аздан къуру къалма.
Ачылгъан эт джабылыр, кёрген кёз унутмаз.
Чыкълы кюнде чыкъмагъан, чыкъса къуру кирмеген.
Артына баргъанны, къатына барма.
Эте билген, этген этеди, эте билмеген, юретген этеди!
Атадан ёксюз – бир ёксюз, анадан ёксюз – эки ёксюз.
Намыс болмагъан джерде, насыб болмаз.
Телиге от эт десенг, юйюнге от салыр.
Этек чакъмакълары баш джаргъан, сёлешген сёзлери таш джаргъан.
Джыйырма къойну юч джыйырма эбзе кюте эди.
Ёгюзню мюйюзлери ауурлукъ этмейдиле.
Чыбыкълыкъда бюгюлмеген, къазыкълыкъда бюгюлмей эди.
Адам сёзге тынгыла, акъыл сёзню ангыла.
Къарнынг къанлынга кийирир.
Тойгъа барсанг, тоюб бар, эски тонунгу къоюб бар.
Адебсиз адам – джюгенсиз ат.
Джолунга кёре – джюрюшюнг, джагъанга кёре – юлюшюнг.
Ат да турмайды бир териде.
Чомартха Тейри да борчлуду.
Аллахха ийнаннган кишини, Аллах онгдурур ишин.
Башланнган иш битер, къымылдагъан тиш тюшер.
Къонагъы джокъну – шоху джокъ.
Акъыл сабырлыкъ берир.
Кёб джат да, бек чаб.
Кюлме джашха – келир башха.
Ата – баланы уясы.
Сёз – кюмюш, джыр – алтын.
Байлыкъ келсе, акъыл кетер.
Кийим тукъум сордурур.
Мен да «сен», дейме, сен да «кесим», дейсе.
Бойнуму джети джерден кессенг да, мен ол ишни этеллик тюлме.
Ашхылыкъ джерде джатмайды, аманлыкъ суугъа батмайды.
Ёзденликни джайгъан – джокълукъ.
Хар зат кесини орнуна иги.
Эки ойлашыб, бир сёлешген.
Кюн – узун, ёмюр – къысха.
