Ашда – бёрю, ишде – ёлю.
Ётюрюкден тюбю джокъ, кёлтюрюрге джиби джокъ.
Насыблы элин сюер, насыбсыз кесин сюер.
Джауумдан сора, кюн кюйдюрюр, ётюрюкден сора, айыб кюйдюрюр.
Кийимни бичсенг, кенг бич, тар этген къыйын тюлдю.
Ач къарынны, токъ билмез
Башынга джетмегенни сорма.
Джангыз терек къынгыр ёсер.
Мал ёлсе, сюек къалыр, адам ёлсе, иши къалыр.
Кёб ант этген, кёб ётюрюк айтыр.
Тешик этген тынчды, аны джамагъан къыйынды.
Кийимни бир кюнню аясанг, минг кюннге джарар.
Къалгъан ишге къар джауар.
Ашхы сёз таш тешер.
Арба аугъандан сора, джол кёргюзтюучю кёб болур.
Чомарт къонакъ юй иесин сыйлар.
Кийиминг бла танылма, адамлыкъ бла таныл.
Шекер бла туз – бир болмаз, ушамагъан – юй болмаз.
Ата джурт – алтын бешик.
Бичгенде ашыкъма, тикгенде ашыкъ.
Туз, гырджын аша, тюзлюк бла джаша.
Эркишини аманы тиширыуну джылатыр.
Нафысынгы айтханын этме, намысынгы айтханын эт.
Бал ашаргъа сюе эсенг, чибин ургъаннга тёз.
Адамны сабийин сюйген джюреги, бычакъча, джитиди.
Билим ат болуб да чабар, къуш болуб да учар.
Тиширыусуз юй – отсуз от джагъа.
Зар адамны насыбы болмаз.
Билим къая тешер.
Къобан да къуру да къобханлай турмайды, адам да къуру да патчахлай турмайды.
Чабакъсыз кёлге къармакъ салгъанлыкъгъа, чабакъ тутмазса.
Къарт болгъан джерде, берекет болур, сабий болгъан джерде, оюн болур.
Ашыкъгъан cуу, тенгизге джетмез.
Юре билмеген ит, къонакъ келтирир.
Кирсизни – саны таза, халалны – къаны таза.
Ата Джуртун танымагъан, атасын да танымаз.
Аман киши кеси юйюнде – къонакъ.
Ачны эсинде – аш.
Къарт айтханны этмеген, къартаймаз.
Ишин билген, аны сыйын чыгъарады.
Адамгъа аман кюн соруб келмейди.
Онгсузну – джакъла, тенгликни – сакъла.
Ариу сёз джыланны орнундан чыгъарыр.
Билмезни кёзю кёрмез, этмезни къулагъы эшитмез.
Ишге юренсин къоллары, халкъ бла болсун джоллары.
Эки ойлашыб, бир сёлешген.
Бал чибинни ургъаны – ачы, балы – татлы.
Ат да турмайды бир териде.
Джеринден айырылгъан – джети джылар, джуртундан айырылгъан – ёлгюнчю джылар.
Кёбден умут этиб, аздан къуру къалма.
